Post Tagged with: "貓奴"

【我要私人空間】貓奴必買日本新貓屋 零首期賣2376円
by / on 24/10/2015 at 7:10 am

【我要私人空間】貓奴必買日本新貓屋 零首期賣2376円

其實我都好想有間屋。喵星人要上車易好多,有個闊佬嘅貓奴就得。呢張好得意嘅日本製貓屋仔啱啱推出,最吸引係可以放喺日本人屋企一定有,可以將對腳收埋入枱底嘅暖爐桌,間屋有通窿設計,可以滲返啲熱風入喵屋,大家又有返自己嘅私人空間,你話幾好呢。另外仲可以放間屋喺窗簾下,咁喵星人就唔駛比成人比窗簾責住都可以睇風景,屋頂有埋貓抓板,簡直係五星級的家。零首期賣2376円,好平,因為只係紙皮製,喵星人實鐘意。

Read more ›

【貓奴專用】有片 日本喵星人篤芒手套 食指變貓尾搖呀搖
by / on 19/10/2015 at 7:15 am

【貓奴專用】有片 日本喵星人篤芒手套 食指變貓尾搖呀搖

正!貓奴又有新玩具,呢個日本出品嘅貓手套「猫のしっぽフリフリ手袋」啱啱喺網上開賣,冬天戴住佢可以捽手機芒都唔怕手指凍親,最搞笑係食指位就係喵星人條尾,當你用食指不停篤芒時,就好似條貓尾不停搖呀搖咁,旁邊嘅人都可以睇得好開心。呢款手套總共有三個款式,售價3980円,12月9日截止訂購,預計12月23日到貨,買嚟做聖誕禮物啱啱好喎。

Read more ›
【貓奴無分階級】巨星Taylor Swift被黑面 帶巨型貓紙牌開演唱會
by / on 06/10/2015 at 7:16 am

【貓奴無分階級】巨星Taylor Swift被黑面 帶巨型貓紙牌開演唱會

Taylor Swift貴為世界級巨星,但同你同我一樣,都係一個正宗貓奴,仲一樣會比屋企隻喵星人黑佢面!最近佢就放咗張抱住自己屋企隻貓Meredith嘅自拍照上IG,但係隻喵個樣擺明唔多情願,同笑晒口嘅主人形成強烈對比,Taylor自己都知,唯有寫:「Meredith is allergic to joy.」估計因為最近佢要去加拿大開演唱會,被迫掉低喵星人幾日,於是嬲嬲豬啦!Taylor噚日仲post咗張佢隻喵Meredith嘅超巨型紙牌相上IG,原來佢帶唔到真貓去,都帶隻假嘅去陪吓自己,睇嚟佢已經嚴重中毒。入嚟仲有佢隻喵嘅其他相睇,好可愛,難怪佢咁掛心。

Read more ›
【全球貓奴融化了】有片 超可愛貓B學喵喵叫 唔識喵怪叫超搞笑
by / on 24/09/2015 at 7:07 am

【全球貓奴融化了】有片 超可愛貓B學喵喵叫 唔識喵怪叫超搞笑

喵星人嘅叫聲好可愛,呢隻只得1個月嘅貓仔嘅叫聲更加係融化咗全球貓奴嘅心。影片見佢坐喺主人大脾學喵喵叫,但似乎佢未學得識,所以叫聲好奇特,唔係喵喵聲,係er er聲嘅,超得意呀!難怪放上YouTube好快已經好多人睇,我想睇埋續集呀!

