fbpx

Tag: 變形俠醫

有片:撈到亂晒 變形俠醫vs一拳超人邊個贏?

有片:撈到亂晒 變形俠醫vs一拳超人邊個贏?

Crossover到亂晒籠嘅二次創作短片,幾有追看性,唔覺唔覺好快又睇晒。故事講述一拳超人同隻有四隻手嘅狼人怪獸對峙,未變身Hulk嘅Bruce Banner經過見到,多事幫拖,點知打到自己都失埋理性,調番轉頭追殺一拳超人……大家你一拳我一腳,又撞地又穿牆,總之就打到嘭嘭聲,沙塵滾滾……暫時未知邊個好揪啲,真心期待Part 2嘅出現。  

Read more ›

【又嚟!】Hulkbuster LEGO版    變形俠醫搞笑突入

【又嚟!】Hulkbuster LEGO版 變形俠醫搞笑突入

Hulkbuster隻figure真係害人不淺呀,避到Hot Toys,都未必避得過S.H.Figuarts或者King Arts嘅誘惑。啱啱喺外國網仲見到呢隻由Raymond Chow製成嘅LEGO版Hulkbuster,用咗兩星期,大概800塊LEGO砌成,喺LEGO Ideas比fans投緊票等量產,講精美度一定無之前提過嗰3隻咁勁,不過勝在夠搞笑,打開個裝甲入面居然係變形俠醫,喂,呢個敵人嚟架喎,做乜比佢潛入?

Read more ›
泰國神人神作 1:1絲模版變形俠醫

泰國神人神作 1:1絲模版變形俠醫

我一直都知泰國人整嘅螺絲鐵皮公仔好勁抽, 不過見到Ban-Hun-Lek製作嘅呢件, 我都真係嚇咗一嚇, 1:1變形俠醫, 幾個身位外, 真係真假難辨, 原來成個身都係用六角形絲模所造, 真係點得佢做出咁順滑嘅肌肉紋理呢吓!? 而且個表情仲要咁真!

Read more ›
Reebok超級英雄噴霧  Hulk/美國隊長做代言

Reebok超級英雄噴霧 Hulk/美國隊長做代言

夏天除咗帶嚟美腿,仲帶嚟汗水。運動品牌Reebok推出咗呢隻男士專用嘅身體噴霧,代言人唔係乜嘢靚仔或者運動員,而係男人最愛嘅Marvel英雄。有變形俠醫、Iron Man同埋美國隊長,佢哋平時運動量咁大,件盔甲咁焗都可以保持通疏,咪就係靠呢支噴霧囉,英雄都係男人,都會流汗。以上都係我估嘅潛台詞,有興趣體驗吓可以上網訂,一支$3美金左右。

Read more ›
正宗「花生友」     變形俠醫 / 狼人食住花生等睇戲

正宗「花生友」 變形俠醫 / 狼人食住花生等睇戲

「花生友」,一向用嚟形容嗰啲un un腳睇熱鬧嘅人,不過外國有個無聊友Steve Casino就真係用花生,整成一個個名乎其實嘅「花生友」。花生團隊包括變形俠醫、Superman、狼人、Michael Jordan、李小龍等等,佢話最耐要用10小時先完成一個作品,而且為咗令人知道係真花生,每次上色都會上剩背後位置,保留花生友嘅真面目。

Read more ›
最弱雞生物變強   海牛變超級英雄

最弱雞生物變強 海牛變超級英雄

自然科學堂,海牛(Manatees)係乜?我上網搵咗少少資料,佢樣貌有啲醜,行動緩慢,不過無攻擊性,係最無助嘅大型生物之一,慘。美國設計師Joel Micah Harris決定改造佢,將佢變成一班超級英雄,效果好正,第一次見倒Iron Man、蝙蝠俠、Wonder Woman、變形俠醫變成咁嘅尊容,睇完個人好開心,仲有少少鐘意咗海牛呢種動物。

Read more ›

復仇者 x 汽車品牌    Hulk變Honda勁夾

復仇者 x 汽車品牌 Hulk變Honda勁夾

有得諗喎!Hulk變形俠醫原來同汽車品牌Honda嘅logo又幾夾!外國網Etsy有賣家Geekerie設計咗一系列復仇者車系,玩盡Iron Man、雷神、Loki、黑寡婦、美國隊長等等,食返每個車牌嘅logo,睇落幾有心思。呢套設計仲有得賣,各個汽車品牌唔知有無興趣贊助返套《復仇者車王聯盟》呢?

