Post Tagged with: "貓奴"

日本喵星人伸脷面油紙 超可愛貓奴必備
by / on 02/05/2017 at 7:59 am

日本喵星人伸脷面油紙 超可愛貓奴必備

呢款日本貓脷面油紙唔係最新,不過最近又有人放上Twitter,仲引咗好多貓奴RT,佢哋仲放埋自己隻貓嘅伸脷相上網,好可愛。夏天又嚟,係時候買返包面油紙印吓面嘞,一包650円,仲有4款貓樣揀,條脷係就係長咗啲,不過貓奴肯定鍾意。

Read more ›

有片:超治癒!貓奴必睇!十隻貓咪排排企亂晒籠!
by / on 26/04/2017 at 9:15 am

有片:超治癒!貓奴必睇!十隻貓咪排排企亂晒籠!

呢條短片正呀喂,無數錯的話,片裡面有Total十隻剛剛出世嘅小貓咪,估計主人係想同佢哋一字排排企影相,左手捉兩隻,右手捉三隻,剛排好呢隻,第二隻又走開,到搞番掂第三隻,第四隻又唔守規矩調頭走,總之就搞來搞去都搞唔掂,甩轆到呢。我唔係貓奴,都覺得呢條片好治癒,前後Loop咗三次。

Read more ›
【新片速報】日本貓奴想彈琴     3隻喵星人聯手攻擊
by / on 24/04/2017 at 7:47 am

【新片速報】日本貓奴想彈琴 3隻喵星人聯手攻擊

作為貓奴,如果想喺屋企彈琴都幾難。呢位日本貓奴夜媽媽瞓唔著想彈琴,屋企班喵星人好俾面,出晒嚟聽歌。其中一隻坐大脾,一隻瞓琴尾,中途主人仲會用貓貓隻手彈一兩個音。不過和諧嘅時間好快打破,喵星人終於唔耐煩要出手,仲瞓咗上琴面。樓主仲上載埋段NG片,3隻喵聯手襲擊佢,完全彈唔到,超好笑,入嚟有片睇。留意坐大脾隻喵仲要兩隻後腳踩住個琴,好識嘆!

Read more ›
【貓奴】日本「貓鼻」香味Lip Gloss 零距離錫佢個鼻
by / on 10/03/2017 at 7:01 am

【貓奴】日本「貓鼻」香味Lip Gloss 零距離錫佢個鼻

之前日本都出過貓肉球hand cream同貓額頭味噴霧,今次Felissimo再親密啲,出埋貓味Lip Gloss潤唇膏!聲稱味道好似你錫緊隻貓個鼻咁,有三隻顏色,瘋狂貓奴可能忍唔住想買。BTW,其實係咪每隻貓都唔同味架?同埋通常啲貓個鼻都濕濕哋,唔知呢支Lip Gloss係咪都係好水潤?入嚟有官方網站,每支賣1300円,其中39円仲會捐去Felissimo嘅貓基金,買嚟送俾女貓奴最啱。

Read more ›
【圖集】貓奴狗奴韓國紋身大人氣   可愛動物網民勁Like
by / on 07/03/2017 at 7:56 am

【圖集】貓奴狗奴韓國紋身大人氣 可愛動物網民勁Like

韓國紋身師Jiran設計嘅圖案走可愛路線,好有個人風格,喺IG好高人氣。而佢最為人注目就係幫貓奴狗奴畫動物嘞!佢會根據主人提供嘅相片再加工,變成可愛得嚟又突出到動物特徴嘅紋身,IG有好多示範睇。不過老土啲都要講句,紋身係一世嘅,紋之前記住要諗清楚呀。

Read more ›
日本「五貓神」相集Twitter熱傳 居高臨下望實貓奴
by / on 23/02/2017 at 11:05 am

日本「五貓神」相集Twitter熱傳 居高臨下望實貓奴

作為貓奴,有咩開心得過自己買返嚟嘅貓傢俬佢哋肯用?日本有貓奴影咗呢幾張相放上Twitter,話幾隻貓好似「神」一樣居高臨下。不過難得可以齊齊整整跳晒上去,即係證明呢幾隻喵相處融洽,都好值得開心吖!

Read more ›

【相集】日本音樂人澤部渡被嫌棄       喵星人「超不滿」表情發自內心
by / on 23/02/2017 at 11:03 am

【相集】日本音樂人澤部渡被嫌棄 喵星人「超不滿」表情發自內心

有無貓奴睇完呢輯相覺得好有共鳴?有啲人天生好受貓歡迎,有啲人‥‥‥就好似呢位日本唱作人澤部渡,每次抱起隻貓,隻貓都會露出好唔情願嘅樣,唔信?睇相就明晒。佢一屋嘅喵星人將不滿毫不掩飾咁表露晒出嚟,有隻仲出埋手推開佢,好hurt呀!鬼叫你抱得咁肉緊咩!

Read more ›
【碌架床】日本貓奴IKEA買層架      喵星人層層瞓超可愛
by / on 03/02/2017 at 7:23 am

【碌架床】日本貓奴IKEA買層架 喵星人層層瞓超可愛

作為貓奴,有咩開心得過買返嚟嘅嘢喵星人肯用?日本有位貓奴最近喺IKEA買咗呢個3層架,舖好晒毛巾諗住俾屋企3隻主子瞓,佢哋開頭都充滿警戒心,不過好快就有隻大膽貓跳上去試,見幾安全,其他喵都即刻跳上去霸返個靚位。主人仲每人分派咗一隻玩具俾佢哋陪瞓。各位貓奴,有無興趣添置返個?

