日本周南市官方「貓車牌」 限量400塊新舊車主可申請

日本成日都有特別版車牌推出,之前都出過新世紀福音r戰士版本,最近山口縣嘅「周南市」就有呢款官方推出嘅超可愛嘅「貓車牌」!個「南」字用貓圖案圍住,車牌仲有3隻貓腳印,當中嘅「ね」字同日文貓嘅發音「ネコ」(neko)一樣,好可愛。講多少少背景,周南市嘅發音同貓嘅叫聲好似,所以由2017年開始佢哋就用呢個作為賣點宣傳旅遊業,仲話嚟佢哋嘅城市抖兩日就好似貓咁慢活寫意。所以今次佢哋做咗400個貓車牌,新舊車主都可以申請,下次去開旅遊,就會見到呢啲咁可愛嘅車牌嘞!

Read more ›