Post Tagged with: "貓屋"

舊式電視改裝變貓屋 效果超正日本Twitter熱傳
by / on 14/05/2020 at 7:31 am

舊式電視改裝變貓屋 效果超正日本Twitter熱傳

貓奴睇到應該好想整返個!日本有網民喺Twitter分享咗幾張圖,全部都係將舊式電視改裝成貓屋,睇相見啲喵星人瞓得好爽,其中一隻伸咗半個身出嚟仲好有「貞子」效果!

Read more ›

日本阿爸飲醉酒闖貓屋 可憐喵星人奮力爬出
by / on 07/04/2020 at 7:22 am

日本阿爸飲醉酒闖貓屋 可憐喵星人奮力爬出

日本人成日飲醉酒,不過今次個情況就搞笑咗啲。有網民夜晚收到媽咪傳嚟嘅相,原來阿爸飲醉咗酒,仲將個頭塞咗入貓屋入面瞓。可憐嘅喵星人被迫聞住陣臭酒味,最後仲忍唔住喺極擠迫嘅位置盡力爬返出嚟‥‥‥

Read more ›
日本貓之島搭建「禦寒貓屋」 當地貓區民率先試住
by / on 30/10/2019 at 7:50 am

日本貓之島搭建「禦寒貓屋」 當地貓區民率先試住

日本青島呢個「貓之島」相信好多貓奴都聽過嘞,咁就嚟冬天,呢班貓貓點樣過冬呢?原來一班有心人每年都會為佢哋搭建冬天嘅「禦寒屋」。入面用有一個個箱,有啲開揚啲,有啲就得一個入口,而啲貓貓似乎已經習慣咗有呢個設施,仲有怕凍嘅貓早幾日已經率先試用嘞。睇返舊相,喺2016年嘅時候試過有好多隻貓迫埋喺一個紙箱取暖,似乎貓貓都好鍾意呢種取暖方式。冬天就到,各位香港貓奴都要多啲留意身邊嘅流浪貓,俾啲支援佢哋呀。

Read more ›
日本貓奴「自製貓屋」     超簡易即時試瞓
by / on 23/01/2019 at 7:57 am

日本貓奴「自製貓屋」 超簡易即時試瞓

天氣凍凍哋,係時候幫屋企隻喵整返間新屋,日本有網民分享咗一幅製作圖同埋完成品,5條木棒、一條繩、一個夾再加多塊布,好輕易就搭咗間貓屋出嚟,屋企隻喵仲做埋model示範,似乎幾鍾意喎。睇完好想整返個大嘅俾自己瞓。

Read more ›
日本超可愛「卷蛋貓屋」 好想一啖咬落去
by / on 30/09/2018 at 3:30 pm

日本超可愛「卷蛋貓屋」 好想一啖咬落去

貓奴係時候要儲定錢買新屋嘞,日本家居雜貨店Felissimo最近推出呢款「卷蛋貓屋」,好似條隧道咁,隻喵可以捐入去瞓覺,好想一啖咬落去呀!呎吋25cm高x27cm闊x40cm長,售價6900円,而家開始預訂,預計12月1日起陸續派貨。之前Felissimo仲出過生果撻版本,一樣超可愛。另外仲見到頭先介紹過嗰隻日本明星貓都有收到,仲親身示範埋,入嚟有得睇。

Read more ›
日本最強貓屋ZOZOTOWN 紙箱超受喵星人歡迎
by / on 02/08/2018 at 7:39 am

日本最強貓屋ZOZOTOWN 紙箱超受喵星人歡迎

ZOZOTOWN作為日本最大嘅時裝網購網站,估唔到連佢嘅紙箱都成為喵星人最鍾意嘅貓屋!最近有日本YouTuber HIKAKIN分享佢隻超可愛貓貓「まるお」捐咗入個ZOZOTOWN紙盒入面!之後好多網民貼圖回應,原來佢哋嘅喵都好鍾意ZOZOTOWN嘅紙盒,入嚟有大量相睇。以後貓奴們有多啲理由去ZOZOTOWN買嘢啦。

Read more ›

日本人用貓屋 貓女係宮本彩希
by / on 25/04/2018 at 8:44 pm

日本人用貓屋 貓女係宮本彩希

天氣開始熱喇,你屋企隻貓仲有冇瞓貓屋?咁如果開冷氣又覺得凍,你會唔會都想搵間貓屋Hea吓?日本嚟緊會出呀!比貓用嘅大6倍,80cm x 80cm x 65cm,價錢11,700円。另外,如果你對貓屋冇興趣,會唔會對Cos貓女嗰位宮本彩希有興趣先?

