fbpx

Post Tagged with: "超任"

日本舊Game奇妙事件 漫畫家買足球Game變神Game
by / on 03/07/2020 at 8:27 pm

日本舊Game奇妙事件 漫畫家買足球Game變神Game

仲有冇玩舊Game?呢位日本漫畫家とく村長たん早前就買咗隻超級任天堂《ジーコサッカーZICO Soccer》,點知返到去開機發現入面竟然係一隻……之後仲有人整咗Mini超任起動《ZICO Soccer》嘅畫面,真係好有心機。

Read more ›

【咁多謝】日本懷舊遊戲團體 捐100部超任予有需要家庭
by / on 25/04/2020 at 3:57 pm

【咁多謝】日本懷舊遊戲團體 捐100部超任予有需要家庭

停學又要留家中,如果屋企冇番部遊戲機看門口,小朋友可能真係會幾悶。咁日本有一個名為Japan Retro Game Association(JARGA)就捐出100部超任俾有需要又有16歲以下小朋友嘅家庭,每部超任仲跟兩隻遊戲,係《Final Fantasy VI》、《Donkey Kong Country》,可能有人會問,點解係捐超任唔係PS4呀?咁我又問問,見唔見到人哋組織個名呀?

Read more ›
初音出「超任盒帶」 其實係流動充電器
by / on 14/10/2019 at 10:15 pm

初音出「超任盒帶」 其實係流動充電器

初音今日有横浜公演「初音ミクシンフォニー」,喺活動中就可以買到呢個「ゲームカセット型モバイルバッテリー」,外表係超級任天堂盒帶,實際係流動充電器,容量8000mph。有好多初音迷買咗開箱,仲有人真係插入去超任度,得喎!最後提一提,下年喺Switch會有《初音ミク Project DIVA MEGA39’s》推出。

Read more ›
【有片】迷你超任變音響 托喺膞頭隨時打
by / on 11/04/2018 at 9:43 pm

【有片】迷你超任變音響 托喺膞頭隨時打

迷你超任太細部?改佢落部大部啲嘅嘢度囉。好似呢部1982年嘅Montgomery Ward boombox咁,而且仲要加埋個Mon仔,仲有內置電,真係可以拎出街玩!應該係話托出街……如果你咁啱又想咁改,又咁啱有部boombox,可以睇吓教學添。

Read more ›
【有片】MINI超任已被Hack 加200遊戲後果自負
by / on 10/10/2017 at 10:07 pm

【有片】MINI超任已被Hack 加200遊戲後果自負

  講真,如果官方有得買Game,將啲Game加入去MINI紅白機或者超任度,我諗好多機迷願意俾錢去買。上年MINI紅白機都有人Hack咗可以加遊戲,今次超任呢,已經出咗hakchi2,下載再插部機去電腦,仲會先做backup先再搞。唔,大家都成年人,自己決定啦,我就玩住內置嗰啲先,估唔到暫時玩得最多係嗰隻puzzle game……

Read more ›
拎出街玩先至爽 MINI超任駁尿袋玩
by / on 07/10/2017 at 10:56 am

拎出街玩先至爽 MINI超任駁尿袋玩

早兩日話MINI超級任天堂喺日本好多貨,大家如果唔急儲,真係可以等個價回到合理水平先出手。咁呢部機仔係用USB攞電,咁即係可以用尿袋供電玩?日本有機迷就示範咗,流動充電器加屏幕,拎晒出街插著佢就得,仲拎咗去居酒屋玩,不過唔知玩到幾耐?

Read more ›

那個年代 日本機迷曬超任三兄弟圖
by / on 06/10/2017 at 4:48 pm

那個年代 日本機迷曬超任三兄弟圖

我哋各自都有屬於自己嘅打機年代,你嘅年代係紅白機?超任?MD?PC Engine?PS?如果你係3字頭到尾,好大機會對灰色機身、手掣有LR加四色掣、擁有多種捲軸、放大縮小處理畫面機能(當年係主打)嘅超級任天堂有情意結。啱啱出嘅MINI超任有冇買?呢位日本機迷連埋之前嘅3DS同當年嘅主機三兄弟影合照。

Read more ›
【好嘢炒唔起】出手等多陣 日本MINI超任大量貨
by / on 05/10/2017 at 12:04 pm

【好嘢炒唔起】出手等多陣 日本MINI超任大量貨

之前美版,早兩日嘅偷跑日本版MINI超級任天堂,都炒到過千,噚日就見到有舖頭賣9百幾,不過日本原價係8,000円唔駛喎!日本今日(5日)正式開售喇,情況如何?好多舖頭都有人龍,不過留意番係貨源好充足,例如「ビックカメラAKIBA」有800部機只有約250人排隊;「アキバ☆ソフマップ①」有600部機,只有約145人排隊;「ソフマップAM館」有900部只有約270人排隊……咁代表咩?代表炒唔起喇!大家可以觀望吓,等佢回落先出手,應該好快!最後想講講,錢編輯早兩日已經壯烈犧牲咗,用炒價買咗部,不過佢話唔緊要,大家唔好似佢咁衝動就得喇。

