Tag: 變形金剛

柯柏文變初代Playstation 《變形金剛》玩完SEGA玩PS

嗚!正!隻麥加登變SEGA 16-Bit主機都未出,o依家又有新嘢,就係柯柏文變PS!實物會喺7月27日幕張舉行嘅「Wonder Festival 2014[夏]」展出。另外,扭蛋方便都有新嘢,就係歷代PS2、PS3、PS4主機,仲有透明手掣耳機塞掛飾。

Read more ›

【動漫節】柯柏文鋼鎖熱爆吉祥物 天火多年後重生

變形金剛個攤位真係好搶眼, 因為有柯柏文同鋼鎖兩隻吉祥物駐場, 其實之前喺孩之寶Fans聚會都出現過, 今次開放俾公眾, 認真Mode, 識我嘅人都知我鍾意鋼鎖多啲! 玩具方面, 最搶眼一定係天火啦! 喺電影Moive 2度出現過同名的天火, 不過如果大家認得佢出, 我會覺得好出奇囉! 不過今次係出返原版造型, 需知多年前, 因為佢個外型太似某日本機械人, 所以被禁了, 現在小改款再重生, 係Fans嘅可以去撐吓!

Read more ›

【有片】日本街機《Transformers: Human Alliance》揸槍幫拖打狂派

睇完變形金剛啦,有冇興趣打吓機?家用機出咗,不過歐美玩法,未必個個啱,今次就由SEGA出街機,簡簡單單拎住支槍幫柯柏文同大黃蜂手,有讀者提供,原來黃埔美國寶已經有得玩喇。

Read more ›

中國變形金剛迷 20萬收藏撐足12年

嗱,儲得,我諗唔會儲老翻嘅。呢位叫張維嘅男人,佢係一名退伍軍人,佢自2002年開始就收藏《變形金剛》玩具,結咗婚之後,佢太太仲幫埋手買,12年間,花費咗20萬人仔,收藏達380隻,平均一隻500幾蚊,啱數喎,連外國網站都要轉載,不過,其實我懷疑香港有啲師兄仲瘋狂……

Read more ›
新片速報《Transformers》19分鐘打到飛天精華

新片速報《Transformers》19分鐘打到飛天精華

睇咗第4集未呀?炸爆香港爽唔爽先?睇完Michael Bay第4集變形金剛,可能你會想翻煲番頭3集,但係時間有限,夾埋要成7個半鐘頭,太奢侈喇。咁呢條外國製作嘅19分鐘精華影片可能幫到你,全部最後大戰剪埋一齊,絕無冷場。

Read more ›

新片速報 《變形金剛》玩具Stop-motion動畫 超正打爆建制派

對唔住,我打錯字,但又唔想改,我想講係建造派。呢條片由馬來西亞YouTuber「Harris Loureiro」製作,名為「Transformers StopMotion Attack On Giant」。就係柯柏文決戰建造派,當中嘅建造派合體場面做得超正!睇完戲,再睇呢條,用玩具玩又別有風味囉!

Read more ›

《Transformers: Age of Extinction》特別版藍光 超正場面實體化

《Transformers: Age of Extinction》特別版藍光 超正場面實體化

睇咗《變形金剛》未?今日行完街睇囉!Michael Bay嘅最新一集變形金剛《Transformers: Age of Extinction》依家喺戲院上映緊,不過特別版藍光套裝就公佈咗喇。以往慣例,大約3個月後出碟,即係10月倒啦,內容未公佈,不過呢個套裝最吸引嘅就梗係騎住Dinobot嘅柯柏文!

Read more ›

新片速報 為第4集做準備 《變形金剛》3集同步睇

    我知,大家分分鐘幾百萬上落,邊有時間翻睇頭3集Michael Bay嘅《Transformers》?咁不如睇吓呢3位西人,佢哋同步開3個電視睇3集電影……之後,佢哋發覺3集都好多共同之處,就係依一個方程式嚟拍。不過又咁講,呢啲戲我真係唔預佢有啲咩劇情,嘩炸爆香港喎!唔睇呀唔通?

