Tag: 課室

【新片速報】日本自信的肥仔 課室跳舞表演Twitter熱傳

【新片速報】日本自信的肥仔 課室跳舞表演Twitter熱傳

要做一個自信嘅肥仔,首先要有好強嘅表演慾,日本呢個肥仔同學就做到嘞!呢段片喺Twitter熱傳,肥仔同學親身表演點樣肥得嚟充滿動感。即興跳舞嘅佢唔止節奏感超強,睇落仲好輕盈,動作夠晒高難度,後面狂笑嘅同學仔相信都未必做得到。BTW,佢專登開胸嘅造型都為佢加咗唔少分。

Read more ›

【新片速報】課室枱底裝運動單車 非常教師絕招幫學生放電

小朋友有無窮精力,要佢哋坐定定上堂唔郁其實好難。外國教師Bethany Lambeth就諗到喺同學仔嘅枱底裝部健身單車,等佢哋上堂嘅時候踩住放電。佢話成效好顯著,以前佢哋會邊上堂邊擰嚟擰去搞事,而家就好專注聽老師講書。同學仔接受訪問時就話:「我係好好動嘅人,呢個裝置用晒我啲精力。」(考試有無拎100分?) 據知朝早10點前佢哋已經踩咗5.5英里,燃燒咗133卡路里,我好懷疑佢哋食完晏之後會全部瞓晒。

Read more ›

【有片】筆袋入面有條‥‥‥蕉?! 日本課室影片twitter熱傳

大家有無試過帶錯嘢返學校?我試過袋咗個電視遙控入書包,上上吓堂拎錯咗出嚟。日本呢個學生仲勁,當佢打開個筆袋嘅時候,居然發然入面有條蕉!坐佢隔籬嗰位同學笑到腰都彎埋,老師聽到笑聲忍唔住問,佢就自己忍住笑講出嚟,最後連老師都忍唔住笑埋一份,睇嚟佢屋企應該有個好曳嘅細佬妹或者好鬼馬嘅媽咪。

Read more ›

有片:上堂恰眼訓?滅火筒侍候!

想當年上堂恰眼訓?被罰抄「我以後上堂不會睡覺」100次屬家常便飯,被罰留堂已經叫做好大件事。時世變喇,依家唔單只學生哥曳咗,就連老師都暴躁咗,恰眼訓啫,都唔使隨手拎起個滅火筒就照頭噴架?話晒噴出嚟嘅係化學用品,噴入眼耳口鼻有害架,搞到成個課室煙霧瀰漫又何苦呢?有理由相信,呢個老師係嚴重躁底嘅。

Read more ›

日本情侶酒店相片曝光 電車/課室/迴旋木馬乜都有

日本都幾多新奇刺激嘅情侶酒店,除咗因為日本人嘅屋企普遍都比較細,出街玩可以試吓大啲嘅地方,另一個原因當然就係因為日本嘅情色文化博大精深。不過作為普通遊客,平時都無乜幾可去見識。外國攝影師Misty Keasler呢輯相就可以解開我哋心目中嘅疑團。佢嘅Love Hotels特集搜羅大量奇形怪狀日本情侶酒店,有鳥籠、課室、電車、Hello Kitty主題房甚至遊樂場嘅旋轉木馬,大開眼界呀。

Read more ›