Post Tagged with: "貓奴"

【恐怖】俾喵星人嚇親   日本貓奴開電腦見恐怖貓樣
by / on 06/06/2016 at 7:15 am

【恐怖】俾喵星人嚇親 日本貓奴開電腦見恐怖貓樣

有時真係會俾喵星人個樣嚇一跳。好似呢個日本網民放咗呢幾張圖上twitter被瘋狂RT,佢話自己想集中精神對住電腦做嘢,點知就見到電腦後面嘅喵星人攤喺度做出呢個咁恐怖嘅樣,十足妖怪一樣。睇返呢隻喵星人,原來平時都係鍾意做古怪表情,成日扮認真扮惡,不過一睇就知得個扮字,其實超可愛。

Read more ›

【點指貓貓】日本貓奴Twitter狂玩    喵星人最愛手指指
by / on 13/05/2016 at 7:13 am

【點指貓貓】日本貓奴Twitter狂玩 喵星人最愛手指指

細個以為狗先會周圍聞嘢,大個咗先發現喵星人個鼻都好靈敏,而且好鍾意周圍聞,特別係對住手指指嘅手指。日本呢排好多貓奴狂試,只要伸出你隻手指指住喵星人,佢哋就會自自然然行近你,甚至搵塊臉刷吓你,萬試萬寧。最強嗰位貓奴一次過連篤屋企5隻貓,全部都中招嗲到暈。不過都有例外嘅,睇最尾段片就明。

Read more ›
【無言的壓力】貓奴每日食飯腳上千斤重 日本Twitter熱傳
by / on 29/04/2016 at 7:13 am

【無言的壓力】貓奴每日食飯腳上千斤重 日本Twitter熱傳

喵星人好有自己個性,鍾意坐邊就坐邊,瞓邊就瞓邊,因為喺佢心目中,間屋所有嘢都係佢嘅,包括貓奴。近日有日本網民就喺Twitter放咗佢隻喵嘅相被瘋傳,佢話每日食飯嘅候,腳上都會有股無言嘅壓力,原來佢隻貓好鍾意趁佢食飯時踩住佢隻腳,俾人發現時個樣仲一臉無辜,入嚟仲有呢隻霸氣喵嘅生活照,好可愛。

Read more ›
「淚袋」+「雙眼皮」= 無敵? 日本網民熱烈討論
by / on 20/04/2016 at 7:14 am

「淚袋」+「雙眼皮」= 無敵? 日本網民熱烈討論

「淚袋」呢樣嘢都講咗好耐,咁究竟有同無係咪差咁遠?最近2ch網民放咗兩位女素人嘅合照上網,標題係:「有無雙眼皮同淚袋可以相差咁遠wwww!」大家都覺得左邊嗰位女仔大眼加淚袋靚過左邊嗰個好多,有唔少網民回帶睇返古今中外嘅明星,發現絕大部份靚仔靚女都有個淚袋,亦有人試吓key走明星們嘅淚袋,發現又真係怪怪哋。不過單眼皮嘅唔駛傷心,有唔少網民留言話鐘意單眼皮女生,仲話覺得右邊嗰位女仔幾靚女,仲似乎好易相處,大家又點睇?

Read more ›
【新片速報】貓奴必睇 喵星人想成名   自拍短片6千萬點擊熱爆
by / on 08/04/2016 at 7:16 am

【新片速報】貓奴必睇 喵星人想成名 自拍短片6千萬點擊熱爆

呢條片未睇嘅貓奴一定要睇,放上網兩日已經過6千萬瀏覽,好誇張。今時今日大家都想拍片成名,片中嘅灰色喵星人都好想紅,上網見其他貓仔舔吓肉球都有幾百萬點擊,佢就有樣學樣自己Set機啦,點知點擊率勁低。之後佢又彈琴又玩呼拉圈,點知都係紅唔起,心灰意冷嘅佢流咗兩滴眼淚之後,決定開車離家出走,點知‥‥‥個結尾好正,重點係全程喵星人都好入戲,超好睇!

