外國有麥田圈，日本有呢個貓貓沙陣，有日本網民朝早去到神奈川鎌倉嘅「由比ガ浜」，就發現呢個情景，貓星人係咪準備統治地球喇？  

你吸塵嘅時候，屋企隻喵有咩反應？呢隻日本貓就好似啲得意妹睇恐怖片咁，又要驚但又想睇……而且佢仲好鍾意瞓空氣清新機，超可愛。

去骨場可以做咩？唔通玩貓咩？真係得喎，呢間喺日本安曇野市「整体院」，就有駐場7隻「骨貓」，包括シャア、アムロ、小豆、小紅、麦茶、豆茶、紅茶，不過似乎都係睇佢哋有冇心情，先可以俾你提供服務俾佢哋，例如當你係張床。

家中貓貓狗狗病，真係慘過自己病呀，咁當然係希望大家嘅貓貓狗狗都身體健康，但現實一點，去睇獸醫真係在所難免，咁如果真係要睇，都希望睇得開心啲？日本就有獸醫嘅藥袋有呢個設計圖案，而且最好笑係食嘅藥有呢個圖案，如果外用嘅就貼膠布，好搞笑……如果佢真係識自己食藥就好啦。

記唔記得早幾日介紹過，喺新宿駅前呢個「クロス新宿ビジョン」有巨型3D、4K影像，係三色貓玩吓瞓吓，超像真超可愛。不過今次就唔只像真，直情係真，當然唔係黑貓巨大化，而係將建築模型化，勁！

  呢個「タイピー日記/taipi」頻道，不時都見到農野、郊外嘅事，救動物都唔係第一次。今次佢就喺野外發現一隻貓仔，於是就救咗番嚟，3日前開始全個過程都一直有跟進，不過去到噚日，貓貓嘅情況突然轉差，獸醫仲話存活率可能低於50%。最新一段片已經係10小時之前，希望佢捱得過啦，加油呀貓！

有時喺屋企，人頂得住熱，都驚阿貓太熱太悶，於是又開冷氣啦。不過如果有咗呢間屋，你就可以俾阿貓自私嘆，溫度可調校14度至40度，12,800円，體積係45cm × 35.5cm，高32cm，內櫳就45cm × 33cm，高25cm。而且有溫度太高保險掣，電線亦有金屬膜以防咬斷，仲可以校時間開關。

呢類3D、4K影像大家都睇唔少，韓國又有，大陸又有，嚟緊新宿駅前呢個「クロス新宿ビジョン」都會有，而且主題係我哋最鍾意嘅貓貓，名為「巨大三毛猫」。睇住當地直播，見到呢個地方，真係好懷念去日本旅行嘅日子呀……

日本奇譚又有新貓貓扭蛋，今次係「紙袋に入った猫」第二彈。有養貓都知佢哋對紙袋嘅熱情係幾熾熱，而且重點係佢哋嘅眼神，完全顯示到嗰份啋你都傻嘅感覺！7月中旬推出，各300円，全6種。

你有冇成屋都係貓床貓玩具？唔係話唔想俾佢哋多啲空間瞓同玩，但有啲貓床貓抓板個設計又真係幾影響屋企個格調……咁如果你鍾意日本風情畫，呢個以葛飾北斎名作「神奈川沖浪裏」為基本設計嘅貓抓板，真係好啱你！不過價錢唔平嘅，9,000円。

唔容易嘅，抱都未必得啦，仲要咁樣包住佢。呢隻叫みにら嘅日本貓貓，扮過生菜包又扮過粟米，今次就係一個薄餅……

有養貓嘅，都想喺屋企有更多空間俾佢玩，貓樹呀，再正啲有上牆嘅貓路……如果願意犧牲床下底置物空間，仲可以諗諗呢個方案，將床下底變成迷宮，不過，整咗之後，除咗開飯開細同開大，會唔會長期唔見影？佢又到底會收埋幾多嘢喺入面？之後仲有其他網民分享吓佢哋嘅貓傢私。

又係日本呢隻超可愛人氣度好高嘅貓貓MINIRA「みにら」，繼生菜包造型之後，最新造型係粟米呀！個頭係粟米中間爆出嚟，難得佢任玩唔嬲照瞓，形象又百變，咩造型都carry到，真係可愛到暈，入嚟有片睇，仲有得回帶睇返佢個生菜包造型。

鍾意日本又鍾意睇貓，真係有唔少Twitter可follow，今次介紹呢三隻，純粹係被佢張新圖吸引，黑貓叫「ビター」，仲有「シシマル」都係男仔，另外仲有貓女「ダイフク」，佢哋成日都被拍片放上網o架。

出賣主子喎，呢位日本貓奴喺網上公開養咗呢隻貓貓一年之後嘅對比圖，貓貓1歲半嗰陣去佢屋企時都臉尖尖，依家圓過波。咁都開心嘅。