Post Tagged with: "賊仔"

日本超離奇偷竊案 賊仔偷走49吋大電視
by / on 19/06/2019 at 7:30 am

日本超離奇偷竊案 賊仔偷走49吋大電視

最危險嘅地方就係最安全?日本福岡最近有單離奇偷竊案,一名23歲嘅男子喺半夜時份去到Geo電器店,偷走一部49吋大電視,然後大模斯樣行出門口扮無事。網民對於佢嘅行為表示震驚,好多人都覺得好好笑、覺得佢好有信心、唔明點解佢會覺得自己會走得甩。

Read more ›

【有片】日本喵賊仔偷食西蘭花 咬實唔放斷正
by / on 11/03/2018 at 1:04 pm

【有片】日本喵賊仔偷食西蘭花 咬實唔放斷正

喵星人出名為食,最鍾意就係偷嘢食嘞!最近呢隻日本喵仔居然偷西蘭花食,仲斷正俾主人捉到,但係佢無諗住放棄,依然咬住嚿蘭花唔放口。段片喺Twitter好多人RT,入嚟有多啲呢隻喵嘅相同片睇。佢屋企原來養咗3隻喵,今次佢一夜爆紅,可能會俾其他喵杯葛。BTW,其實貓係可以食西蘭花嘅,不過就只食花唔好食葉,同埋最好煮熟先俾佢哋食嘞。

Read more ›
【有片】日本貓賊仔超狠心    冬天「偷毛毯」速逃Twitter熱傳
by / on 02/02/2018 at 7:33 am

【有片】日本貓賊仔超狠心 冬天「偷毛毯」速逃Twitter熱傳

天氣咁凍想冚張毛毯都好合理吖,不過總有啲自私仔搞事嘅。有隻日本喵星人就遇到件慘事,冚冚吓被瞓覺,突然間俾另一隻貓仔強行拉走咗張被,兇徒仲咬住張被越走越遠‥‥‥事主好無奈。之後樓主再放咗另一段片出嚟,原來呢隻貓仔係慣犯,經常咬走人張被,再睇返佢之前啲片,原來仲偷過掃把同埋貓屋,貓屋偷完仲泊好位超搞笑,我哋之前都報導過,入嚟有回帶。

Read more ›
日本喵星人賊仔 偷結他pick雙手夾實斷正
by / on 15/12/2017 at 7:30 am

日本喵星人賊仔 偷結他pick雙手夾實斷正

有養喵嘅就知,屋企經常會發生失竊事件,尤其是細件嘅嘢一定要收好。不過好似今次呢隻咁古惑就比較少見嘞。事發地點喺日本,有貓奴發現唔見咗個結他pick,之後發現隻貓古古怪怪,好斯文咁叠埋雙手坐喺地扮無嘢,打開對手一睇,原來佢夾住咗收埋咗個結他pick,超古惑!張圖喺Twitter好多人分享,下次唔見嘢第一時間都係檢查吓手仔先!

Read more ›
日本便利店「劍道初段」店員     木刀成功嚇走賊仔
by / on 17/10/2017 at 7:49 am

日本便利店「劍道初段」店員 木刀成功嚇走賊仔

學劍道唔止身體健康啲,見到有賊個人都大膽啲。最近日本新聞報導喺靜岡市嘅OK便利店有賊,不過個店員係「劍道初段」,竟然拎出把木刀出嚟,之後成功嚇退賊人。件事喺Twitter好多人RT,係型嘅,不過似乎有啲危險。

Read more ›
【新片速報】哈利王子被偷爆谷    可愛妹妹做賊仔YouTube熱播
by / on 29/09/2017 at 7:54 am

【新片速報】哈利王子被偷爆谷 可愛妹妹做賊仔YouTube熱播

英國哈利王子最近去咗睇Invictus Games賽事,不過期間就發生咗段小插曲,段片1日喺YouTube已經超過340萬點擊,好誇張。話說坐喺佢旁邊嘅小妹妹趁哈利同朋友傾緊計,不停咁偷佢啲爆谷食,仲越拎越興奮,勁好笑。後來俾王子發現,佢嘅反應俾網民大讚有父愛,入嚟有片睇。 BTW,「Invictus Games」由哈利王子喺2014年創立,主要為世界各地受傷軍人舉辦類似奧運模式嘅運動賽事,件事好有意義,睇嚟王子都係一個暖男。

Read more ›

撻「至Goal Club」嘢死賊仔!人贓並獲死唔認罪!咁都得?
by / on 19/10/2016 at 8:30 pm

撻「至Goal Club」嘢死賊仔!人贓並獲死唔認罪!咁都得?

