Post Tagged with: "超正"

日本超正扭蛋「貓妖怪」第2彈     條脷伸到好長
by / on 15/11/2018 at 7:42 am

日本超正扭蛋「貓妖怪」第2彈 條脷伸到好長

好鍾意日本呢個「貓妖怪」嘅扭蛋系列,由日本品牌奇譚出品,之前出過第一彈,由於反應好 ,11月底會推出第二彈,一共7款貓妖怪造型,全部都唔恐怖好可愛,特別係將條脷伸到好長嗰隻,好想帶佢返屋企!鍾意嘅記住留意返嘞,入嚟有得回帶睇埋第一彈。

Read more ›

日本超正「冬天連身睡衣」   Coser宮本彩希做示範
by / on 14/11/2018 at 7:42 am

日本超正「冬天連身睡衣」 Coser宮本彩希做示範

日本經常都有呢類連身睡衣賣,今次呢件真心覺得正,由Bibi Lab.出品,搵咗日本知名Coser宮本彩希做示範,件睡衣超多details位,例如拉盡拉鍊後可以當埋口罩,頂帽旁邊有兩個窿可以挑啲頭髮出嚟,手掌可以收埋晒,又可以淨係突隻手指公或者全部手指放出嚟,最正都係去廁所,腰身有拉鍊位,夠快捷方便。amazon賣6,800円,入嚟有link,買嚟做聖誕禮物都唔錯,男女通用。

Read more ›
日本超正「立體貓襟章」扭蛋     超實用貓奴要買
by / on 08/11/2018 at 7:44 am

日本超正「立體貓襟章」扭蛋 超實用貓奴要買

日本海洋堂今次推出嘅呢款貓襟章幾吸引。有齊5個貓頭,白貓黑貓以至三色貓都有份,全部都係大大個頭嘅立體襟章,扣喺tote bag或者頂帽上面都好睇,貓奴要買。

Read more ›
日本網民私心推介 京都嵐山超正和牛店
by / on 31/10/2018 at 7:26 am

日本網民私心推介 京都嵐山超正和牛店

又有好嘢介紹,有日本網民推介呢間叫「STEAK おおつか」嘅和牛店,位於嵯峨嵐山,樓主形容為超好味,睇相都流晒口水呀!各位去開京都附近旅行嘅記住去試吓。留意返佢每日嘅開業時間係早上11點至下午2點半,晏咗去就無得食嘞,另外逢星期四同日都休息,至於平均消費大概係4千円一個人左右。

Read more ›
日本超正「炸蠔雪糕」 完美組合高度推介
by / on 29/10/2018 at 7:15 am

日本超正「炸蠔雪糕」 完美組合高度推介

日本岡山被譽為「日本首屈一指的牡蠣生產地」,佢嘅魚市場「五味の市」可以食新鮮生蠔、炸蠔,真係睇見都流口水,而最近仲有一個好特別嘅產品推出,就係炸蠔雪糕嘞!雪糕兩邊各自插住一隻炸蠔,一邊食蠔一邊點旁邊嘅雪糕嚟食,一冷一熱,有日本媒體親身試咗,話味道超好,去開嘅朋友記住試吓,而且一杯只賣300円,超抵!不過記住早啲去,間店賣完就會提早關門。

Read more ›
日本超正仿IG介面iPhone殼     自由選圖Twitter熱傳
by / on 05/10/2018 at 7:24 am

日本超正仿IG介面iPhone殼 自由選圖Twitter熱傳

以電話殼嚟講,呢個款式真係好實用好正。日本Twitter最近熱傳呢個iPhone殼,喺390円店「Thank You Mart」有得買,模仿IG介面,貼自己鍾意嘅相或者畫面入去就會變成IG動態,好想要返個!

Read more ›

日本Twitter熱傳     鋼琴設計超強「未來感」
by / on 03/10/2018 at 7:00 am

日本Twitter熱傳 鋼琴設計超強「未來感」

無諗過鋼琴可以咁有未來感!日本Twitter熱傳呢幾張圖,圖中品牌Roland嘅數碼鋼琴超靚,似藝術品多過似鋼琴。其實佢哋係嚟自Roland之前一個設計比賽嘅作品,設計師嚟自世界各地,由韓國到美國到意大利都有,入嚟有得慢慢睇。

Read more ›
北海道超正酒店早餐 魚子刺身任食自製海鮮丼
by / on 22/09/2018 at 8:36 am

北海道超正酒店早餐 魚子刺身任食自製海鮮丼

好吸引呀!鍾意食魚子嘅朋友,見到呢幾張相應該會好肚餓。日本漫畫家分享咗佢住嘅酒店嘅早餐,可以自製「海鮮丼」,材料有大大量嘅魚子、三文魚同吞拿魚蓉等等,啲魚子好似唔洗錢咁可以任裝,好吸引!地點係北海道函館嘅酒店「ラビスタ函館ベイ」,有網民話呢度嘅風呂都超正,睇返資料,呢到嘅早餐好出名,有大量刺身任選,入嚟有回帶。下次去開附近可以考慮住呢間。

