Post Tagged with: "謝志榮"

謝志榮《魔天輪》開訂 大聖悟空版水壺要撐
by / on 19/03/2019 at 4:15 pm

謝志榮《魔天輪》開訂 大聖悟空版水壺要撐

謝志榮《魔天輪》已經付印,並公開咗部份原稿畀大家睇睇,據佢透露,原來每賣一本佢只有$7落袋,噢!報酬咁少都堅持創作,淨係呢份心機都值得大家支持吓呢位資深港漫人,有興趣直接PM佢落訂喇。另,佢聯乘龍華酒店推出大聖悟空獨有版數碼運動水壺,聽講既可測試戶外水雜質,又可配合手機app使用……不過於我,呢啲功能統統唔係重點,壺身隻大聖悟空畫得確係靚,呢個先係抵撐嘅真正原因。

Read more ›

謝志榮《鬼妝》 至Goal Club返書有售
by / on 22/10/2018 at 9:30 pm

謝志榮《鬼妝》 至Goal Club返書有售

謝志榮復刻作《鬼妝》聽講口碑同銷情都唔錯,之前無去「收藏家港漫專區」參加發佈會嘅朋友,可以去「至Goal Club」補書,全部有親筆簽名,一期完,每本$20。

Read more ›
謝志榮派《鬼妝》 水墨畫真跡公諸同好
by / on 09/10/2018 at 7:13 pm

謝志榮派《鬼妝》 水墨畫真跡公諸同好

面書朋友仔謝志榮好勤力,花心力完成《鬼妝》嘅同時,仲可以經常喺面書Post水墨畫公諸同好,厲害呀。剛剛佢又喺面書Post咗一幅靚靚水墨畫嘞,我覺得係咁多幅之中最靚嘅一幅。而喺10月13日,佢會駐場「收藏家港漫專區」,向已訂購《鬼妝》嘅讀者派發新書,仲話會帶埋呢幅真跡上去添。有得睇原畫,又係開心啫。

Read more ›
撐謝志榮《鬼妝》 認購夠100本即印
by / on 21/08/2018 at 12:54 pm

撐謝志榮《鬼妝》 認購夠100本即印

支持港漫,唔係空喊口號嘅,得大把口講無用,實際課金先係王道。機會嚟喇,謝志榮推出《鬼妝》,港式黑白薄裝漫畫,每本$20。鬼古,希望你同我都一樣咁Like。佢喺面書講到明:「這裡的認購數量達一百本,立即付印。」大家識做喇,仲唔快啲PM佢?

Read more ›
上官小威《金漫畫》第七至九期開訂
by / on 12/03/2018 at 8:57 pm

上官小威《金漫畫》第七至九期開訂

由上官小威扯頭纜,馬榮成、馮志明同謝志榮編繪嘅《金漫畫》出到第七至九期出版,今次玩贈品版,限100套,送第一、二、三、八期貼紙同《馬榮成漫畫作品回顧》小冊子,售$98。「收藏家港漫專區」開訂,要搶。

Read more ›
謝志榮想出水墨畫集 一人一句留言鼓勵唔該
by / on 27/02/2018 at 1:39 pm

謝志榮想出水墨畫集 一人一句留言鼓勵唔該

無聊瀏覽面書,睇到謝志榮幾日前出咗個Post,講佢有一個新年小願望,願望係2018年出一本個人水墨畫集,但因成本問題,心底裡十五十六,猶豫未決,原文係咁:「……早在兩年前開始計劃,邊學邊做,直至有兩位本地資深出版界人士,異口同聲的勸說:『高風險!』他們一個是書籍發行社倉務主管,一位是書刊總編輯,深知甚麼書買得與不買得。因此,這不是一般人能承擔的事情,莫問回報地投放心力和金錢。但是…連李志清和阮大勇老師都為我寫了序,只怕未能夠壓止自己這個任性的…..願望!」怕乜?我去過畫展睇過謝志榮水墨真跡,手畫絕對見得人喎!我自己就好Like嘞;任性?想做唔做,先係大遺憾呀。既然序都寫埋咯,點解唔出書呢?喺面書做足宣傳先決定印數得唔得?眾籌又點睇?Fine,不如我哋一齊留言畀謝志榮,一人一句鼓勵吓佢喇。咁當然,如果真係出得成書,大家記得實際課金支持喎,真心Mode,努力加油呀。

Read more ›

久違了的港漫畫風 畀掌聲謝志榮唔該
by / on 15/06/2017 at 9:45 pm

久違了的港漫畫風 畀掌聲謝志榮唔該

睇完今期復刻《龍虎門》,尤其覺得謝志榮「呢種港式畫風,係幾代承傳下來的精華」呢句說話好啱,Feel就係Feel,Mood就係Mood,始終八九十年嘅港漫畫風先係我杯茶,先有真正睇公仔書嘅快感。於此,謝志榮作畫一幅,喺面書留言曰:「用至簡單的線條,精煉的筆法,便很好看,新一代忘本土,追日韓,但守土有責下,我想天天抽兩小時來畫。」兼問有無Fans鍾意呢種畫風,有的話就落墨加線;結果係留言支持者眾,謝志榮亦找數完成畫作……「守土有責」,嗯,忽然覺得呢四個字好型!

