新片速報 吳剛燒衣版《相逢何必曾相識》惡搞再惡搞

蔣志光喺電視將首歌發揚光大,惡搞之中再出現惡搞,英皇今次攞死人嚟玩。呢首吳剛師父燒衣版之《相逢何必曾相識》又真係幾好笑,連金橋、紙紮公仔等紙紮品都出動埋,成首歌又表達到完完整整一個鬼古,算係高質素惡搞之作。有幾個亮點,一,吳剛師父青春如昔,真係唔覺佢有乜點老,耍拳舞棍依然有心有力;二,吳麗珠好老吓,確係有啲鬼魂Feel;三,阿女主唱許靖韻非常雞仔聲,個樣好似泳兒,個下爬咁尖唔知有無整容呢?四,阿男主唱張致恆,即係以前英皇Boy’z成員之一嘅Steven,成個人佬咗好多,發福唔少;五,對白搞笑,最頂癮係吳麗珠吩咐吳剛燒三千萬像八核心手提電話,吳剛多口一問:「小姐,咁高科技,佢識用架喇?」吳麗珠咁答:「你幫我燒埋說明書!」呢個Gag,我笑得出。

Read more ›