fbpx

Post Tagged with: "謝森龍異"

好好社企x謝森龍異月餅禮盒 過去+現在+未來三版本
by / on 28/09/2020 at 9:15 pm

好好社企x謝森龍異月餅禮盒 過去+現在+未來三版本

謝森龍異是個很有愛的人來的,今年佢為好好社企設計咗三個月餅禮盒,依綠黃紫三個主調色,創作過去、現在同未來三個版本。我呢,就比較鍾意未來版本,腳底噴火一飛衝天,半人半機械人造型好正,懸浮城市好Cyber feel。咁當然,最好三個版本都買晒喇。

Read more ›

網圖分享:李香蘭筆下的謝森龍異
by / on 03/09/2020 at 4:00 pm

網圖分享:李香蘭筆下的謝森龍異

插畫家李香蘭同擅畫喪屍嘅謝森龍異係好朋友來的,話說某Day二人閒聊,席間李香蘭捎來紙筆,即場來了一個謝森龍異速畫,並有留言曰:「遇上講嘢滔滔不絕的朋友,最啱就係趁佢哋發表偉論嗰陣,攞本畫簿畫低佢個樣。」就是如此這般,一個大叔化嘅謝森龍異就活現紙上了……嗯,諗真,其實用「大叔化」呢個Term唔係好精準,因為佢本身確係大叔,唔使「化」。但但但但但但,這個大叔雖然個樣惡啲,但卻非常彬彬有禮,好記得我參觀過佢喺Audi A4 Avant車身作畫嘅Artjam Project,席間同佢有講有笑,佢亦有問必答,誠大好人也。

Read more ›
誠徵一頁完恐怖漫畫 謝森龍異+曹志豪稿已交
by / on 26/08/2020 at 9:15 pm

誠徵一頁完恐怖漫畫 謝森龍異+曹志豪稿已交

Very fine呀喂,未停過呀喂,越來越多畫手參加《亞洲漫畫家一頁創作挑戰》,謝森龍異、曹志豪等都有交稿呀。多啲嚟密啲手,交多啲,再交多啲,咁之後嘅《亞洲漫畫家一頁創作挑戰》作品集先會大本啲。

Read more ›
R4AMBLE四子x小小菌 推出抗菌口罩紙套
by / on 29/07/2020 at 8:30 pm

R4AMBLE四子x小小菌 推出抗菌口罩紙套

肯肯定係舊畫來的,屬之前《R4MBLER–The Memory of Tomorrow》畫展嘅展畫,估唔到複印成銀離子抗菌口罩紙套套面,都一樣咁靚。此乃小小菌同R4AMBLE四位插畫家即Felix Ip、謝森龍異、CK Keung同Pen So合作推出嘅產品,聲稱採用歐洲銀離子(Ag+)嵌入式長效抗菌層技術,提供到最大限度嘅抗菌功用,即係中看中用囉,每套$66.68。雖然中用,但因為太中看,所以我會當精品儲。

Read more ›
《R4MBLER 1/2·Felix lp x Sam Tse──The Memory of Tomorrow》Zine開售
by / on 20/02/2020 at 10:15 pm

《R4MBLER 1/2·Felix lp x Sam Tse──The Memory of Tomorrow》Zine開售

買唔到之前獨一無二嘅手繪特別版,普通版都要入手嘅,《R4MBLER 1/2·Felix lp x Sam Tse──The Memory of Tomorrow》Zine正式開賣,每本$100,「至Goal Club」有售。我係Felix Ip同謝森龍異Fans,必買是也。

Read more ›
你派利是 謝森龍異+Pen So送財神Postcard
by / on 24/01/2020 at 10:00 am

你派利是 謝森龍異+Pen So送財神Postcard

之前報導過Pen So同謝森龍異會出席《白紙市集-香城年宵》,最新消息係佢哋會搞接財神活動,你派利是,佢哋會送番張財神Postcard畀你,攞番個好意頭都好呀喂。另,Pen So會出售內附籤文嘅庚子年如意吉祥明信片,明信片每張$30,籤文分凶、吉、小吉、中吉同大吉,咁唔好彩……又或者應該話咁好彩抽中「凶」,Pen So會畫番幅靚畫幫你催吉避凶,又係過癮啫。

Read more ›

去《白紙市集-香城年宵》 同Pen So+謝森龍異吹水拜年
by / on 20/01/2020 at 9:00 pm

去《白紙市集-香城年宵》 同Pen So+謝森龍異吹水拜年

年初一至年初四大家都應該逗唔少利是,咁有Extra錢喺袋咯,梗要諗辦法使減啲喇。推介大家一逛《白紙市集-香城年宵》,事關Pen So同謝森龍異到時會擺攤Sell嘢,大家可以落去同佢哋吹吓水拜個年,有乜Product買?出埋價目表,有新有舊,大家多多支持喇喂。

Read more ›
格子辦《庚子年賀年市集》 畫揮春+新Product發佈
by / on 07/01/2020 at 9:30 am

格子辦《庚子年賀年市集》 畫揮春+新Product發佈

格子又搞市集喇,開心!喺過農曆年前嘅周六,CK Keung、Felix Ip、黎達達榮、Man僧、Pen So、Tubbyfellow、小豆丁漫畫、草日、貧友呀將同謝森龍異會出席《庚子年賀年市集》,到時會有新書同新精品開賣,揀啱邊樣買邊有喇。And,為應節,特備寫……吖,唔係,係畫揮春活動,不過講明先,由於係畫,畫嘢要時間同成本,所以畫揮春係要收費架。入場會送限定貼紙一張,少少心意不成敬意咁喇,大家記得捧場喇。