之前報導過有個賊仔前前後後撻「至Goal Club」嘢十年,早排終於人贓並獲斷到正一正,交由警方處理。以為件事告一段落喇,原來未喎,事關賊仔居然死口唔認偷書,要「至Goal Club」老闆新哥出庭作證。新哥喺面書好嬲咁話:「其實佢所偷嘅贓物,都只係幾十蚊書,就算佢認咗,法庭都唔慌罰得佢重啦!咁都仲要死撐?刻薄啲講,呢條廢柴!真係唔死都冇乜用?對唔住咁多位,咁樣咒人真係好冇修養!」No,詛咒賊仔絕非無修養之舉,話佢廢柴其實已經畀面咗佢,我諗廣大客人都會幫新哥咒埋一份。有埋老閉紀錄,有齊人證物證都夠膽死唔認罪?博乜呢?擺明博新哥嫌煩撤銷控罪喇。頂住呀新哥,千其唔好嫌麻煩呀,一定要將呢啲社會寄生蟲繩之於法。

Read more ›
抵死!撻書十年終於斷正!賀Goal Club老闆成功捉賊!
by / on 30/08/2016 at 9:00 am

抵死!撻書十年終於斷正!賀Goal Club老闆成功捉賊!

行親旺角,我都會慣性地去信和中心漫畫店「至Goal Club」,幫襯吓擺番低三五十蚊,老闆好好人,有問有答有禮貌,但估唔到好人無好報,俾同一個賊仔撻佢嘢撻足十年。呢個賊仔上個月先衰過喺老闆手,但因為無人贓並獲,所以焗住放人,而今次賊仔撻《復刻龍虎門》同《西遊》終於斷正,老闆喺面書交代話:「條仆街又來偷書,比隔籬舖幫手捉到佢!報咗警!今次好彩隔籬舖四眼哥哥發現佢偷嘢!見義勇為,幫手捉住佢!聽差人講,閉路電視拍到佢偷嘢過程!今次佢應該斷正!好囉!今次終於解開多年鬱結!因為呢條仆街應該喺我鋪頭偷咗十幾年嘢!大大話話應該都有幾千銀!」留言一出,唔只我戥老闆高興,好多熟客都留言同慶賀──Eric Chow:「恭喜!天也話:係時候收你條十幾年粉腸了!」、莫問:「偷書?仲要咁多年?呢啲打壞打斷佢對手就啱嘞……」、David Lam:「打九佢。」等等等等。唉,查實細個阿媽已經有教,撻嘢係唔啱嘅,撻得第一次就總有第二次,撻得第二次就總有第三次,會俾差人叔叔拉架。上多山多終遇虎,呢次真係抵個賊仔死咯! 至Goal Club(旺角信和中心商場第三層231舖/2770 5502)

Read more ›
【賊仔喵】喵星人專偷鄰居底褲 主人寫字條尋物主
by / on 23/03/2016 at 7:13 am

【賊仔喵】喵星人專偷鄰居底褲 主人寫字條尋物主

外國嘅喵星人比較自由,經常可以出街玩,不過就好易出事。好似呢隻住喺紐西蘭嘅女喵星人Brigit,主人發現佢每次出街玩完都會帶啲男裝底褲同埋襪返屋企。最近佢哋準備搬屋,摷返晒Brigit嘅「戰利品」出嚟放上Reddit,好快就被瘋傳。主人Sarah Nathan寫咗張字條放喺每個鄰居嘅信箱,提佢哋留意吓自己有無唔見嘢,另一方面,佢哋將會搬去郊區,希望呢隻賊仔喵收心養性,唔好再犯案嘞!

Read more ›