Tag: 診所

牙醫診所都萌? 東京戶外廣告牌Twitter熱傳

牙醫診所都萌? 東京戶外廣告牌Twitter熱傳

日本人一向「萬物皆可萌」,包括牙醫診所。最近喺東京荻窪車站附近出現呢個廣告牌,大家以為有新動畫上映,其實佢係一間牙醫診所嘅廣告。搵咗動畫《KILL la KILL》負責角色設計嘅人氣設計師sushio_石崎壽夫親自設計,難怪個角色熟口熟面。網民嘅留言都好正面,有人話最憎睇牙醫,不過睇完呢個廣告想去參觀吓;有人話由今日開始唔刷牙,等自己可以去吓呢間牙醫診所,係咪媒嚟架?

Read more ›

日本曳貓偷飲麵豉湯 診所驗血好彩無事

日本曳貓偷飲麵豉湯 診所驗血好彩無事

病從口入,呢隻日本超萌嘅喵星人最近好曳,偷飲咗屋企煲入面全部味噌湯!之後主人即刻帶佢去做血液檢查。網民留言都幾擔心,話太高鹽份可能會令心臟負荷太重,貓貓嘅生命都會有危險。好彩啱啱主人匯報,喵星人嘅檢測報告正常,不過各位有養喵嘅記住要小心啲,特別係新年期間咁多正嘢食,記住要收好啲,以防俾佢哋成功偷食呀。

Read more ›

兒子定兄弟? 日本診所用老爺精子為新抱人工受孕

日本最近有單新聞喺2ch引起熱烈討論,話說長野縣一個婦產科學術研究會公佈最新數字,當地嘅一間專治不育嘅診所,喺過去20年成功為114對不育夫婦進行人工受孕,173個嬰兒順利出世,由於丈夫無足夠精子,呢啲夫婦都係以生父爸爸嘅精子進行體外受精,然後再移植到妻子嘅子宮內。日本網民紛紛留言:「好噁心」、「生出嚟嘅就變咗同父異母嘅兄弟」、「根本就係想要家族接班人」、「好似AV入面嘅情節。」不過亦有人留言力撐:「親人嘅DNA總比陌生人好。」BTW,你接唔接受到?留意返張配圖係2014年嘅新聞截圖嚟嘅。

Read more ›

東京牙科診所變女僕齒科 「主人,剝唔剝牙?」

怕睇牙醫,無論洗牙定剝牙,要全程擘大個口,比啲儀器撬撬撬,諗起都毛管戙!不過如果牙科醫生係女僕造型會唔會輕鬆啲?呢間位於東京新宿嘅牙科醫院,標榜係女僕齒科,無論醫生、助手、護士都係全套女僕服上陣,院長話係從女僕cafe度攞靈感,咁唔知職員會唔會改口嗌病人做「主人」呢?BTW,睇多兩張相,發現個女僕棚牙似乎有啲唔齊同埋黃黃哋,有啲趕客喎。

Read more ›