Read more ›
索取港漫畫家簽名畫板加海洋明信片 手快有手慢無
by / on 01/01/2020 at 7:15 pm

索取港漫畫家簽名畫板加海洋明信片 手快有手慢無

喺馬來西亞舉辦嘅Comic Fiesta 2019圓滿結束,咁關香港動漫Fans乜事?都關架,事關鄺志德、曹志豪、葉偉青、謝森龍異、梁偉家同Nekori為是次交流活動,各自畫咗一幅簽名畫板,另加海洋出版社製作嘅明信片,依家統統都可以送畀大家。很想要吧?老例都係要幫手開心Share帖子、寫低點解想得到獎品嘅原因之類大路嘢,手快有手慢無,大家識做喇。

Read more ›
《R4MBLER 1/2·Felix lp x Sam Tse──The Memory of Tomorrow》Zine手繪封面版開訂
by / on 30/12/2019 at 9:00 pm

《R4MBLER 1/2·Felix lp x Sam Tse──The Memory of Tomorrow》Zine手繪封面版開訂

好得很呀,Felix Ip是個值得敬愛的找數真漢子,之前佢話過喺馬來西亞Comic Fiesta推出嘅《R4MBLER 1/2·Felix lp x Sam Tse──The Memory of Tomorrow》Zine會預埋香港人一份,家陣兌現承諾喇。除咗會喺1月中舉行嘅格子市場公開發售普通版外($100),依家仲可以預訂手繪雙封面特別版($1000)。Felix同謝森龍異手畫唔使多介紹嘞啩,限量50本,正嘢,大家要搶呀。

Read more ›
過吉隆坡出畫集《R4MBLER 1/2·Felix lp + Sam Tse──The Memory of Tomorrow》 香港遲啲有得賣
by / on 16/12/2019 at 9:15 pm

過吉隆坡出畫集《R4MBLER 1/2·Felix lp + Sam Tse──The Memory of Tomorrow》 香港遲啲有得賣

話說,R4MBLER四子之二嘅Felix Ip同謝森龍異,呢個禮拜尾會過吉隆坡雙子塔,參加Malaysia Comic Fiesta 2019,同場會發售《R4MBLER 1/2·Felix lp + Sam Tse──The Memory of Tomorrow》。咁問題嚟嘞,香港Fans有無得買先?有關方面話之後有續售詳情,Felix Ip仲補多句「香港人……當然一定會照顧香港人的!」咁大家Including me,可以放心了。

Read more ›

R4MBLER Artjam again 日本武士圖拭目以待
by / on 08/10/2019 at 9:30 am

R4MBLER Artjam again 日本武士圖拭目以待

仲記唔記得約半年前R4MBLER四子一齊喺Audi A4 Avant實體車身作畫?呢類Artjam可一也可再,謝森龍異、CK Keung、Felix Ip同Pen So呢期又合作畫咗一幅日本武士大圖。佢哋都好識吊人癮吓,各自喺自己面書出Post,各自登自己畫嗰部份,而終極完成圖同詳細展出資料,暫時欠奉,希望到時會推出番張超大紀念海報喇。真心Mode,拭目以待x100000。

Read more ›
《古惑仔》封面倪匡題字 下期謝森龍異出場
by / on 07/10/2019 at 6:19 pm

《古惑仔》封面倪匡題字 下期謝森龍異出場

真心Mode,正到核爆,真係要買。今期第2276期《古惑仔》封面高質到一個點,強烈建議牛佬印製成海報或Postcard公開售賣。由於太潦草,倪匡題嘅最尾三粒潦草字未必人人睇得明,而牛佬亦親自解畫──「江湖巨人陳浩南,百戰百勝非等閒」。另,下期封面呢,終於輪到我極Like嘅謝森龍異出場,佢畫嘅係大飛,件貼身衫圖案花呢碌,請用心睇,大家睇到乜?,係獅鳥呀喂!

Read more ›
謝森龍異動漫節擺Booth 必入娜姐章仔
by / on 25/07/2019 at 9:49 pm

謝森龍異動漫節擺Booth 必入娜姐章仔

喺呢張相裡面,謝森龍異戙企動漫節2019攤位面前,大家覺得佢型唔型仔?Fine,欣賞完型仔,入正題,有乜Product賣?一,黑白稿襯血紅專色嘅複製原稿;二,《不是人間》黑白稿明信片;三,《異戰》原稿明信片;四,章仔,有娜姐版同喪屍版。好鬼死正呀喂,全部都我想擁有呀喂。

Read more ›
故事繪本合集《鬥恐怖》 謝森龍異畫插畫
by / on 04/07/2019 at 10:00 pm

故事繪本合集《鬥恐怖》 謝森龍異畫插畫

今年書展,「創造館」會推出一本短篇故事繪本合集《鬥恐怖》。小說部份,由史兄、三聯幫牟中三、馬菲、陳四月、何晞賢、一樹同余兒負責,有真人真事、以訛傳訛、道聽塗說等靈異鬼故事,可以慢慢煲。插畫方面,由謝森龍異繪畫,佢手畫唔使多介紹喇,我必買Item。

Read more ›