Post Tagged with: "貓咪收集"

PS VR《貓咪收集VR》超人氣 日本漫畫家奇妙圖片
by / on 31/05/2018 at 7:57 pm

PS VR《貓咪收集VR》超人氣 日本漫畫家奇妙圖片

今日日本有得下載《ねこあつめVR》呢隻遊戲,1.944円,絕對係屋企養唔到貓又好鍾意貓嘅未來貓奴恩物。頭先睇咗好多貓迷出遊戲影片啦,今次就睇吓漫畫家能田達規呢張圖,屋企有貓一樣照玩,現實嗰隻個表情絕對可以表現真貓出輸俾科技嗰種無奈。之後亦都有貓奴出片,其實每一日都玩緊貓咪收集VR啦,係喎。

Read more ›

PS VR玩《貓咪收集》 親身進入貓群中
by / on 18/04/2018 at 8:48 pm

PS VR玩《貓咪收集》 親身進入貓群中

如果你好想養貓,但屋企唔方便養,咁呢隻遊戲就啱晒你喇。嚟緊PS4就會推出呢隻要用PS VR玩嘅《ねこあつめVR》,即係你可以置身間貓屋入面,四圍都係貓,全部都係貓!5月31日配信,1,944円。

Read more ›
【有片】10分鐘短片 《貓咪收集》真人電影幕後製作
by / on 28/03/2017 at 9:27 pm

【有片】10分鐘短片 《貓咪收集》真人電影幕後製作

電話遊戲《貓咪收集》喺日本拍成真人電影《ねこあつめの家》,超多貓參演,呢條10分鐘片段就睇到佢哋點樣演戲,有水飲有嘢食有嘢玩,睇落待遇都唔錯,我諗至少唔會好似香港電視台用完即棄咁仆街。演員就包括伊藤淳史、田口トモロヲ、木村多江、大久保佳代子等,日本4月8日上映。

Read more ›
【有片】《貓咪收集》真人版電影預告 好多貓超幸福
by / on 13/01/2017 at 8:32 pm

【有片】《貓咪收集》真人版電影預告 好多貓超幸福

其實真係唔明電話遊戲《貓咪收集》點拍成電影《ねこあつめの家》,不過咁多超可愛嘅貓,應該搞到好多貓奴想入場睇。4月8日喺日本上映,香港未有消息,不過可以睇住最新預告先,男主角有伊藤淳史,另外仲有田口トモロヲ、木村多江、大久保佳代子。

Read more ›
咁都有?《貓咪收集》拍真人版電影 伊藤淳史做主角
by / on 08/11/2016 at 10:05 pm

咁都有?《貓咪收集》拍真人版電影 伊藤淳史做主角

仲成世界嘅?我真係嚇一跳,《貓咪收集(ねこあつめ)》明明係一隻冇乜劇情嘅電話遊戲,竟然可以拍成真人版電影?呢套《ねこあつめの家》2017年內會喺日本上映,主角就係伊藤淳史,故事係講佢演嘅「佐久本勝」係小說家,搬屋之後就遇到一隻貓……其實呢個故事都應該OK嘅,由蔵方政俊監督,不過未知由咩貓嚟演,希望佢哋拍得舒服同有飯盒食啦。

Read more ›
【多圖】《貓咪收集》又出產品 貓帽一戴霸氣盡失
by / on 19/10/2016 at 7:13 am

【多圖】《貓咪收集》又出產品 貓帽一戴霸氣盡失

手機遊戲《貓咪收集》(ねこあつめ)之前都出同Petio出過真嘅貓產品,又咖啡屋又鯉魚隧道,好豪華!最近佢哋推出第二彈,最搶眼係頂貓帽,三個款式,變身專用,戴起上嚟霸氣盡失。另外間三角型貓屋都好靚,不過講舒服都係另外嗰兩張貓床吸引啲。貓奴睇完應該好想帶晒佢哋返屋企!

Read more ›

《貓咪收集》推出杯邊玩具 黑喵杯邊照玩毛球
by / on 16/06/2016 at 7:15 am

《貓咪收集》推出杯邊玩具 黑喵杯邊照玩毛球

手機遊戲《貓咪收集(ねこあつめ)》入面啲喵超可愛,唔係貓奴都會鍾意佢哋。最近佢哋終於向杯緣子進發,推出一式六件嘅貓咪杯邊玩具。6款貓6個造型,我最鍾意都係黑喵嗰款,吊住喺杯邊仲要玩毛球,襯晒佢哋貪玩唔怕死嘅性格呀!預計9月頭發售,貓奴點都要儲齊一套!

