Post Tagged with: "貓奴"

【貓奴共鳴】日本貓扭蛋 喵星人瞓電腦超寫實
by / on 20/02/2018 at 7:35 am

【貓奴共鳴】日本貓扭蛋 喵星人瞓電腦超寫實

作為貓奴,實有經歷過俾喵霸佔電腦嘅日子啦?當你行開一陣,返嚟就會發現佢哋上緊網,有時用喵星人文搜尋緊嘢,有時睇緊片,有時瞓緊覺‥‥‥日本EPOCH新出嘅呢套扭蛋就有齊幾個唔同嘅款式,全部都同部電腦有關,好可愛,2月發售,一式六款。

Read more ›

香港反虐日 張君豪作畫為貓狗發聲
by / on 23/01/2018 at 8:45 pm

香港反虐日 張君豪作畫為貓狗發聲

原來今日係「香港反虐日」,從來覺得虐畜係弱者最下賤所為,所以縱使我唔係貓奴狗奴,都覺得應該支持。響應方法好簡單,Copy一段文字加張貓狗相,貼喺自己面書,就等同替貓狗發聲,希望香港真正能夠成立到「動物警察」同制定到「動物保護法」。而為此,張君豪亦作畫一張以作呼籲,呢個蛋散咁有愛心,抵讚。係,或者你會話係個意貼個Post無乜實際作用,但姿態嘅嘢,啱就要擺;立場嘅嘢,最緊要明確,呢個響應活動,係值得大家參與嘅。

Read more ›
貓奴必備 帶貓出街用Cat-in-the-bag
by / on 16/01/2018 at 9:45 pm

貓奴必備 帶貓出街用Cat-in-the-bag

呢個Cat-in-the-bag堪稱貓奴必備,話說貓普遍有幽閉恐懼症,所以唔鍾意捐入四邊密封嘅貓袋,呢個Cat-in-the-bag就唔同嘞,前面有個位露出貓頭,中間有手挽位方便貓奴拎住周圍去,你可以想像佢係一個專為貓而設嘅睡袋或吊床,上車扣實座位安全帶,非常安全,每個$36.95美金,諗得過。

Read more ›
日本貓奴放閃       超幸福貓腳印Twitter熱傳
by / on 14/01/2018 at 11:23 am

日本貓奴放閃 超幸福貓腳印Twitter熱傳

呢個印好幸福,應該好多貓奴好想得到。日本有網民分享咗張相,話佢瞓醒發現手臂多咗個貓腳印。之後佢重組案情,估計應該係隻喵喺佢恰著咗之後挨住佢瞓,再將全身嘅重量壓上佢隻手度,所以造成呢個咁清晰嘅貓印,好想要一個呀!

Read more ›
日本貓奴安裝「暖爐圍欄」     怕凍喵星人突破防線
by / on 11/01/2018 at 7:53 am

日本貓奴安裝「暖爐圍欄」 怕凍喵星人突破防線

天氣咁凍,日本好多貓奴都開著部暖爐俾喵取暖,噚日都有圖集睇。不過啲喵好多時會企得太近燒燶毛,日本有唔少貓奴就會用鐵欄圍住部暖爐,防止隻喵走得太近。不過呢隻喵就突破重圍,走咗去超等座,旁邊隻喵都無眼睇佢。不過無幾耐佢就發現太熱嘞。其他網民都分享咗佢哋嘅暖爐鐵欄裝置,亦有貓奴放咗張相上去,影到自己隻喵企得太近暖爐啲鬚燒到鬈晒,慘豬!入嚟有得睇。各位開暖爐嘅貓奴注意嘞!

Read more ›
【圖集】日本「喵插畫」超感人 貓奴必睇Twitter熱傳
by / on 11/01/2018 at 7:30 am

【圖集】日本「喵插畫」超感人 貓奴必睇Twitter熱傳

作為貓奴或者準備養貓嘅人,睇完呢輯插畫會好有同感,同埋覺得好感動。由日本插畫師渡辺こよ (@akuta0716) 繪製,呢兩日喺Twitter好多人分享。第一幅13格,講貓奴經常遇到嘅無奈事,例如隻喵將枱面嘅嘢推落地、成日用個屁股向住你塊臉、不停好惡咁喵喵叫你。不過下一張圖就講你帶喵去睇醫生,驗出有腫瘤,自此你同喵嘅玩樂時間就會變成用嚟關注健康,然後隻喵會離開你,再然後你會遇到呢一隻喵。睇完成個系列,大家應該意識到照顧喵星人係一生一世嘅責任,而且要珍惜同佢哋相處嘅時間,同埋要定期同佢哋驗身。最後提吓大家,記住以領養代替購買,幫助多啲等待領養嘅喵星人。

Read more ›

貓奴必買 Stella So利是封每套$40
by / on 04/01/2018 at 10:30 pm

貓奴必買 Stella So利是封每套$40

唔知大家有無鋪儲利是封癮,如果有,Stella So嘅利是封又啱唔啱你心水?每套$40,包「貓肥屋潤」同「貓毛滿屋」兩款各10個,一貫輕鬆跳脫風格,貓奴固然要買番嚟封畀主子,唔係貓奴嘅我都有啲心郁郁。

