【感人】中國肌肉萎縮症學生 同學3年來揹上學

好感人!最近網上熱傳呢件發生喺中國嘅感人事蹟,呢兩日外國網同日本網都紛紛報導。張弛係一位19歲嘅內地學生,不幸患咗肌肉萎縮症,3年前入江蘇徐州市大許中學識咗好同學謝旭,兩人無親無故,但係每日謝旭都會揹住90斤重嘅張弛返學放學、落飯堂食早餐、去廁所、上堂,3年嚟風雨不改,每日進出十幾次。件事由央視以專題#背上的兄弟#報導,網民都被呢件事感動,日本網民仲話佢哋當中好有愛。好人好事,的確值得分享。最厲害係佢哋兩個3年嚟嘅成績都好好,高中生活即將結束,不過我估張弛會永遠記得人生路上有過呢個好巴打。

Read more ›