Tag: 變臉

【連環圖】喵星人摟抱失敗極速變臉 可愛變嬲樣日本Twitter熱傳

【連環圖】喵星人摟抱失敗極速變臉 可愛變嬲樣日本Twitter熱傳

喵星人成日都要人摸要人抱,好似日本Twitter最近熱傳嘅呢幾張圖,隻肥喵露出兩隻肉球摟主人抱,不過當主人唔理佢嘅時候,佢嘅表情就由好可愛變成嬲嬲樣,超搞笑。BTW,如果隻喵成日企喺度,可能因為骨骼發展異常,唯有站立令佢哋緩解痛楚。其中摺耳貓就經常有呢個情況發生,都係嗰句,養貓記住選擇領養,幫多啲需要一個家嘅小動物嘞。

Read more ›

【連環圖】台灣喵星人最強表情 遇「魚介沾麵」即時變臉

【連環圖】台灣喵星人最強表情 遇「魚介沾麵」即時變臉

呢隻喵星人嘅表情真係世界級,最近喺日本Twitter熱傳呢輯相,隻喵嘅表情充滿嫌棄,事緣住喺台灣嘅樓主食緊魚介沾麵,1秒前仲係舔舔脷嘅喵星人,1秒後突然變臉露出左邊呢個超嫌棄嘅表情,睇嚟可能好不滿陣味,定係嬲主人唔俾佢食呢?入嚟有多啲佢嘅相同片睇,好可愛!

Read more ›
【新片速報】日本喵星人極速變臉 有零食即刻變溫純

【新片速報】日本喵星人極速變臉 有零食即刻變溫純

喵星人係好現實嘅動物,好似呢段喺日本Twitter熱傳嘅片咁,片中嘅喵星人一開始喺籠入面喵喵叫個樣好惡,不過當旁邊有人伸出喵星人最愛嘅零食之後,佢個樣即刻180度轉變,變得好溫純好可愛,入嚟有片睇。

Read more ›
【郭藹明都玩】日本網民善用美圖App      5000円紙幣完全變臉

【郭藹明都玩】日本網民善用美圖App 5000円紙幣完全變臉

美圖APP大家玩得多,如果今次主角換做郭藹明呢?Sorry,應該係日本嘅5000円上面嘅樋口一葉先啱。有日本網民拎咗張銀紙嚟玩,完成圖唔止日本人,相信連劉青雲都認唔到。

Read more ›

【成功上樓】喵星人呀愁1小時變呀樂 被收養開心笑

好感人,呢隻叫BenBen嘅喵星人本來好快就要被安樂死,佢之前估計被大型動物襲擊過,脊椎、耳仔甚至步行都有問題,加上本身面部皮膚比較鬆弛,所以睇落好似呀愁咁。可能知道自己好快會被安樂死,BenBen開始唔食唔飲唔郁,就喺佢被安樂死前,附近嘅獸醫診所有個好有愛心嘅女護士決定收養佢,BenBen好似知道自己終於有個舒適嘅屋企,返到新屋唔夠一個鐘已經不停咕嚕咕嚕,仲由原本嘅愁爆樣,變成開心笑晒嘅幸福樣。所以話人類嘅一個小決定,會影響一隻動物嘅一生,有能力嘅就幫吓佢哋,領養吓呢班可愛嘅小動物啦。

Read more ›

【騙徒又出動】日本Twitter熱傳 喵星人5個月完全變臉

騙徒手法層出不窮,近期網上好多喵星人街頭騙案,先扮萌呃人帶佢返屋企,之後就顯露真性情變喵大爺。另一個終極騙局就係佢哋嘅變臉程度,有位日本網友喺twitter放咗屋企隻喵星人嘅兩張相,即時吸引勁多人RT,一張係2-3個星期大,好可愛反晒肚;另一張就係5個月大,嘩,先生邊位?

Read more ›

凍到黑面 神奇水杯遇熱變臉

朝早起身飲杯熱咖啡夠晒醒神開心,如果嗰朝唔駛返工嘅話。呢隻Morning Mug,未斟熱飲前黑口黑面恰眼瞓,一加啲熱飲入去,塊面即刻變白,個嘴仲識笑,古靈精怪!老實,朝早見倒佢心情都靚啲。不過最搞笑係熱飲斟到半滿時,個杯會一半黑面一半笑面,似足我個極速變臉上司呀。

Read more ›

恐怖變臉 「索」女面具一戴即變

打定底,唔係新料,但極獵奇,忍唔住share吓。想變大眼、長睫毛、高鼻、尖下巴原來唔一定要整容,成個面具戴出街都得。外國公司Uniface利用bionic-skin科技,創作咗一種接近人體皮膚嘅面具,女士們唔駛化妝唔駛整容,戴上面具就可以即時變「索」,仲可以照講嘢同埋做啲好膠嘅表情。表層有毛孔可以令皮膚抖氣,洗面簡單用落妝液就得,一個面具賣港幣3千蚊左右。好喇,我要開估喇,其實呢個面具係假嘅,不過成個網站做到似層層,仲有幾個女仔扮model,原來係想諷刺女人為咗靚會喪失理智。其實好多女星整完個樣都係咁「膠」,可能佢哋都買咗個面具。

Read more ›

神技 化妝師隨時變臉 Lady Gaga/Johnny Depp真嘅一樣

女人化起妝上嚟,有時連自己都未必認得返自己,如果職業係化妝師,變臉功力更加達到神級。外國化妝師Carly Paige就係我口中嘅神級人辦,佢親自示範靠化妝將自己變成《加勒比海盜》嘅Johnny Depp、Lady GaGa、愛因斯坦!基本上你嗡得出嘅名人佢都扮過,日日facebook都有新造型。差啲唔記得講,佢真人都幾靚女o架!

Read more ›

Face Swaps精選 外國網站嚴選爆笑變臉圖

右下角呢張人狗換臉相,應該好多人都睇過。自從人人都可以用電腦改圖之後,呢類惡搞圖度度都見。動物同人類互換之外,最常見係將一個人嘅頭key到全張相所有人嘅頭度,仲有名人系列……外國網站Mashable就啱啱揀咗一啲有代表性(!?)嘅圖片出嚟,等大家放假笑吓。

Read more ›