Read more ›
網圖分享:《迷離世界》出雙特別版 港漫人贈畫
by / on 13/06/2017 at 8:22 pm

網圖分享:《迷離世界》出雙特別版 港漫人贈畫

勁呀喂,我諗連上官小威都估唔到群情咁洶湧,一話推出各限量100本迷你金版同魔幻金版《迷離世界》啫,三兩日時間200本已經差唔多落晒訂,確實可喜可賀。仲心思思諗緊撐唔撐場?唔知睇完四方八面嘅港漫人賀圖,會唔會增加你購買慾?係,連馬榮成都撥冗贈畫,足見上官小威江湖地位。

Read more ›
網圖分享:港漫人出圖 賀阮大勇奪專業精神獎
by / on 10/04/2017 at 9:32 pm

網圖分享:港漫人出圖 賀阮大勇奪專業精神獎

好耐無試過仆番屋企睇電視,擒晚我就雞咁腳仆番屋企睇第36屆香港電影金像獎直播,好彩,仲趕得切睇到阮大勇喺許冠文手上接過專業精神獎。阮大勇致詞嗰陣有少少口窒窒,好可愛呀,睇到我笑咗出嚟,哈哈,佢話寧願畫多兩張畫都唔想講咁多嘢,呢點我信呀!點都好,阮大勇攞呢個獎係實至名歸嘅,依家我哋一齊睇賀圖,順便畀多幾聲掌聲喇。

Read more ›
網圖分享:《老夫子》王家禧離世 港漫人出圖悼念
by / on 04/01/2017 at 6:30 pm

網圖分享:《老夫子》王家禧離世 港漫人出圖悼念

呢兩日全香港都論談《老夫子》,王家禧離世,睇怕好多香港人都好Sad,今日《想入非非──老夫子漫畫作品展》Last day,我估動漫基地肯定逼爆人,都不失為送別老王澤嘅最後心意。港漫人出圖悼念,新畫舊畫贈畫有齊,大家慢慢緬懷吓呢個畫壇巨匠喇。

Read more ›
等到頸都長!上官小威《畫出彩虹四十年》開訂!
by / on 22/12/2016 at 9:00 pm

等到頸都長!上官小威《畫出彩虹四十年》開訂!

講咗N年,等到頸都長,上官小威巨著《畫出彩虹四十年》終於開訂,封面參考上官小威、馮志明、黃國興、謝志榮同馬榮成一張舊合照而成,好有心思。特別珍藏版分白金版同黑金版兩款,各售$250,各送紙畫板同明信片四張,各限量100本,如果一次過買齊兩個版本,送多你一張海報兼抽獎機會,至於係乜禮物就暫時未知。如果單買是但一本,科多$40可以換購紀念水晶畫板一幅,都係限量100幅。至於普通版,每本售$120包四張明信片,報告完畢。

Read more ›

《漫畫賓治2》12月3日出版 課金支持唔好得個講字
by / on 30/11/2016 at 10:30 am

《漫畫賓治2》12月3日出版 課金支持唔好得個講字

都係嗰句,支持港漫唔係得個講字,要用實際行動,即係課金,難得有班有心人搞興個市,我哋係咪好應該擺低$88以示鼓勵呢。且看12月3日出版嘅《漫畫賓治2》陣容──陸志明、鄭少現、陳明、Yas、上官小威、上官小洪、張萬有、甘小文、謝志榮、少傑、鄧本邦、黃書慶、梁偉家、金城、郭小峰、Ah Wah、Cody、Joe Wong、李紅劍、周蔭龍、小魚毛等等,唔敢話個個都識,唔敢話個個手畫都啱你睇,但拎上手嗰種沉甸甸手感,正正係實體書先畀到你嘅睇公仔書味道。唔使諗,撐喇,好睇嘅,追買番第一期都唔過份。

Read more ›
謝志榮新作《屍嚇隧道》幫手按讚唔該
by / on 12/10/2016 at 6:30 pm

謝志榮新作《屍嚇隧道》幫手按讚唔該

謝志榮有新搞作,最新作品有《屍嚇隧道》,不過唔係實體書,而係電子版,雖然未有確切推出日期,但佢已經喺面書釋出部份稿件,並加以旁白,簡單介紹咗古仔講乜,都係講喪屍圍攻下人性的體現之類喇。我係喪屍迷,必撐!謝志榮埋尾有以下呼籲:「即將強勢登場,支持作者很簡單,請讀者按讚留言並分享出去!」撐港漫嘅你,會唔會幫手按個讚支持吓?

Read more ›
網圖分享:謝志榮的水墨版梁山好漢
by / on 26/09/2016 at 10:00 pm

網圖分享:謝志榮的水墨版梁山好漢

施耐庵《水滸傳》好唔好睇?梗係好睇喇,我細細個已經追通宵喇;司徒劍僑改編過成漫畫,叫《一零八》,唔只畫功,連故事亦係上乘之作。無端端點解發起呢個話題?事關資深漫畫家謝志榮,喺面書發佈咗七個水墨版梁山好漢,如果無睇錯的話,應該係畫咗行者武松、神行太保戴宗、青面獸楊志、小李廣花榮、豹子頭林沖、九紋龍史進同花和尚魯智深。水墨配一百零八個好漢,感覺係零舍夾嘅,雖然未知謝志榮有乜新搞作,但有好畫欣賞,亦港漫迷之福也。支持,加油,最後畫晒一百零八個好漢,等你呀謝志榮!

Read more ›
網圖分享:猴年伊始 港漫人新年賀圖
by / on 08/02/2016 at 2:48 am

網圖分享:猴年伊始 港漫人新年賀圖

今Day係猴年第一Day,大家逗咗幾錢利是呀?新年應份開開心心,睇完港漫人嘅新年賀圖相信會更加開心,排名不分先後,828 Style、黃國興、梁偉家、廖光祖、馬龍、崔成安、曾月泉、謝志榮、馮志明、李志清、鄧本邦、白水齊齊同大家拜年,本網站仝人都祝大家身體健身、生活愉快、龍馬精神、橫財就手,恭喜恭喜。

Read more ›