【好想飛】有片 日本廣島人氣「貓咪大道」 瘋狂玩貓扮文青

星期六日,最適合喺屋企計劃吓旅行,諗吓唔做都開心。各位貓奴,最近又有個新景點可以考慮,位於廣島縣東部嘅尾道市,入面有條「貓咪街道」住咗大量喵星人,仲越嚟越人氣。市長特登頒發咗「任命狀」比班喵星人,封佢哋做當地嘅「觀光大使」。連廣島縣嘅街景地圖,都用貓咪做導遊,比大家以貓視線遊覽當地,仲會遇到唔同嘅喵星人,入嚟有回帶。睇返呢個地方,除咗貓之外仲有好多文藝氣息嘅風景,因為當地背山面滿,好多文人例如日本作家志賀直哉同林芙美子都以呢個地方作為靈感,創作咗好多文學作品。日本導演大林宣彦仲創作咗好出名嘅《尾部三部曲》系列電影。香港有航班直飛廣島,亦都可以選擇去福岡再直落玩埋廣島,甚至去埋小倉、熊本,講完自己都好想去日本旅行呀!

Read more ›