Read more ›
《龍珠超》魔童加布歐 超正手機線保護器
by / on 21/09/2018 at 7:58 am

《龍珠超》魔童加布歐 超正手機線保護器

又係呢個手機線保護公仔「CABLE BITE」,今次都係《龍珠超》,但就有新角色「魔童」同埋「布歐」,仲要係Q版!前者奸奸哋又哨晒牙,後者就一貫都係蠢蠢哋嘅擘大口嘅樣,超想要!9月底發售。

Read more ›
【新片速報】日本網民新玩具 超正「地獄三頭犬」加濕器
by / on 10/09/2018 at 9:12 am

【新片速報】日本網民新玩具 超正「地獄三頭犬」加濕器

以加濕器嚟講係真心型嘅,有日本網民分享咗呢個「ケルベロス加湿器」,其實出咗好耐,不過好多人包括我都未見過。呢隻希臘神話入門看守冥界入口嘅惡犬,特點係有3個頭,又稱為地獄三頭犬,變咗加濕器之後,對眼同個口著晒燈,仲一邊搖一邊噴濕,超霸氣。網上有得買,開價美金$179.99,可惜暫時售罄。

Read more ›
【有片】瑞士超正「過山車」體驗 衝落山超真實
by / on 30/07/2018 at 7:18 am

【有片】瑞士超正「過山車」體驗 衝落山超真實

有無人好鍾意玩過山車?日本有網民分享咗呢段片,地點喺瑞士,呢款過山車建築喺山上,睇片見到衝落山嗰吓超有真實感,仲好驚吓!好想試玩呀。不過最後睇到啲人,似乎落咗快鏡喎?

Read more ›

日本經典朱古力變棋子     實物原大繼續鬥
by / on 18/07/2018 at 7:52 am

日本經典朱古力變棋子 實物原大繼續鬥

其實之前都已經推出咗,不過啱啱有日本網民分享出嚟,又勾起想買嘅慾望。呢款朱古力餅零食好多人鍾意,歷年嚟喺日本仲不斷有人爭拗邊款好味啲,之前仲做過唔少調查。咁兩款都咁受歡迎,點揀好呢?最近有網民分享咗呢款黑白棋,用咗兩款朱古力嚟做設計,仲要係原實物大小,超正,可以繼續鬥生鬥死嘞!不過千祈唔好俾小朋友玩,好容易會想忍唔住食埋落肚。至於睇完想買返副嘅,可以上日本嘅amazon,而家賣緊1738円,入嚟有link。

Read more ›
媽媽自製超正壽司蛋糕 日本網民放閃相Twitter熱傳
by / on 14/07/2018 at 1:30 pm

媽媽自製超正壽司蛋糕 日本網民放閃相Twitter熱傳

睇圖啲口水已經滴晒出嚟,日本呢位網民好幸福,媽咪問佢想唔想食壽司蛋糕,之後就整咗嗰個蛋糕出嚟,一層層嘅壽司飯夾住吞拿魚茸,最正係面層仲有大量三文魚刺身,Twitter好多人RT,仲有唔少人分享佢哋媽咪製作嘅壽司生日蛋糕,有啲仲過份,入嚟有得睇。

Read more ›
大阪超正士多啤梨店     日本網民絕密推介
by / on 08/07/2018 at 9:50 am

大阪超正士多啤梨店 日本網民絕密推介

有無發覺日本嘅士多啤梨特別甜特別靚?仲要平香港好多,難怪每次去日本都會忍唔住食。如果你都係士多啤梨迷,下次去大阪旅行記住去埋心齋橋嘅「STRAWBERRY MANIA」,有日本網民喺blog度推介,嗰度有好靚嘅士多啤梨撻(800円)、即日採摘嘅士多啤梨串(300円)、士多啤梨大福(300円),仲有其他士多啤梨蛋糕同大量甜品,睇見都流口水!

Read more ›
日本超正八爪魚雨遮 手柄位大大條八爪魚腳
by / on 05/07/2018 at 7:48 am

日本超正八爪魚雨遮 手柄位大大條八爪魚腳

落雨天拎把遮出街唔想同人撞款?日本呢位網民最近買咗把八爪魚遮,面層有八爪魚圖案,內層係大大隻八爪魚,再睇埋個手柄,係大大條嘅八爪魚腳呀!揸住把遮就好似捉咗隻八爪魚咁,超正超想買。入嚟有Link,賣3百零蚊左右。

Read more ›