Read more ›
【有片】可以用番舊掣 MINI超任轉插器
by / on 22/09/2017 at 5:06 pm

【有片】可以用番舊掣 MINI超任轉插器

你話上次紅白機就話個掣細啫,今次新嗰部MINI超任個掣大細冇問題吖?咁可以用喺美版度,轉番日版舊掣囉。嚟緊推出MINI超級任天堂,有廠商就推出埋呢隻「Controller Adapter for SNES to SNES Classic Edition(以下、Controller Adapter)」轉插,如果你有舊掣,用開有感情係咪?

Read more ›
【行情】日本網上賣到18,000円 MINI超任要觀望
by / on 17/09/2017 at 9:02 pm

【行情】日本網上賣到18,000円 MINI超任要觀望

講真,原價7,980円買份回憶、情懷係幾OK,由包裝到外型到手掣都帶俾你回憶,仲有21隻遊戲玩吓。不過日本噚日(16日)開訂,好多人排之餘,仲見到好多舖頭貨量唔多,於是,網上面賣一倍價錢都賣得出,o依家上Amazon睇,大多都賣過18,000円,呢個價,就麻麻抵入手喇,除非志在必得又多閒錢,否則等佢出咗先算咯。

Read more ›
難搞!日本開訂各地大量人龍 MINI超任炒起一倍
by / on 16/09/2017 at 11:43 am

難搞!日本開訂各地大量人龍 MINI超任炒起一倍

經過MINI紅白機一役,好多香港機迷都吼實呢部MINI版超任,10月5日發售,今日(16日)就喺日本開訂喇。如果唔知仲以為咩全新主機或者勁game開售,因為各地都出現人龍,有網民影咗個情況,「ヨドバシAkiba」開店時已經有約800人排隊,有店舖就極少限額……再上拍賣網睇睇,個價已經升咗一倍,原價7,980円。

Read more ›

【要買好買】MINI超任周六開訂 絕版MINI紅白機再生產
by / on 12/09/2017 at 9:11 pm

【要買好買】MINI超任周六開訂 絕版MINI紅白機再生產

10月5日發售嘅MINI超級任天堂(ミニスーパーファミコン),終於有開訂消息喇,就係9月16日,即係今個星期六就喺日本開訂,7,980円,要訂好訂喇!另外,早前宣佈暫時停產嘅MINI版紅白機(ミニファミコン),官方又再宣傳會喺2018年「生產再開」!之前未買嘅,今次咪再錯過!

Read more ›
新片速報 MINI版超任6分鐘影片 21遊戲全介紹
by / on 22/08/2017 at 12:04 pm

新片速報 MINI版超任6分鐘影片 21遊戲全介紹

我冇嘢驚,係驚炒得太貴。嚟緊10月5日發售,任天堂官方推出嘅日本版MINI超級任天堂啱啱有新片,睇晒21隻遊戲介紹,7,980円,到底香港機迷到時要幾錢先買到呢?話時話,條片開頭部超任變細嗰吓好正,咁俾粒菇佢係咪會變番大?

Read more ›
日版緊接公佈 MINI超級任天堂10月5日發售
by / on 27/06/2017 at 8:43 am

日版緊接公佈 MINI超級任天堂10月5日發售

今朝起身見到美版公佈咗,啱啱日本任天堂都公佈埋日本版喇!香港機迷梗係等呢部1990年11月21日初推出嘅日本版啦,主要都係想要個樣同手掣嘛!10月5日發售,賣7,980円,都係包21隻遊戲,但就有少少唔同,唔駛諗啦,搵地方訂喇。

Read more ›
MINI超任公開 9月29日發售包21隻遊戲
by / on 27/06/2017 at 7:43 am

MINI超任公開 9月29日發售包21隻遊戲

上年部MINI版紅白機有冇買?絕版喇。不過講吸引,我覺得超級任天堂更吸引!一直都傳聞話會出,終於,喺E3之後,任天堂官方正式公開,9月29日發售,80美元,內置21隻遊戲,當中有《Final Fantasy III》、《Super Mario World》、《薩爾達傳說Link to the Past》、《Street Fighter II Turbo: Hyper Fighting》,仲有隻傳說中嘅《Star Fox 2》!話要玩爆《Star Fox》先玩到喎。同埋今次手掣條線比上次美版長兩呎去到五呎,而且出貨量會更多咁話。作為香港機迷,我哋梗係等日版啦,不過好似上年咁,美版公佈先,日版未有消息,大家都係等一等,睇睇有啲咩遊戲參考吓,照睇日版只會有少少唔同。

Read more ›