Read more ›

壽司版變形金剛 三文魚護盾無得輸

勁!三文魚、吞拿魚、蝦、玉子壽司、鐵火卷‥‥‥我哋成日食嘅壽司,居然有人大膽到將佢哋改造成變形金剛!之前見過原子筆可以變做機械人,估唔倒壽司都有得諗。我最欣賞係件三文魚或者蝦變身後會成為一個護盾,行出嚟超有霸氣,雖然防護力肯定極之弱雞。呢套古怪壽司外國網有得買,盛惠美金$10.99,有無興趣買齊一套放喺屋企?

Read more ›

《Angry Birds》亂乘《變形金剛》 玩具/App九月推出

《Angry Birds》大家收埋咗喺床下底好耐,但係佢無放棄自己,繼之前同《Star Wars》合作後,最新消息係同呢期好紅嘅《變形金剛》亂乘,孩子寶將會同Rovio合作推出「Angry Birdx x Transformers」系列玩具,另外今次合作當然唔少得出多個APP等大家部手機一齊玩,預計今年9月登場,睇造型感覺幾驚嚇,《變形金剛》fans頂唔頂得順?

Read more ›
新片速報《Tranformers: Age of Extinction》又新片 倒數上映15日

新片速報《Tranformers: Age of Extinction》又新片 倒數上映15日

又嚟,隔幾日就一條新短片,每條短片多少少新場面,我又會走去睇晒喎,點解呢?因為香港景囉,因為有Dinobots囉。6月26日香港上映嘅《Transformers: Age of Extinction(變形金剛:殲滅世紀)》外國新TV Spot,你搵唔搵到Dinobots嘅三角龍Slug?

Read more ›

《變形金剛》cap帽連面罩 簡單cosplay勇者無懼

今集《變形金剛》有香港景,唔睇唔得,想入場支持時顯示自己有愛,可以買埋呢款cap帽連面罩,再笠返副3D眼鏡喺面層,型呀!呢兩頂帽吊住嗰塊面具分別係麥加登同柯柏文,想做狂派定博派自己話事,如果嫌塊面具阻碇都可以拆走佢,當普通cap帽戴都靚。每頂賣港幣$150左右,同買兩張戲飛嘅價錢差唔多,係囉,點解而家睇戲咁貴o架!

Read more ›

麥加登變主機《變形金剛》麥加登 X 世嘉Mega Drive 10月發售10,000円

之前展出過,呢隻由「出雲重機」、「千値練」同「NEXTA」合作推出嘅特別版麥加登Megatron,官網宣佈咗會喺9月發售,賣10,000円。講真,平時唔多好變形金剛嘅我都望到實,因為變部16-BIT主機實在好正!SEGA fans要撐啦!

Read more ›

初代變形金剛 EX合金化 超Classic

  又係變形金剛玩具! 冇計啦! 新戲就嚟上嘛! 不過我覺得今次EX合金出呢SET有HEART好多, 因為佢唔理新電影, 玩返元祖初代做形, 嗰種鈍鈍哋嘅感覺, 真係好耐冇見, 特別原汁原味! 推出機體有三隻, 分別係恐龍派嘅鋼鎖(10月/13,824円)、元祖柯柏文(12月/10,584円), 同阿博派長老(8月/10,584円)。

Read more ›

新片速報《Tranformers: Age of Extinction》新短片 恐龍派三角龍Slug現身

6月26日香港上映嘅《Transformers: Age of Extinction(變形金剛:殲滅世紀)》,喺外國又有新嘅TV Spot,今次呢條片有少少新嘅香港景,不過唔係重點,重點係有Dinobots嘅三角龍Slug現身!以前有睇動畫嘅都應該對佢印象好深啦?到時入場記得睇埋強國嘅植入式廣告,有賣鴨嘅「周黑鴨」喎。

Read more ›