Read more ›
【新片速報】日本喵星人示範「泊車」 貓屋移位快而準
by / on 02/01/2018 at 7:39 am

【新片速報】日本喵星人示範「泊車」 貓屋移位快而準

呢隻日本嘅喵星人可能睇得電視嘅泊車場面多,竟然諗到將自己間貓屋移位。雖然佢貓仔細細,但就好好力,而且泊位快而準,睇得出佢係一個專業而心急嘅車主。不過泊完之後佢塞住咗自己。

Read more ›
建築師團隊超型貓屋   籌款幫助流浪貓
by / on 04/11/2017 at 11:55 am

建築師團隊超型貓屋 籌款幫助流浪貓

人類住嘅屋就話有名師設計,估唔到喵星人都有。外國呢個「Architects for animals」活動,搵咗一班建築師出手,幫喵星人設計新屋,所有屋都會進行拍賣,所得善款會捐俾動物機構FixNatiion幫助有需要嘅流浪貓,好有意義。名師果然係名師,每間貓屋嘅造型都好突破,仲好多功能,住喺入面即刻型咗。入嚟有得慢慢睇。

Read more ›
日本喵星人夏天專用屋 藤製蘋果屋超涼爽
by / on 07/06/2017 at 7:41 am

日本喵星人夏天專用屋 藤製蘋果屋超涼爽

夏天嚟到,係時候幫隻喵星人換間新屋嘞。日本網站Belle Maison最近有呢款藤製嘅蘋果貓屋,唔止外型夠晒得意,而且透氣度高,成身毛嘅喵瞓入去都唔覺熱。最重要係清洗方便,簡單搵個花灑淋兩下就得,賣11500円。另外仲有個可拆蓋式嘅正方形貓屋(2990円),用咗冰感底墊,瞓上去涼浸浸,賣2990円。佢哋仲有出一個紀念離世貓咪嘅專用盒,上面可以放貓相,下層有個櫃筒仔可以放佢嘅遺物,好細心。

Read more ›
【相集】愛心貓義工冬天搭建貓屋    80間貓屋流浪貓有瓦遮頭
by / on 03/03/2017 at 7:05 am

【相集】愛心貓義工冬天搭建貓屋 80間貓屋流浪貓有瓦遮頭

外國嘅冬天唔係人咁品,如果加埋落雪,又濕又凍,住喺街上嘅流浪貓真係好難捱。拉脫維亞首都里加住咗好多流浪貓,一班「 Cat Care Community」嘅貓義工好有愛心,為咗令佢哋順利過冬,喺街搭建一間間貓木屋,等班喵星人有瓦遮頭,名為「Outdoor Cat Houses」嘅企劃,而家喺當地已經興建咗過80間貓屋,最好就係越嚟越多人帶佢哋返屋企,等佢哋可以過無憂無慮嘅生活啦。

Read more ›

【圖集】日本超可愛貓屋 揭開「果皮」喵星人爭住瞓
by / on 07/01/2017 at 7:00 am

【圖集】日本超可愛貓屋 揭開「果皮」喵星人爭住瞓

天氣好快又會凍返,如果屋企有間貓屋比喵星人瞓,主子應該會好感激你。日本呢間貓屋好可愛,最近喺Twitter熱傳,特別之處係其中一瓣「果皮」可以揭落嚟,喵星人有私人空間之餘又可以抖吓氣,最開心係兩隻喵星人輪流爭住瞓,主人應該倍感安慰嘞!

Read more ›
日本喵星人終於俾面瞓 超靚喵屋埋位影相
by / on 25/10/2016 at 7:14 am

日本喵星人終於俾面瞓 超靚喵屋埋位影相

唔准笑人!各位貓奴都試過買完玩具返嚟俾喵星人,但佢似乎對裝玩具個紙皮箱有興趣多啲。日本呢隻5歲大嘅人氣喵星人最近有新嘢玩,係呀,我指個新嘅紙皮箱,主人買嘅三層高喵屋當然無人理擺埋一邊。張相前幾日放上Twitter後好多人RT。好彩,喵星人終於知錯嘞,最近主人放咗幾張新相,喵星人喺間新貓屋度擺晒甫影相,又坐樓梯又捐窿,不過睇真啲,佢個樣似乎唔係幾耐煩喎,係咪收咗利益嘅臨時演員?

Read more ›
【理得我】貓屋下場悲慘 17張喵星人瞓貓屋方法相集
by / on 12/03/2016 at 12:36 pm

【理得我】貓屋下場悲慘 17張喵星人瞓貓屋方法相集

作為標準貓奴,一定有買貓屋比主人瞓嘅經驗,通常佢哋嘅反應離不開3種:1) 望兩眼然後跳入裝貓屋嘅盒或箱入面玩同瞓;2) 瞓喺貓屋旁邊落你面;3) 瞓喺貓屋上面責扁晒間好靚嘅貓屋。外國網站就搜羅咗大量罪證,證實呢班喵星人係幾咁囂張,不過嬲還嬲,大家依然都係會不停買屋買玩具,目的都係希望佢間中吼吓你,好重奴性。

Read more ›
【貓奴又破財】《貓咪收集》實體化      超正豪華咖啡屋必買
by / on 24/02/2016 at 7:15 am

【貓奴又破財】《貓咪收集》實體化 超正豪華咖啡屋必買

《貓咪收集》呢隻手機game,貓奴們就算無玩過都一定聽過,入面嘅道具好得意,最近日本寵物用品公司Petio索性同《貓咪收集》合作推出貓產品。平時遊戲入面嘅貓屋甚至豪華咖啡屋都有真實版,賣2,979円,屋後仲有個位比喵星人攝個頭出嚟,迫佢扮《貓咪收集》入面嘅喵,仲有魚、老鼠同兔仔嘅玩具(979円)都好吸引。不過估計喵星人最鐘意嘅,應該係嗰條鯉魚隧道同竹輪隧道(2,979円) ,捐出捐入又可以玩捉,超正!入嚟仲有埋片,你睇班喵星人玩得幾開心?奴才們好難忍手喎。

Read more ›