Tag: 超市

【新片速報】醉漢以為鏡中人係路人 左閃右避叫讓開

【新片速報】醉漢以為鏡中人係路人 左閃右避叫讓開

飲醉酒好多人都試過,不過呢個男人就俾人放咗上網,因為佢走咗入間超級市場,然後以為鏡入面嘅自己係途人,之後左閃右避,仲叫對方讓開。段片放上網後好多人睇,最後拍片嘅男仔都有提醒返佢。不過有網民就鬧拍片嘅人,話個男人可能係對眼或者腦部有問題,唔應該咁樣拍人放上網。BTW,其實個男人都算幾好禮貌,好彩無打爛塊鏡。

Read more ›

【宣傳毛巾】日本Twitter熱傳 大媽創作超市廣告毛巾

好勁,大媽嘅創意唔可以睇少。最近呢條毛巾喺twitter大熱,據講由一位日本大媽製作,白毛巾上繡上超級市場特價廣告嘅字樣,由於製作太精美,喺Twitter吸引超過3萬個RT,連2ch嘅網民都熱烈討論,有人留言話:「比想像中靚」,亦有超強摩擦力嘅網民留言話:「吸水能力應該幾差」。btw,條毛巾真係考手驗手功同耐性,精細程度連我都想要一條。

Read more ›

【原個剥皮】外國超市賣剝皮橙 網民狂鬧唔環保

唔鍾意剝橙皮,不過點都估唔到有超市賣原個剝皮橙。外國網友Nathalie Gordon將呢張相放上網,引起網民熱烈討論,大部份人都鬧爆覺得咁做好唔環保,唔明白點解橙本身天然已經有層皮保護,而家反而要浪費一個膠盒裝住。我反而想知邊個負責剝皮?BTW,其實超市都有賣切好晒嘅水果盒,一樣唔環保。

Read more ›

【環保超市】丹麥超市專賣過期食品 網民大讚夠環保

「最佳食用日期」唔等於「食物到期日」,不過好多人為方便起見,都會掉咗啲未過期嘅食物。最近丹麥就開咗間超級市場WeFood,入面賣嘅食物全部都係過咗期但依然食得嘅,售價比哥本哈根一般超市平50%,減低食物浪費之餘又可以惠及低收入嘅家庭,難怪網民都大讚。睇返資料,原來丹麥每日被棄置嘅食物足足有70萬公噸,唔知阿信屋有無興趣開返間呢?

Read more ›

【促銷】超市薯仔架貼《火星任務》postcard 外國網民熱傳

睇電影《火星任務》(The Martian)時有無想食焗薯?我有。套戲入面主角靠食薯仔維生,仲自己喺火星種薯仔。早前網上流出一張超市嘅相,相中嘅薯仔架上面掛咗張電影《火星任務》麥迪文嘅大頭相postcard,張相好快喺網上瘋傳,但原來並唔係惡作劇,而係外國薯仔公司Albert Bartlett同電影公司為出碟做嘅合作,最近有外國網站報導,原來除咗袋薯仔上面印咗麥迪文個頭之外,官方仲搞咗個活動,勝出者可以去美國太空總署NASA參觀,可惜活動而家已經完咗,不過呢個宣傳方法都幾正。

Read more ›

【洋貓】英國喵星人火速走紅 長駐超市監視人類

最近呢隻喺倫敦超級市場Sainsbury’s被發現嘅6歲肥喵Olly Oliver好紅,最先係上年11月佢被發現喺超市入面周圍巡遊,之後俾職員趕走咗,不過佢無放棄,之後每日都要去超市行一次先安樂,有時會居高臨下企喺貨架頂監察人類買嘢,有時又會跳入貨架休息,職員都無佢符,而當地顧客亦習慣咗佢嘅存在。好嘞,咁究竟肥肥白白嘅佢喺邊度嚟?後來有人發現原來佢係有人養嘅,主人屋企就喺超市旁邊,屋企仲有隻灰色毛嘅喵星人兄弟。唔,果然外國嘅空氣係自由啲,唔止人類,連貓都生活得自由自在,好羨慕!

Read more ›

改裝超市購物車 特色坐椅夠環保

仲係小朋友嘅時候,我好鍾意坐喺超市購物車嘅小童座位,唔舒服不過夠威。外國設計師Xavier Degueldre好有諗頭,將超市購物車改裝成座椅,腳長嘅成年人都坐得落,不過太肥就未必得。最重要係佢嘅理念 ─ 將被棄置嘅超市購物車重新改裝再用,夠晒環保。不過記住加埋坐墊,否則坐到屁股起格。

Read more ›

萬聖節超市賣假手 玩大咗狂接投訴

今日係萬聖節,有無諗住點慶祝?如果去超級市場見倒有得賣呢隻假手,你會唔會買?挪威一間超級市場今次玩大咗,整咗幾隻假手擺喺生肉架,上面仲好幽默地寫明營養標籤、成份,出產地就係Chop Shop。結果?雖然外國人出名玩得,但係都接倒大量投訴,好多客人話嚇親同行嘅細路。計我話,如果阿仔話好鐘意,叫阿媽買隻返去食我仲驚。

Read more ›