Post Tagged with: "賀年"

【有片】日本新年郵差出動 派「年賀状」冇假放仲有儀式
by / on 02/01/2019 at 9:36 pm

【有片】日本新年郵差出動 派「年賀状」冇假放仲有儀式

每年日本新年,郵差們都冇假放,因為要派「年賀状」,今年又見到佢哋出動派「平成最後の年賀状」,睇吓啲儀式幾壯觀!仲有網民幫舊片配上新「背景音樂」……

Read more ›

【圖集】日本賀年新圖合集 超熱鬧豬仔出動
by / on 01/01/2019 at 12:42 pm

【圖集】日本賀年新圖合集 超熱鬧豬仔出動

日本人超重視新年,仲要放足一個星期,梗係要出賀圖開心吓。嚟到2019年,Twitter都有大量賀圖,大量熟悉嘅動漫畫插畫喺Twitter熱傳,除咗動漫角色之外,仲有好多豬仔出動,入嚟有得慢慢睇。

Read more ›
【新片速報】日本撳鐘喵新片 新年裝束食零食賀年
by / on 01/01/2019 at 11:35 am

【新片速報】日本撳鐘喵新片 新年裝束食零食賀年

新年快樂!又係呢兩隻識撳鐘仔攞零食嘅日本喵,嚟到2019新年,主人都幫佢哋換咗新裝束,頭頂頂住個蜜柑超可愛,左邊隻虎紋貓仲好貪心,撳完自己嗰個再撳埋旁邊個鐘,超可愛!入嚟有片睇。

Read more ›
張君豪送賀年Postcard 蛋散變英雄
by / on 07/02/2018 at 11:49 am

張君豪送賀年Postcard 蛋散變英雄

哎,遲咗收風,唔知派晒未呢?話說張君豪兄製作咗批賀年Postcard,準備免費送畀大家,PM佢留低地址就OK,送完即止。佢喺面書留言話:「希望新一年個個做英雄!」Very啱聽,我都望個個收完精美賀卡,齊齊蛋散變英雄。

Read more ›
丟那星賀年揮春+利是封+貼紙 我真係恭喜你呀!
by / on 24/01/2018 at 1:59 pm

丟那星賀年揮春+利是封+貼紙 我真係恭喜你呀!

倒數中喇,仲有唔夠一個月就農曆新年喇,我好期待呀,「丟那星」呢堆賀年精品,唔知啱唔啱大家心水呢?依家逐樣同你數,主要分以下三大類別──「小人退散+人人有腦用」揮春一套兩款$38、「我真係恭喜你呀」利是封一包10個$38、「小人退散+人人有腦用」貼紙一套兩款$20,散買可以,唔同類別Mixed埋嘅套餐亦有。啲口號咁啜核,點只恭喜你,直頭笑死你呀。

Read more ›
日本超靚2018賀年蛋糕 9格裝似足御節料理
by / on 30/12/2017 at 11:01 am

日本超靚2018賀年蛋糕 9格裝似足御節料理

仲有兩日就到2018年,大家開始放假,心情梗係爽啦!日本人好重視新年,傳統啲嘅會食「御節料理」,而東京銀座甜品店Ginza Cozy Corner就推出咗靚到極限嘅甜品版御節料理。9格套裝每格有唔同甜品,狗年嘛,當然唔少得可愛嘅狗狗嘞!大食啲嘅仲可以揀12件裝,價錢分別係2376円(9格)同埋3024円(12格),另外仲有得單獨買,亦有兩款唔同款式嘅大蛋糕,去開東京過節可以買嚟試吓。靚成咁,睇完真心佩服日本甜品師傅嘅功藝!