Read more ›
【真‧貓奴】失明喵星人感人故事 愛心主人無慮收養
by / on 11/03/2016 at 7:18 am

【真‧貓奴】失明喵星人感人故事 愛心主人無慮收養

好感人嘅故事,呢隻叫Jasmine嘅喵星人塊面有啲似鍾無豔,但一對眼仔碌碌好可愛,可惜佢雙眼係失明嘅。主人Sandra Coudray喺法國動物收容所嘅facebook第一眼見到呢隻喵已經決定收養佢,因為佢之前養過一隻貓,年老時都失明,所以佢有信心可以照顧好呢隻可愛嘅喵星人。而家失明喵星人由當初好怕人,變到而家勁鍾意親近主人,睇相都感覺到佢好幸福。各住貓奴,有能力嘅話記住幫多啲需要照顧嘅喵星人呀。

Read more ›

日本京都「喵星人芭菲」大熱 貓奴一定嗌3球
by / on 25/02/2016 at 7:10 am

日本京都「喵星人芭菲」大熱 貓奴一定嗌3球

雖然日元升咗少少,不過日本始終係旅遊首選,如果最近計劃去京都嘅貓奴,可以拜訪埋呢間叫「ことばのはおと」嘅cafe,入面有最近好hit嘅喵星人芭菲食,每個雪糕球上面都有個可愛貓樣,超級貓奴仲可以嗌夠三球雪糕,勁滿足。據聞每日1點前會售罄,想試就要早啲起身嘞。

Read more ›
高級貓飯人都食得 貓奴+喵星人同糧共食
by / on 24/02/2016 at 8:00 pm

高級貓飯人都食得 貓奴+喵星人同糧共食

為愛貓你可以去到幾盡?一齊訓覺一齊沖涼一齊玩一齊Selfie一齊打機一齊煲劇一齊……未夠未夠,一齊食,我意思係同愛貓食埋同一樣嘢先夠盡。日本寵物品牌Neco Republic新推出嘅貓糧Neco Meshi,標榜可以同主人一齊食用,無鹽,無人造添加成份,如此「高級貓飯」仲有四種口味兼四種口感俾身為貓奴嘅你揀,燻青魚乾、鯖魚鬆同煎鏗魚條各售500日圓,燻鏗魚塊就賣730日圓。我知成件事係好型,不過問心,同床共寢可以,同糧共食咯喎……嗯,你又制唔制?

Read more ›
【新片速報】貓奴必知5個生活小貼士 手術手套極速去毛
by / on 15/02/2016 at 7:12 am

【新片速報】貓奴必知5個生活小貼士 手術手套極速去毛

作為一個專業貓奴,呢段分享咗5個貓奴生活小貼士嘅影片要睇。第一,原來用手術手套可以快速除毛,尤其是屋企有貓屋嘅貓奴應該好想試;第二,貓仔唔玩嘅玩具可以加啲貓草令佢哋重拾舊歡;第三,唔要嘅T恤笠落個紙箱打個結剪個窿,就可以變成一間新貓屋;第四,膠水樽剪個窿放啲貓餅入去,就變成有得食有又有得玩嘅玩具;第五,鞋盒剪幾個窿加支老鼠棒,又變成一個好玩玩具。以上幾個貼士又環保又所費無幾,睇完好想試。

Read more ›
有片:喵星人拒絕接吻!表情動作超嫌棄
by / on 20/01/2016 at 8:00 pm

有片:喵星人拒絕接吻!表情動作超嫌棄

睇完呢條片,我先知原來喵星人係咁抗拒接吻嘅,輕則扭頭避開兼用個籮柚頂住你,重則直接跳開逃避你,更甚者用手手腳腳撐開你塊面,誓死唔畀主人哄塊面埋嚟,你可能都試過……一向都話喵星人可愛得嚟孤高,有片為證嘞。

