Post Tagged with: "賣"

日本伊豆「鬼太郎迷你屋」 超平賣130萬円
by / on 16/01/2019 at 7:42 am

日本伊豆「鬼太郎迷你屋」 超平賣130萬円

日本啲屋有時都設計得幾特別,好似最近Twitter熱傳呢間,有人話好似鬼太郎間屋,位於伊豆修善寺車站附近,建於1976年,間屋全靠一支柱支撐,入面有兩層,仲有室內溫泉可以浸浴,售價130萬円 (約港幣9萬円)超抵!不過位置當然偏僻少少,去附近市中心大概駕8分鐘車,行路去最近嘅巴士站就大概10分鐘,入嚟有多啲室內圖可以睇。

Read more ›

原力有得賣 ebay開價$13火速沽清
by / on 27/12/2013 at 12:06 pm

原力有得賣 ebay開價$13火速沽清

「May the force be with you」呢個世界乜嘢都有價,估唔倒原力都有價,而且好cheap。呢盒標題「The Force」嘅原力盒,ebay今個月29號上架,即時沽清,梗係啦,開價美金$13.95仲包埋運費,不過要4歲以上先用得,買返去後用唔用得著就要睇你有無大師嘅慧根。勁在ebay都唔可以話佢違反商品說明條例,因為啲原力有個盒裝住。

Read more ›
《回到未來》戰車有得賣    開價港幣50萬
by / on 19/12/2013 at 7:07 am

《回到未來》戰車有得賣 開價港幣50萬

聖誕節咁得閒好適合重溫舊片,例如《回到未來》有三集可以慢慢煲。有閒錢嘅,仲可以買埋電影入面識穿越時空嘅1981年 DeLorean戰車。呢架車之前都有見過網相,不過今次真係有得賣,外國網站Bobs Propshop開價七萬蚊美金,為返五十零萬港紙,識行識走,不過慢啲唧。除咗《回到未來》DeLorean,仲有《捉鬼敢死隊》架車同埋《TAXI DRIVER》架的士,擺明想賺老影迷筆養老金。

Read more ›
萬聖節超市賣假手    玩大咗狂接投訴
by / on 31/10/2013 at 10:26 am

萬聖節超市賣假手 玩大咗狂接投訴

今日係萬聖節,有無諗住點慶祝?如果去超級市場見倒有得賣呢隻假手,你會唔會買?挪威一間超級市場今次玩大咗,整咗幾隻假手擺喺生肉架,上面仲好幽默地寫明營養標籤、成份,出產地就係Chop Shop。結果?雖然外國人出名玩得,但係都接倒大量投訴,好多客人話嚇親同行嘅細路。計我話,如果阿仔話好鐘意,叫阿媽買隻返去食我仲驚。

Read more ›