Post Tagged with: "貼紙"

搵工新招   Notebook背面貼紙    自製流動廣告牌
by / on 13/02/2015 at 7:04 am

搵工新招 Notebook背面貼紙 自製流動廣告牌

唔錯喎,假如你咁唔好彩失業,想積極搵工,可以學吓相片入面嘅示範,將自己嘅履歷或者強項寫喺部notebook面,一邊上網搵工,一邊喺現實生活落返個流動廣告,博你附近有老闆級人馬招攬你。想做到呢個效果,唔駛真係畫花自己部電腦,只需要買呢張DrawAttention出品嘅貼紙,就可以將任何嘢變成白板,喺上面隨時寫字,張貼紙賣美金$12,有不同呎吋,如果搵倒工嘅話都唔算貴。

Read more ›

《小強漫畫集2014》秋季刊 送貼紙
by / on 24/11/2014 at 11:44 am

《小強漫畫集2014》秋季刊 送貼紙

上周報導過《小強漫畫集2014》秋季刊將於11月26日見街,買咗春季刊嘅朋友如無意外會繼續撐,之前無撐開嘅朋友,或者會心大心細唔知撐唔撐好。咁喇,小強大贈送,抵死夾大件,秋季刊隨書奉送貼紙一大張,別具收藏價值,唔知咁樣吸唔吸引到你幫襯呢?限量架,送完即止。

Read more ›
車尾貼紙扮綁架   網上瘋傳  司機被警告
by / on 21/11/2014 at 6:05 am

車尾貼紙扮綁架 網上瘋傳 司機被警告

外國人出名幽默,不過都唔可以玩得太過份。Twitter呢兩日瘋傳以下呢張相,相中嘅車尾bumper有個被綁架嘅小妹妹貼紙,一個唔覺意,好易誤會以為前面有大單嘢。咁大膽仲有埋車牌,警察好快做嘢,無幾耐就搵倒事主James Hellewell,仲警告佢咁做會犯擾亂社會秩序罪。事主知衰,應承會整走張貼紙,不過就一夜成名,專登嘅。

Read more ›
《熱血少年週刊》送貼紙 支持抗命
by / on 07/11/2014 at 10:00 am

《熱血少年週刊》送貼紙 支持抗命

新鮮滾熱辣,剛剛買咗第15期《熱血少年週刊》,今期封面好吸引,黃洋達直接用港漫人呢排喺面書流傳得好勁嘅畫作做封面,習近平、江澤民、毛澤東同鄧小平四位領導人Tune色Tune到灰一灰,更突顯四把黃傘尤其搶眼,我覺得淨係呢個封面,都已經值得買番本收藏,何況仲免費贈送貼紙?撐傘貼紙有四大張,構圖分別係摺起褲腳嘅習總、穌哥、關二哥同黃傘Icon,我已經將啲貼紙貼晒喺辦公桌,提醒自己勿忘初衷,喂,一齊貼吖!

Read more ›
《鐵將縱橫》加兩蚊 送貼紙聊表心意
by / on 04/09/2014 at 12:30 pm

《鐵將縱橫》加兩蚊 送貼紙聊表心意

加價係由邱福龍率先提出嘅,結論係黃玉郎到依家都按兵不動,鄭健和心郁郁但未有表態,邱瑞新講明唔加價,飲到頭啖湯嘅反而係牛佬,《古惑仔》成為第一本賣$17嘅薄裝港漫。最新消息,今期《鐵將縱橫》終於宣佈加兩蚊,邱福龍專登送貼紙畀讀者,聊表心意。

Read more ›
蘋果App Store無得下載    「NOT」available貼紙有得賣
by / on 01/05/2014 at 1:21 pm

蘋果App Store無得下載 「NOT」available貼紙有得賣

近年蘋果已經全面入侵我哋嘅生活,見倒呢個App Store嘅標誌仲親切過見到阿媽。外國藝術家做咗個企劃,將呢個標誌印成貼紙,貼喺日常生活中,睇真啲,個貼紙有少少唔同,係「NOT」available on the App Store,原來係想提醒大家,真實生活例如一班人打波、盪鞦韆、甚至玩泥沙嘅開心,並唔係日日篤芒對住嘅智能手機可以比倒你,幾有heart幾有警世作用,但係有幾多人會聽得入耳?貼紙網上有得賣,$1美金一張。