Read more ›
【新片速報】零私隱喵星人玻璃吊床 Kickstarter集資貓奴要買
by / on 30/01/2017 at 1:26 pm

【新片速報】零私隱喵星人玻璃吊床 Kickstarter集資貓奴要買

一般嘅吊床對呢隻喵星人嚟講實在太普通嘞,要瞓,就要瞓呢個玻璃罩咁有型嘅貓屋!外國有個奴性好重貓奴,用咗個玻璃碗改裝咗張貓吊床,瞓喺上面嘅喵星人好寫意,個樣仲好招積,但佢唔知道,自己嘅一舉一動連埋身上嘅肉球其實都透晒出嚟,乜都俾人睇晒,完全無私隱。最恐怖嘅地方係呢個玻璃罩吊床喺Kickstarter集緊資,港幣$300有得買,仲有9日,有興趣嘅快啲上去撳嘞!

Read more ›
【相集】日本推出「貓前足」寫真集     戀足癖貓奴要買
by / on 28/01/2017 at 1:18 pm

【相集】日本推出「貓前足」寫真集 戀足癖貓奴要買

作為貓奴,唔多唔少都有啲戀足癖,所以就算你好想買呢本貓前足嘅寫真集《ねこのおてて》,都唔駛覺得尷尬。2月9日推出,總共有超過40隻貓嘅前足任睇,可愛到暈,唯一嫌佢唔夠肉球睇,其實我最鐘意都係肉球。

Read more ›
貓眼看世界 蚊張《喵樣人生》開賣
by / on 20/01/2017 at 9:00 am

貓眼看世界 蚊張《喵樣人生》開賣

愛貓嘅你,唔知對蚊張《喵樣人生》有無興趣?全書主旨係「以83隻喵代入人生」,透過喵星人眼睛睇呢個世界咁話喎。我唔係貓奴,難以領略「幸好,我們的生活有喵」,不過就幾鍾意個封面,十雙八隻貓仔排排企,眼仔睩睩視線一致,畀到人一種好治癒嘅感覺。有心捧場,可以去維園年宵走一趟,「亮光文化」攤位有售。

Read more ›

日本貓奴去完超市多咗隻貓 「我唔記得自己有買過呢樣嘢。」
by / on 11/01/2017 at 7:36 am

日本貓奴去完超市多咗隻貓 「我唔記得自己有買過呢樣嘢。」

呢位日本貓奴嘅遭遇相信好多人都試過,有日佢去完超級市場買嘢,返到嚟發現膠袋入面多咗隻喵,佢放咗上Twitter寫咗句:「我唔記得自己有買過呢樣嘢。」張相喺Twitter勁多人RT,成功呃Like。有人問佢買咗幾錢,樓主答話用咗一升嘅豉油嚟交換‥‥‥入嚟有多啲呢隻三色貓嘅靚相睇,好可愛!

Read more ›
【新片速報】《The Last Guardian》巨鷹TRICO勁似貓 日本貓奴瘋狂摸頭
by / on 07/12/2016 at 7:06 am

【新片速報】《The Last Guardian》巨鷹TRICO勁似貓 日本貓奴瘋狂摸頭

PS4隻《The Last Guardian》噚日出咗,好多人都匿喺屋企養巨型寵物,不過呢位日本貓奴就當正佢係貓咁玩。啱啱喺Twitter分享咗段片,隻巨鷹TRICO原來會搵個頭揩人隻手叫你摸佢,主角可以伸手邊摸佢邊嗌佢個名,而TRICO又會側晒頭好享受咁,摸一下唔夠,要不停摸佢先滿足,睇落真係同喵星人嘅反應幾相似,唔知玩完夜晚會唔會發夢屋企隻貓變大?

Read more ›
貓奴重拍電影經典場面 喵星人做老臨靠零食
by / on 23/11/2016 at 7:15 am

貓奴重拍電影經典場面 喵星人做老臨靠零食

呢對英國情侶David同Sarah最近嘅「劇照」喺網上好受歡迎,佢哋搵埋屋企兩隻喵星人Tara同Willow一齊參演,重拍經典電影嘅劇照,包括《異形》、《人鬼情未了》、《閃靈》、《E.T外星人》、《美麗有罪》。對於做老臨,喵星人似乎唔多配合,要主人出動好多零食獎勵佢哋先得。嚟緊佢哋話會繼續呢個電影系列,兩隻喵星人相信有排忙嘞,霞姨記住派飯盒呀!

Read more ›
【圖集】日本貓奴用貓毛惡搞     特朗普新髮型好無奈
by / on 19/11/2016 at 11:48 am

【圖集】日本貓奴用貓毛惡搞 特朗普新髮型好無奈

作為一個專業貓奴,日本攝影師Ryo Yamazaki嘅IG一定要follow。佢最鍾意就係用梳出嚟嘅貓毛,織成唔同嘅帽送返俾喵星人戴,貓毛出自貓身上,效果好好笑。最近佢就玩咗特朗普嘅經典髮型,前排又有萬聖節主題。屋企三隻喵都俾佢玩勻,不過睇啲喵嘅表情,似乎唔係幾欣賞佢嘅傑作喎。BTW,最近轉天氣,係時候趁星期六日幫佢哋梳吓毛嘞!

Read more ›