Read more ›

【新年廣告】台灣同性戀賀年廣告     紅到日本網民讚感人
by / on 28/01/2017 at 1:43 pm

【新年廣告】台灣同性戀賀年廣告 紅到日本網民讚感人

呢個台灣廣告最近喺網上好紅,仲傳到去日本。新年見到親戚其中一個最怕被問嘅問題就係「有無女朋友?」或者「點解仲未結婚?」如果係同性戀者,感受應該更深。台灣「婚姻平權大平台」早兩日出咗個報紙廣告,好多專頁都有分,唔少網民睇完都話好感動。廣告中嘅兩個男仔,由於唔可以公開戀情,所以雙方每次新年只可以靠穿著相同款式嘅衫去想念對方。有台灣人將廣告內容翻譯成日文再放上Twitter,吸引好多人RT。同志們加油,新年快樂!

Read more ›
【賀年】日本動物賀新年 海象寫「申」字打年糕
by / on 01/01/2016 at 12:56 pm

【賀年】日本動物賀新年 海象寫「申」字打年糕

嚟到2016年,先祝各位讀者新年快樂,今年打機唔會卡關,上網暢通無阻。日本人好重視新曆新年,唔止慶祝活動多,連動物都會幫手賀年,例如日本橫濱水族館,就搵咗隻500公斤重嘅海象拎住木槌打年糕賀年;另一個動物園嘅海象仲識擔住支專用筆,寫上2016丙申年嘅「申」字,好勁。不過講聰明嘅動物仲有我最鍾意嘅馬騮,日本兵庫縣嘅動物園一連三日就安排咗兩百幾隻馬騮,砌成猴年嘅日本字樣,好壯觀!

Read more ›
【有片】日本賀年「貓鏡餅」 全面入侵貓奴家庭
by / on 16/10/2015 at 7:14 am

【有片】日本賀年「貓鏡餅」 全面入侵貓奴家庭

介紹呢個日本「貓鏡餅」之前,先要由「鏡餅」講起。「鏡餅」係日本新年期間家家戶戶都會擺放嘅糕點,通常兩個白色大圓餅疊起,面層再放一個柑,象徵家庭世代昌盛。不過近年「鏡餅」已經成為喵星人嘅玩具,好多人會整個白色頭套笠住隻貓,甚至索性放個柑喺白貓頭頂。最近就有公司出咗呢個「貓鏡餅」,成個「鏡餅」中間挑空,比隻喵星人鑽入去,仲有支柑形狀嘅棒比你撩隻喵玩,底部又有防滑瓦通,賣2400円,唯一分別係呢個「鏡餅」唔食得,放佢喺屋企唔知有無招財嘅作用?入嚟有片介紹,仲有大量喵星人被惡搞成「鏡餅」嘅得意相,超人氣嘅Maru都有份!

Read more ›
紙箱人2015賀年版    「賀正」網上有得買
by / on 28/12/2014 at 12:34 pm

紙箱人2015賀年版 「賀正」網上有得買

聖誕假話咁快又過完,返工嘅梗係將目光放返喺新年,仲有幾日唧,好快到。紙箱人新一年都繼續好勤力搵錢,啱啱又公佈有新款推出,今次係2015賀年特別版,紙箱人塊面大大隻「賀正」嘅字款,至於左下角嘅「未」字,因為2015年係未年[ひつじ],背面仲有好多我睇唔明嘅日本賀年句。同上年嘅「迎春」款擺埋一齊,新年氣氛湧晒出嚟。售價1600円,而家有得買喇!

Read more ›
《Puzzle & Dragons》賀年吊飾    搵多啲課多啲金
by / on 29/12/2013 at 2:08 pm

《Puzzle & Dragons》賀年吊飾 搵多啲課多啲金

日本街機會出《Puzzle & Dragons Battle Tournament》,嚟緊又同《Hunter x Hunter》合作,睇嚟PAD今年都有排玩。想今年抽多啲靚嘢、轉珠順風順水,可以去求道平安符保佑吓,啱啱見倒日本推出呢套1式10款嘅PAD必勝系列手機吊飾,又超成功又金龍,全部勁好意頭,開價380円一盒,1月27日發售,擺明保佑你今年搵多啲錢課多啲金啦!

Read more ›