Read more ›
【終極貓奴】11呎特製大床     5貓2狗2主人大被同眠
by / on 19/09/2015 at 8:06 am

【終極貓奴】11呎特製大床 5貓2狗2主人大被同眠

屋企有無養貓狗?如果有,會唔會比佢哋跳上床瞓?外國呢位主人唔止比,就專登預埋張超大床,等屋企嘅5隻喵2隻狗可以同兩位主人一齊瞓!張床足足有11呎,睇相見倒張床堅巨型,放咗佢喺間房入面,旁邊連行路嘅位都無,但就可以喺上面典嚟典去扮金絲雀都唔會碌落床,都幾爽。不過話就話,張床夠濶,但最後分到比貓奴狗奴嘅位,可能都係得一個身位,而且所有床單應該要再特別訂製‥‥‥

Read more ›
【貓奴必睇】日本「宅急便」新廣告 黑貓示範摺紙箱寄貓罐
by / on 11/09/2015 at 7:17 am

【貓奴必睇】日本「宅急便」新廣告 黑貓示範摺紙箱寄貓罐

一見到個黑貓標誌,自然會諗起日本呢間「宅急便」公司YAMATO,最近佢哋出咗個新服務「宅急便コンパクト」,即係小件裝產品運輸服務,仲搵嚟一隻真嘅黑貓拍宣傳片,條片超好睇,一個唔覺意就會好似我咁翻睇幾次!片中嘅黑貓全程親身示範點樣摺合呢個新出嘅小紙箱,不過當然經過剪接啦,但無假手於人架,最後隻黑貓仲將個貓罐頭「唔覺意」推咗入箱,仲「唔覺意」用條尾封埋條膠紙,陰功豬!真心佩服拍攝團隊嘅耐性同埋心思。官方仲特登開咗個新網站,設計超正,入到網站仲有大量黑貓嘅Wallpaper下載同埋兩條30秒嘅新廣告片睇,強力推介比貓奴!

Read more ›

30個喵星人紋身    女貓奴鐘意紋腳踝
by / on 06/08/2015 at 7:03 am

30個喵星人紋身 女貓奴鐘意紋腳踝

作為貓奴,身上面有返幾個喵星人嘅紋身都好合理,雖然我寧願放幾張喵相做手機wallpaper,起碼唔痛嘛。網上搜羅咗30張喵星人紋身,總括都係簡約線條圖案居多,紋嘅通常都係女性,紋嘅位置就集中喺耳背、頸背、腳踝,睇完有無想紋返個?我無,但係感覺到佢哋嘅奴性好重。

Read more ›
【貓奴自拍】日本喵肉球自拍神器 黑白兩色任撳唔嬲
by / on 26/07/2015 at 7:26 am

【貓奴自拍】日本喵肉球自拍神器 黑白兩色任撳唔嬲

貓肉球係減壓良品,可惜貓奴都知,要玩貓肉球唔容易,分分鐘仲會得罪咗主人。呢個日本出嘅自拍喵神器就唔同嘞,任撳唔嬲,有黑白雨色,粒喵肉球就係粉紅色嘅。分有線同無線兩款,比我會買齊兩個,一齊撳手感好啲,不過我要買多部電話先得。

Read more ›
【貓奴工具】日本貓飯團工具 啤出眼耳口鼻
by / on 26/06/2015 at 7:15 am

【貓奴工具】日本貓飯團工具 啤出眼耳口鼻

日本人總有辦法將啲好平凡嘅嘢變得好萌,例如呢個貓飯團就係好好嘅例子,只要放塊紫菜落去個貓樣夾入面,撳兩撳,就可以啤出貓眼、耳、口、鼻、貓鬚全套,直接貼上飯團表面,就係超可愛嘅貓咪飯團。至於嚿飯團,想傳神當然要有埋兩隻倒三角耳仔位啦,呢套工具有個容器可以塞嚿飯入去啤返貓形狀出嚟。全套工具喺amazon有得買,美金$16,各位貓奴有無興趣?

Read more ›
【猫魂再臨】怨氣貓一式六款 鬼祟眼黑貓好驚嚇
by / on 30/05/2015 at 12:38 pm

【猫魂再臨】怨氣貓一式六款 鬼祟眼黑貓好驚嚇

又係TAKARA TOMY嘅消息,除咗星戰TOMY車仔,佢哋最近嘅新版猫魂.neo都令我好有購買意慾。眼利嘅貓奴應該認得呢隻怨念極重嘅貓魂吊飾,之前由Dwango推出,但最近TAKARA TOMY攞咗版權重出,一式六款,最得意梗係黃啡紋嗰款啦,斜啤嘅眼神,加埋古古惑惑嘅動作,仲有條鬼魂專用尾,貓奴應該好想儲齊一套,不過我覺得黑貓款有啲恐怖。

