Tag: 貓島

【有片】我嚟搵你喇!日本9人200貓「青島」絕育計劃始動

【有片】我嚟搵你喇!日本9人200貓「青島」絕育計劃始動

其實絕育再放回,對控制流浪貓數目係最有效亦都最人道嘅。日本呢個好出名嘅貓島,即係愛媛縣大洲市青島,全個島人口得9個人,平均年齡已經75歲以上,但貓就有210隻,將來要照顧佢哋都有困難嘅,所以有團體就會喺下個月進行呢個行動,希望幫島上嘅貓全部做絕育手術(當中80匹已經做咗),所以留意番係9月3日至7日間,搭船去青島都係關係者優先,如果係遊客就避一避喇。最後可能你會話,幫209隻絕育咪得囉,淨番一隻都玩唔到啲咩……其實絕咗育,可以少啲病痛嘛,所以應該一隻不留,全部都要絕嘅。

Read more ›

日本「貓島」太多貓要絕育   今年成功申請基金

日本「貓島」太多貓要絕育 今年成功申請基金

日本愛媛縣嘅青島有貓島之稱,近年成為貓奴遊客嘅熱門旅行地點,不過由於太多貓,所以都造成好多問題,最近有日本媒體就報道,當地有超過130隻貓,但係只得13個年齡超過75歲嘅居民,而家照顧呢班流浪貓主要靠當地一個貓團組織,不過佢哋都有啲不勝負荷,好似2016年就呼籲大家捐助貓食物,到上年7月,佢哋呼籲要籌錢幫呢班貓做全面絕育手術,最近終於有好消息,就係嚟緊一年可以請一啲獸醫入去幫忙做手術,不過大家都發現當地無乜遊客設拖,甚至連一部自動販賣機都無,所以建議當地嘅貓組織可以做一啲遊客嘅生意,而各位貓奴去睇貓時又可以出一份力嘞!

Read more ›
【新片速報】日本「貓島」喵星人集體出巡     似古惑仔晒馬

【新片速報】日本「貓島」喵星人集體出巡 似古惑仔晒馬

出得嚟行最緊要兩個字:叠馬!呢班喺日本睦月島居住嘅喵星人最近大舉出動,唔知係咪約咗仇家講數,不過好肯定嘅係企得高啲嗰個一定係大佬,其餘嗰啲就似雜牌軍,得條尾豎直,但行路慢條斯理一啲氣勢都無,中間嗰兩個仲掛住拍拖越行越埋,喂喂,專業啲好喎!段片喺Twitter熱傳,樓主話佢哋似行軍,不過睇落就似古惑仔晒馬多啲嘞。BTW,睦月島位於日本愛媛縣,係有名嘅貓之島,島上嘅喵出名唔怕人,唔怪得之行得咁悠閒咁大模斯樣啦!

Read more ›

【好想飛】有片 日本廣島人氣「貓咪大道」 瘋狂玩貓扮文青

星期六日,最適合喺屋企計劃吓旅行,諗吓唔做都開心。各位貓奴,最近又有個新景點可以考慮,位於廣島縣東部嘅尾道市,入面有條「貓咪街道」住咗大量喵星人,仲越嚟越人氣。市長特登頒發咗「任命狀」比班喵星人,封佢哋做當地嘅「觀光大使」。連廣島縣嘅街景地圖,都用貓咪做導遊,比大家以貓視線遊覽當地,仲會遇到唔同嘅喵星人,入嚟有回帶。睇返呢個地方,除咗貓之外仲有好多文藝氣息嘅風景,因為當地背山面滿,好多文人例如日本作家志賀直哉同林芙美子都以呢個地方作為靈感,創作咗好多文學作品。日本導演大林宣彦仲創作咗好出名嘅《尾部三部曲》系列電影。香港有航班直飛廣島,亦都可以選擇去福岡再直落玩埋廣島,甚至去埋小倉、熊本,講完自己都好想去日本旅行呀!

Read more ›

【有片】日本貓寺廟 大量喵星人任抱任玩 放飯勁壯觀

各位貓奴以後去日本除咗去貓島之外,仲可以去埋日本福井縣越前市嘅「御誕生寺」!呢間寺廟1948年建成,出名多喵星人,最近有日本媒體去咗探貓,仲影咗好多靚相。未入「御誕生寺」門口已經有個喵星人銅像歡迎貓奴,寺廟入面周圍都係貓,啲貓仲好嗲人,任抱任玩,而且隻隻都好肥美。寺廟入面有一間房放咗好多貓屋貓玩具,另外,每朝早7點同下午3點半,佢哋都會放飯,一大班喵星人空群而出一齊醫肚,場面好壯觀,入嚟有片睇。臨走時記得買埋佢哋嘅祈願符,上面滿佈貓腳印,好可愛。

Read more ›

夏威夷「貓島」世外桃源 425隻喵星人5星級的家

一見到「貓島」呢兩個字已經好想去!呢個位於夏威夷Lana’i拉奈島嘅貓島住咗425隻貓,每隻喵星人都好可愛,仲肥肥白白,其中有60隻仲有人每年捐$240美金助養,好巴閉!呢個小島住咗3100人,3年前比Oracle嘅創辦人Larry Ellson買咗,仲唔覺意買埋入面嘅動物收養所Lana’i Animal Rescue Center,成為425隻喵嘅包租公。最近外國網站Buzzfeed就去咗呢個貓島採訪,仲影咗好多靚相同採訪咗貓屋創辦人夫婦,生活喺呢度嘅喵星人真係好幸福呀!

Read more ›