Read more ›
【女貓奴最痛】日本漫畫家寫實作品 貓爪勾絲襪有共鳴
by / on 02/12/2017 at 7:18 am

【女貓奴最痛】日本漫畫家寫實作品 貓爪勾絲襪有共鳴

女貓奴睇呢幾張插畫應該好有共鳴,呢位日本漫畫家喺Twitter發佈咗幾張漫畫,講吓日常生活嘅無奈,好快就有好多人RT。大家都知喵星人最鍾意嗲人摸佢,有時你會伸隻腳去掃吓佢,不過如果當日咁啱着咗絲襪‥‥‥俾佢嘅喵爪勾住咗,仲要越嗌越走,真係好想喊呀!不過網民就話最尾張圖隻貓個樣好可愛。個樣咁無辜,邊度捨得鬧佢呢?

Read more ›
貓奴狗奴「保護聖誕樹」絕招     超搞笑圖集
by / on 22/11/2017 at 7:03 am

貓奴狗奴「保護聖誕樹」絕招 超搞笑圖集

聖誕節就到,好多人都想買返棵聖誕樹擺喺屋企,不過如果有養貓同狗就知道好難。外國有唔少主人就諗到大量好好笑嘅方法。例如用個籠鎖住棵樹、將棵樹倒吊,甚至包起成棵樹,全部都係為咗應付呢班曳嘅喵星人汪星人,入嚟有得慢慢睇,有無貓奴狗奴想試吓?

Read more ›
日本貓奴品味之選  白色恤衫領變貓紳士
by / on 12/11/2017 at 10:44 am

日本貓奴品味之選 白色恤衫領變貓紳士

識得DIY真係好,好似日本呢位貓奴最新就設計咗呢個恤衫領,襯喺黑貓身上超豪華,加埋粒金色嘅鈕,即刻變咗貓紳士呀!之前佢都設計過英國紳士風嘅格仔煲呔,入嚟有回帶。

Read more ›
【有片】日本貓奴買遙控玩具 衰喵零反應完全無視
by / on 10/11/2017 at 7:06 am

【有片】日本貓奴買遙控玩具 衰喵零反應完全無視

作為貓奴,有咩傷心得過買返嚟嘅玩具主子唔玩?睇完呢段片你會明。有日本貓奴買咗呢個可以遙控,識自動旋轉嘅羽毛玩具,一心諗住隻喵會好開心,點知隻喵唔玩不特止,仲瞓喺旁邊擰轉面,於是主人遙控搞佢,但係就算條羽毛撞到隻喵塊臉,佢都係完全零反應,好囂張!段片喺IG好多人睇,之後有日本網民放埋上Twitter分享,各位諗住買呢款玩具嘅主人要三思嘞。

Read more ›

【圖集】日本曳貓專破壞電視 貓奴苦主慘況合集
by / on 25/10/2017 at 7:06 am

【圖集】日本曳貓專破壞電視 貓奴苦主慘況合集

有咩慘得過無仇報?呢班日本嘅貓奴苦主,全部都經歷過人生最痛,就係俾屋企隻喵整爛部電視。大部份都係俾佢哋成部機整跌咗搞到爆芒,亦有人因為隻貓屙尿落部電視導致變色(!),之後當然有大懲罰,離不開都係掛個牌話俾人知佢係「犯人」,不過班貓個樣完全不知悔改,好倔強,扣佢糧啦!

Read more ›
【有片】貓奴冬天要買 日本保暖手套支援手機觸碰
by / on 18/10/2017 at 7:28 am

【有片】貓奴冬天要買 日本保暖手套支援手機觸碰

冬天係時候買返對暖手套,專出貓產品嘅日本網站Felissimo最近有呢款喵手套,三款貓樣任揀,最正係手指公位可以感應手機屏幕觸碰,戴住都可以繼續玩電話,仲可以邊望住隻貓邊玩。而家網站有得買,3980円,買嚟送俾貓奴朋友啱晒。

Read more ›
日本天才級發明    貓奴冬天「暖腳裝置」引貓入洞
by / on 14/10/2017 at 2:00 pm

日本天才級發明 貓奴冬天「暖腳裝置」引貓入洞

冬天就嚟到,係時候計劃吓取暖嘅方法,特別係一對凍冰冰嘅腳。日本呢位聰明貓奴就諗到呢個設計,只需要一個紙皮箱同埋一隻貓,就可以有暖足嘅效果,又環保又慳錢。佢已經開始實行呢個計劃,第一步係先引誘隻喵,效果似乎幾好。各位貓奴而家動手設計,整定再做埋測試,過幾個月就用得著嘞!

Read more ›
日本貓奴人妻廚房用品 全部都係貓超可愛
by / on 13/10/2017 at 9:33 am

日本貓奴人妻廚房用品 全部都係貓超可愛

日本呢位人妻係正宗貓奴,屋企好多用品都見到貓影,細緻到連廚房嘅百潔布同埋個托都係貓!佢嘅老公將兩樣產品連成一體,放上Twitter後勁多人RT。好多人都話見過貓形百潔布,但係個托真係比較少見,咁得意又實用,妤多人都想買返個!

Read more ›