Read more ›
有片:喵星人開飯 不忘祝大家2016新年快樂
by / on 11/01/2016 at 8:45 pm

有片:喵星人開飯 不忘祝大家2016新年快樂

容我在此大聲疾呼,貓係好可愛好可愛嘅動物,就算唔係貓奴都好應該尊重生命,虐貓殺貓毒貓吊貓者,本人咒佢天誅地滅,不得好死,兼享長命百歲,六十歲開始坐輪椅,八十歲開始長訓床打點滴,打到一百歲為止……Sorry,一時火燒心離題咗,正式介紹番呢個YouTube頻道「10 Cats.」,有極多喵星人短片睇,又係貓奴必看,而本人則甚鍾意呢條短片,一隻二隻貓掛住耷低頭食糧,不覺主人已經透過糧兜擺放位置,利用佢哋身軀砌咗「HAPPY NEW YEAR 2016」字樣,貓仔祝你新年快樂,Like。

Read more ›

揹貓狗上月球?潮爆寵物袋方便睇風景
by / on 07/12/2015 at 7:45 pm

揹貓狗上月球?潮爆寵物袋方便睇風景

我唔係貓奴狗奴,但都真心覺得呢系列Bubble pet Carrier型到核爆,Design夠潮、顏色Sharp醒唔在講,最正係附設專俾寵物望風景嘅Bubble狀窗口,揹上身,感覺就好似帶寵物上月球。製造商標榜「Give Your Pets A Window To The World」,啱聽!寵物都有權利睇風景架嘛,備背囊、斜揹袋、手挽袋等多款選擇,甚至連旅行篋都有,價錢69美金起,望落中看中用,潮人必備。

Read more ›
【貓專用音樂 – 有試聽】40分鐘越聽越放鬆   首隻科學驗證貓CD
by / on 04/11/2015 at 7:13 am

【貓專用音樂 – 有試聽】40分鐘越聽越放鬆 首隻科學驗證貓CD

作為貓奴,有無試過播音樂甚至自己唱歌比喵星人聽?可惜人類聽嘅音樂同貓嘅頻率唔同,例如貓鐘意聽雀仔叫、喵媽咪嘅咕嚕咕嚕聲,所以呢位有20年演奏經驗嘅音樂人David Teie就製作咗呢隻專比貓聽嘅CD,聲稱係第一隻有科學實證可以充實貓咪生命嘅音樂,仲可以令佢哋放鬆啲。入面將貓最鐘意嘅聲音結合音樂,再以貓咪咕嚕嘅頻率混合而成,仲搵咗唔少明星貓做測試,而家喺Kickstarter集緊資,40分鐘完整版下載價美金$15,入面仲有demo試聽,測試過,屋企隻喵星人的確有反應,明顯溝通到,不過就好似無平靜到,貓奴快啲搵屋企隻喵星人試吓啦。

Read more ›
【我要私人空間】貓奴必買日本新貓屋 零首期賣2376円
by / on 24/10/2015 at 7:10 am

【我要私人空間】貓奴必買日本新貓屋 零首期賣2376円

其實我都好想有間屋。喵星人要上車易好多,有個闊佬嘅貓奴就得。呢張好得意嘅日本製貓屋仔啱啱推出,最吸引係可以放喺日本人屋企一定有,可以將對腳收埋入枱底嘅暖爐桌,間屋有通窿設計,可以滲返啲熱風入喵屋,大家又有返自己嘅私人空間,你話幾好呢。另外仲可以放間屋喺窗簾下,咁喵星人就唔駛比成人比窗簾責住都可以睇風景,屋頂有埋貓抓板,簡直係五星級的家。零首期賣2376円,好平,因為只係紙皮製,喵星人實鐘意。

Read more ›
【貓奴專用】有片 日本喵星人篤芒手套 食指變貓尾搖呀搖
by / on 19/10/2015 at 7:15 am

【貓奴專用】有片 日本喵星人篤芒手套 食指變貓尾搖呀搖

正!貓奴又有新玩具,呢個日本出品嘅貓手套「猫のしっぽフリフリ手袋」啱啱喺網上開賣,冬天戴住佢可以捽手機芒都唔怕手指凍親,最搞笑係食指位就係喵星人條尾,當你用食指不停篤芒時,就好似條貓尾不停搖呀搖咁,旁邊嘅人都可以睇得好開心。呢款手套總共有三個款式,售價3980円,12月9日截止訂購,預計12月23日到貨,買嚟做聖誕禮物啱啱好喎。

Read more ›