Read more ›
日本貓奴烹飪課程         4道菜人貓一齊食
by / on 26/04/2015 at 6:22 pm

日本貓奴烹飪課程 4道菜人貓一齊食

香港都有嘅日本烹飪教室ABC Cooking Studio最近喺日本有新課程,貓奴啱晒,因為佢係專比貓奴同隻貓一齊食嘅烹飪課程!由頭盤、湯到主菜、甜品,睇落好豐富。睇真啲兩張食物,人同貓嘅食物係有啲唔同嘅,不過同一時間整,一齊開餐,係咪好warm?唔知香港嘅ABC Studio遲啲會唔會引入呢?5月1日開始預約,今次仲係同專出貓食品嘅公司MonPetit合作,應該信得過。

Read more ›

瘋狂貓奴相集   一屋貓打機好溫暖
by / on 09/01/2015 at 7:08 am

瘋狂貓奴相集 一屋貓打機好溫暖

作為一個專業貓奴,屋企有十隻八隻貓都好合理吖,而且對得多,啲貓似乎會越嚟越似主人,例如肥貓通常都配返個肥主人‥‥‥外國攝影師Andréanne Lupien就影咗輯貓奴相集「all the ‘Crazy Cat Lovers」,睇見啲貓奴一屋都係貓,人同貓融為一體,我就覺得好warm唔再寂寞,如果有隻貓冬天坐大脾陪打機就爽咯。

Read more ›
有片  聰明貓凌空飛撲開門   熱播140萬點擊
by / on 14/08/2014 at 8:02 am

有片 聰明貓凌空飛撲開門 熱播140萬點擊

呵呵,呢隻貓真係好聰明!貓識得開門成日見,不過識得跳起扭開門嘅手把,再推門入去,就確實神乎其技,難怪呢條YouTube片已經有140萬個點擊。片中嘅貓奴Kristian Svenson無辦法阻止貓星人入侵佢嘅睡房,最後試圖放個儲物架阻住度門,點知呢隻聰明貓一樣可以凌空跳過照開門,睇嚟佢真係好鍾意入睡房玩。

Read more ›
有片    貓奴恩物   遙控鏡頭紅外線玩具熱賣
by / on 25/05/2014 at 7:18 am

有片 貓奴恩物 遙控鏡頭紅外線玩具熱賣

貓奴注意!如果你見少屋企隻貓貓一陣都出紅疹集中唔倒精神,呢個高科技貓咪玩具Kittyo可以救你一命。當你唔喺屋企時,開者個app就可以搖控呢個裝置,首先可以透過喇叭嗌佢引起貓貓注意(如果佢應你嘅話),然後放射出令貓貓瘋狂嘅紅外線,你可以透過手機遙控操作同佢玩追,全程透過手機鏡頭睇倒,仲有得即時錄影隨時重溫。玩完之後,又可以跌返粒零食出嚟獎勵吓佢,簡直係貓奴恩物!Kickstarter而家集資中,美金$99嘅名額已經售罄,美金$119嘅名額仲有少量,預計今年11月發貨,貓奴們,行動吧!

Read more ›
貓奴必裝手機app    幫貓自拍靠詭計
by / on 28/02/2014 at 7:08 am

貓奴必裝手機app 幫貓自拍靠詭計

呢個app貓奴要裝!有養貓嘅都知要貓大哥坐定定影相有幾難,呢個叫「Cat Snaps」嘅手機app就有計,開著個app後,會有紅色laser光點不停走,當貓貓眼定定望住時,就係成功嘅第一步,因為下一步佢就會出手撳個芒面,咔刷!手機就會自動用自置鏡頭幫貓貓自拍,撳中時仲會震一震,吸引貓貓不停撳,好過癮!正如其他賺錢app,為咗令你課金,佢仲有老鼠同冷毛球玩,想unlock就要比錢買,好奸呀!

Read more ›