Read more ›

夜光《Star Wars》牆壁貼紙     屙夜尿有白兵照住
by / on 12/03/2014 at 7:16 am

夜光《Star Wars》牆壁貼紙 屙夜尿有白兵照住

正喎!PetaMo!之前都出過專貼牆壁嘅Star Wars貼紙,款式仲好型吓。今次呢款玩夜光,貼喺燈製下面最啱,夜晚去廁所就唔駛摸黑搵燈掣。一式五款,有尤達大師、R2-D2、Star Wars Logo、白兵、父子對決,我最鐘意都係白兵同埋父子對決,連稅每款賣840円,有朋友去開日本唔好放過佢呀!

Read more ›
Star Wars乘Panasonic   相機/notebook貼60款任揀
by / on 02/02/2014 at 12:13 pm

Star Wars乘Panasonic 相機/notebook貼60款任揀

Star Wars嘅產品都出得幾濫,不過今次同Panasonic合作算幾有誠意,起碼款式夠多。兩款限量版包括Panasonic Lumix DMC-X 相機同埋SX/NX notebook嘅封面貼,無論相機定Notebook貼都有30個款式,由簡約嘅黑白款以至七彩嘅懷舊款都有,有幾款真係型到我都想買,星戰迷睇倒好易心郁郁想fing咁啲利是錢。

Read more ›
《半沢直樹》又嚟新產品    「十倍奉還」貼紙水杯開訂
by / on 14/09/2013 at 4:21 pm

《半沢直樹》又嚟新產品 「十倍奉還」貼紙水杯開訂

日劇《半沢直樹》喺日本真係勁hit,每個星期都有新產品公佈,「上司嘅失敗係下屬嘅責任,下屬嘅功勞係上司嘅功勞!」同埋「十倍奉還」令我哋呢啲打工仔睇到熱血沸騰!今次嘅新產品金屬貼紙同埋辦公室必備嘅水杯,都係用返上面嗰兩句經典對白,雖然出到有啲濫(因為係Bandai出品嘛),不過受壓啲打工字真係好需要發洩,而家有得訂,最快9月底有貨。

Read more ›
即場裝LINE 送你貼紙/扇/簿/汽球贈品
by / on 26/07/2013 at 9:45 am

即場裝LINE 送你貼紙/扇/簿/汽球贈品

  LINE真係好進取! 唔止上客! 就連今次展會, 佢都係最多嘢送嘅一個攤位, 據知你只要即場裝佢啲Apps、裝吓佢啲免費貼紙(Show俾佢睇你已裝亦得!) 佢就會送你記事簿、真貼紙、氣球同扇呀咁! 不過我更鍾意嘅係佢啲毛公仔, 官方嘢真係正到不得了, 暫時價錢未知。

Read more ›
光頭專用! 假髮烏蠅紋上頭
by / on 01/03/2013 at 7:45 am

光頭專用! 假髮烏蠅紋上頭

有頭髮邊個想做癩痢?不過做人最緊要樂觀,好似外國人就攞呢大片福地嚟玩,推出名為「TATTOUPEES」嘅紋身貼紙,除咗個假得好膠關嘅大pat頭髮外,我覺得最得意係有幾隻烏蠅貼紙仔,貼咗上頭頂,睇吓周圍啲朋友會唔會提醒你,或者幫你趕走佢,諗起都開心。我知,將自己嘅快樂建築喺別人痛苦身上,好殘忍吖嘛,不過真係好抵,一盒四張都係賣7蚊美金,好想買嚟送比人呀!

Read more ›

極無聊 日本推出陰毛貼紙
by / on 18/12/2012 at 8:50 pm

極無聊 日本推出陰毛貼紙

喺廁所就唔駛講啦,你有冇試過,喺食緊飯、睇緊書嘅時候,見到一條鬈嘅毛毛喺度,係,你知道嘅,喺自己屋企還好,喺街,睇人哋啲書時見到,真係有作嘔感覺。日本「mekomeko CLUB」就推出一包包「陰毛貼紙」,俾你黐喺唔同嘅地方整蠱人,420円一包,仲引嚟「用家」喺網上開心share整喺邊……但係我想問,啲貼紙係用咩做呢?

Read more ›