Read more ›
Iron Man變形俠醫變大花臉    中國戲劇玩驚嚇

Iron Man變形俠醫變大花臉 中國戲劇玩驚嚇

呢幾個乜水嚟㗎?中國戲劇好興畫大花臉(臉譜),呢啲傳統中國嘢外國人最buy,外國設計師Jon Little最近就將Loki、美國隊長、Iron Man、變形俠醫、黑寡婦全部畫成大花臉,個人認為變形俠醫最襯最有霸氣,Loki就最似小丑。其實Iron Man都有中國版本,《復仇者聯盟2》不如都整返個花臉版,有得諗喎,不過照舊中國播得喇,唔駛預我。

Read more ›
終於來了   復仇者成人玩具   變形俠醫太露骨

終於來了 復仇者成人玩具 變形俠醫太露骨

要嚟嘅始終都要嚟,講嘅唔係尤特 (佢係要走始終要走),而係一套六款嘅復仇者性玩具,由外國設計師Balazs Sarmai諗出嚟嘅一式六款成人玩具,唔係官方授權,仲係概念階段,有齊美國隊長、Iron Man、雷神、鷹眼、黑寡婦,咦,得5款,仲有一款係咩?無錯,就係大家好期待嘅Hulk變形俠醫,佢的確好震憾,有12吋,由於太露骨,為免小朋友睇完發惡夢,編輯部商議後決定抽起,夠18歲嘅自己入去Balazs Sarmai網站發掘真相吧。

Read more ›
新片速報     恰眼瞓必睇    電影最刺激場面大集合

新片速報 恰眼瞓必睇 電影最刺激場面大集合

星期四返工由早到晚都係咁眼瞓,睇完呢條片應該好精神。由Vadzim Khudabets製作嘅ETERNA,影片將大量英雄電影最刺激嘅場面濃縮成6分鐘,由《超人》到《變形俠醫》到《雷神》到《戰狼300》到《變形金剛》到《蝙蝠俠》再到《美國隊長》,數都數唔完,重點係不停閃狂爆破刺激到暈,睇完合埋眼仲有死光出現,不過真係精神咗少少,尤其是一邊睇一邊影出自邊套電影,好忙。

Read more ›
英雄玩拼貼   超人/Batman漫畫變臉

英雄玩拼貼 超人/Batman漫畫變臉

Collage Art,大家細過都玩過嘅拼貼藝術,美國藝術家Mike Alcantara將佢發揚光大,利用Marvel同埋DC漫畫,拼貼成一個個嘅英雄人物,作品包括呢排好忙嘅超人、蝙蝠俠、變形俠醫、Wonder Woman等等,個人認為買幅掛喺屋企都幾有型,外國網Etsy有得賣,開價大約港幣$150一幅。

Read more ›

重口味Cosplay     女版復仇者聯盟睇到飽

重口味Cosplay 女版復仇者聯盟睇到飽

我知呢呢個女版變形俠醫好重口味,但係本住最緊要同大家分享嘅精神,我唔覺意睇倒,相信你都唔會介意陪我睇‥‥‥啩。出自外國人Hector Lopez手筆,佢最鐘意玩Body Painting同埋改圖,復仇者聯盟之中,變形俠醫最高難度最有挑戰性,點可以唔玩?網站HELOZ充斥大量重口味作品,飽呀喂呢次,得喇,BAM吖嘛。     網站:http://www.heloz.com/    

Read more ›
復仇者handmade頸鍊      忍者龜李小龍都有份

復仇者handmade頸鍊 忍者龜李小龍都有份

美國網店NerdFashion專賣動漫、遊戲角色嘅 人手製首飾,外國人最鐘意嘅復仇者聯盟當然有份,Iron Man、變形俠醫、美國隊長全部可以掛上身,而且係漫畫版唔係真人咁恐佈。除咗復仇者,連冷門嘅忍者龜都有份,仲有齊咁多個角色,估你唔倒。差啲唔記得,仲有外國人好鐘意嘅李小龍,不過好有廟街遊客手信feel。價錢方面,每條賣港幣HK$160,貴在每幅圖畫都要鑲入玻璃內,可以防水喎, 大汗都唔怕。

Read more ›
網圖分享 慘慘慘!超級英雄變民工!

網圖分享 慘慘慘!超級英雄變民工!

中國周圍都係基建,民工起樓打樁搭橋,險象百出,有人為兩餐,甚至要吊喺半空食飯盒,呢啲係真人真事,聞者心酸,見者未必流淚,但總令人扼腕嘆息。

Read more ›
英雄變喪屍  Ironman無忽好肉

英雄變喪屍 Ironman無忽好肉

Ironman比喪屍咬當然會變喪屍,咁變身後嘅變形俠醫呢?外國網友Santlov舖咗一輯Marvel英雄變喪屍嘅圖集,玩齊Ironman、美國隊長、雷神同變形俠醫,連冷門嘅X-Men隊友Wolverine都有份。英雄們唔止爛面,連身上盔甲都爛到一忽忽。最慘係斷咗手嘅雷神,以後連大槌都拎唔起,癈咗武功。至於變形俠醫就分別唔大,原來佢天生一副喪屍樣。

Read more ›