Read more ›
《貓咪收集》一番賞 乘涼喵啱晒夏天
by / on 16/05/2016 at 4:00 pm

《貓咪收集》一番賞 乘涼喵啱晒夏天

你可能已經冇玩,甚至從來冇玩過。不過如果你鍾意貓,真係好難唔覺得《貓咪收集(ねこあつめ)》入面啲喵可愛。嚟緊「一番くじ」又有新作「一番くじ ねこあつめ~るんるんサマー~」,今次全9等級22種 + ラストワン賞,個A賞「納涼ごろねクッション」好正,hea到極限,B賞黑貓「ねそべりぬいぐるみ」都唔錯,仲有叠叠貓!抽一次都係620円,6月25日推出。

Read more ›
池袋「ナンジャタウン」 《貓咪收集》後園重現有嘢食
by / on 10/04/2016 at 3:15 pm

池袋「ナンジャタウン」 《貓咪收集》後園重現有嘢食

《貓咪收集(ねこあつめ)》你可能已經冇玩,但裏頭啲萌貓,你應該仲好鍾意啦?嚟緊4月15日至6月26日,喺池袋「ナンジャタウン」就會有「ねこあつめ in ナンジャタウン」,話會重現遊戲入面嘅庭園環境,而且仲有大量精品同喵星人菜式,好殘忍。

Read more ›
【日本淪落?】《貓咪收集》變女孩收集 日本手機game惹爭議被失踪
by / on 12/03/2016 at 12:56 pm

【日本淪落?】《貓咪收集》變女孩收集 日本手機game惹爭議被失踪

《貓咪收集》呢隻手機遊戲好多人都有玩,估唔到日本人最近居然諗到收集小女孩遊戲《ようじょあつめ》!玩法係利用唔同嘅玩具引誘小女孩影相,屬於收集類型嘅遊戲,畫風都係有啲爛嘅可愛類型,本來遊戲通過咗Google Play審查,預計5月初上架,亦接受網上預約,不過由於題材太具爭議性,經媒體廣泛報導之後,喺日本好多成人投訴,最後遊戲被失踪,日本2ch網民就留言話:「日本好噁心」、「日本終於行到呢一步」,不過都有人留言話:「一定要有換衫功能喎」,好彩出唔成啫。

Read more ›
【貓奴又破財】《貓咪收集》實體化      超正豪華咖啡屋必買
by / on 24/02/2016 at 7:15 am

【貓奴又破財】《貓咪收集》實體化 超正豪華咖啡屋必買

《貓咪收集》呢隻手機game,貓奴們就算無玩過都一定聽過,入面嘅道具好得意,最近日本寵物用品公司Petio索性同《貓咪收集》合作推出貓產品。平時遊戲入面嘅貓屋甚至豪華咖啡屋都有真實版,賣2,979円,屋後仲有個位比喵星人攝個頭出嚟,迫佢扮《貓咪收集》入面嘅喵,仲有魚、老鼠同兔仔嘅玩具(979円)都好吸引。不過估計喵星人最鐘意嘅,應該係嗰條鯉魚隧道同竹輪隧道(2,979円) ,捐出捐入又可以玩捉,超正!入嚟仲有埋片,你睇班喵星人玩得幾開心?奴才們好難忍手喎。

Read more ›

進入3次元 《貓咪收集》大食懶1:1公仔登場
by / on 21/11/2015 at 7:29 pm

進入3次元 《貓咪收集》大食懶1:1公仔登場

《ねこあつめ》貓咪收集呢隻遊戲你可能已經冇玩,但係入面班喵星人可愛到咁,出精品仲開心啦。遊戲入面你最鍾意係咪呢隻大食懶「まんぞくさん」?,Bandai就會推出1比1嘅原貓中版本,身長40cm,闊18cm,4,500円。即日日本官網有得訂,下年3月出貨。

Read more ›
《貓咪收集》出食譜 貓奴必買嚇爆主子
by / on 07/11/2015 at 4:00 pm

《貓咪收集》出食譜 貓奴必買嚇爆主子

呢隻電話遊戲《ねこあつめ》雖然冇乜嘢玩,但勝在啲喵星人造型超爆可愛,出精品都引到好多貓奴買。不過今次就要DIY喇,因為呢個咖哩飯唔係喺餐廳俾你食,而係《ねこあつめキャラレシピ》食譜封面,成本書有40種以《貓咪收集》喵星人為主題嘅菜式,如果買嚟整咗出嚟食,你屋企啲主人見到會唔會覺得你好殘忍?從此忌你三分?係都好喎!

Read more ›
貓奴唔駛識日文 《貓咪收集》更新有英文
by / on 30/10/2015 at 3:18 pm

貓奴唔駛識日文 《貓咪收集》更新有英文

仲有冇人有得閒開隻《ねこあつめ》嚟睇吓班貓?啱啱今日(30日)自動更新就加入「英文版本」,遊戲一開始就可以揀選用英文,咁唔熟日文嘅貓奴o依家就唔駛估估吓喇!

Read more ›
《貓咪收集》超可愛扭蛋 重點係部屋場景
by / on 18/09/2015 at 5:26 pm

《貓咪收集》超可愛扭蛋 重點係部屋場景

《貓咪收集(ねこあつめ)》呢隻遊戲,啲貓又唔同造型唔同性格,真係迷死唔少貓奴。扭蛋方面,嚟緊10月會出呢個系列,不過唔係重點,重點係你可以用2,222円買埋呢個紙摺場景連「まんぞくさん」、「あかげさん」、「はいいろさん」3隻嘢。

Read more ›