Tag: 討論

日本7-11便當發現「假蛋黃」   遇熱即溶網民熱烈討論

日本7-11便當發現「假蛋黃」 遇熱即溶網民熱烈討論

有無諗過平時喺日本便利店買到嘅便當,入面嘅蛋黃竟然唔係真蛋嚟?日本Twitter最近熱烈討論緊呢個話題,有網民做咗個測試,將「假蛋黃」放上煎pan加熱,好快佢就會溶解成液體狀!好多網民都表示震驚。原來為咗安全健康或者可以放入微波爐加熱,便利店嘅便當好多都會用「假蛋黃」,而專出BB蛋黃醬嘅公司Kewpie都有出產呢種產品,至於「假蛋黃」嘅成份方面都幾豐富,包括有葡萄糖漿、植物油、鹽、蛋清蛋白、色素等等。

Read more ›

日本「地圖蛋糕」網民熱烈討論   北海道/栃木縣神還原

日本「地圖蛋糕」網民熱烈討論 北海道/栃木縣神還原

呢款蛋糕最近喺日本Twitter好多人談論,佢用咗日本不同地方嘅地圖作為主要圖案,樓主話左邊嘅北海道超似,不過睇埋右邊嘅栃木縣,其實真係神還原,之後唔少網民貼埋其他城市,好有鄉土情懷,入嚟有得睇。

Read more ›
日本「鐵路時間表」原來用Excel整 網民熱烈討論

日本「鐵路時間表」原來用Excel整 網民熱烈討論

每次去日本搭鐵路列車或者巴士,都會見到呢啲時間表,不過最近有日本網民發現,原來佢哋全部都係用Excel製成!事緣有日本網民發現「時刻表」左下角有個檔案名,類型係XLS,即係舊版Excel嘅檔案,好多網民知道後熱烈討論,大家都一直以為係由設計師設計,而唔係用咁簡單嘅文書工具製作。BTW,之後大家開始研究檔案名前嗰組數字,估嚟估去,最大可能應該係代表區域或者站名,入嚟可以慢慢研究吓。

Read more ›
日本Uniqlo「金正恩cosplay服」    網民熱烈討論

日本Uniqlo「金正恩cosplay服」 網民熱烈討論

喺Uniqlo經常都搵到正嘢,最近日本網民熱烈討論嘅有呢套服裝,有人話著住佢可以cosplay金正恩,有人話似中國毛澤東,總之就好有共產主義色彩啦!不過著喺外國人身上又別有風味。BTW套衫其實可以分開上下半身買,仲有藍同黑色,外套賣6990円,條褲賣3990円,想cosplay可以買返套。

Read more ›
日本Coco咖喱店「腸仔飯」引發討論 網民:「似4隻動物飲緊水」

日本Coco咖喱店「腸仔飯」引發討論 網民:「似4隻動物飲緊水」

Coco咖喱香港都有分店,不過每次都係食基本嘅雞呀蛋包飯呀之類,呢款香腸咖喱飯真係無試過,我諗就好似我哋香港嘅「頹飯」啦。最近有日本網民喺Twitter發起討論,話呢個香腸飯就好似「四隻動物喺湖邊飲緊水」,仲有網民話好似沼澤入面有隻手伸出嚟求救咁。之後有網民發現咖喱茄子飯,其實好似咖喱倒入鋼琴度,聯想力好豐富。BTW,大家仲話腸仔咖喱飯其實幾好味,下次去開Coco可以挑戰吓。

Read more ›
加拿大警察當值飲Starbucks 日本網民熱烈討論

加拿大警察當值飲Starbucks 日本網民熱烈討論

如果喺街見到警察飲緊Starbucks咖啡,你會覺得點?對日本人嚟講,簡直係難以想像嘅事,因為返工時間飲啲古靈精怪嘢會被認為唔專業,所以佢哋出咁多透明奶茶、可樂,講返正題,咁呢個日本人喺加拿大旅行時,見到警察拎住杯咖啡就好震驚啦,忍唔住分享喺Twitter,仲引嚟好多留言。唔少人都話好奇怪,有人話咁會響咗佢哋應付突發事件嘅速度,不過大部份留言都好正面,有人話親民嘅形象令人放心啲問警察嘢,而且佢哋有時間去Starbucks買咖啡,即係證明治安好好吖。BTW,當日其實係Canada Day,警察見到呢位日本人影相,仲好開心咁同佢講:「Happy Canada Day!」

Read more ›

日本宮崎「立飲」有長腿     網民讚老闆聰明

日本宮崎「立飲」有長腿 網民讚老闆聰明

日本好興「立食」、「立飲」,即係企喺度食嘢飲酒,咁如果有日你經過「立飲」場地,見到咁嘅情景,你會點做?有日本網民放咗上Twitter,話喺宮崎見到呢間「立飲」場地,入面個女仔好似model咁又長腿又盛。網民睇完嘅反應好熱烈,有人話係看板娘,有人話老闆好聰明,專登放個女仔喺門口位引多啲人入嚟,有網民仲放咗張漫畫圖出嚟‥‥‥

Read more ›
日本網民熱烈討論 舉V字手勢影相會令指紋被盜

日本網民熱烈討論 舉V字手勢影相會令指紋被盜

好多人影相鐘意舉V字手勢,原來咁做好危險!日本最近有報導話做V字手勢影相時指紋有機會被盜用,就算離遠3米拍攝都有機會被讀取。被盜嘅話可能令提款咭、手機、電腦以至屋企門鎖都會被有機可乘。講到咁恐怖,日本網民又點睇?2ch好多人討論呢個話題,有人話:「好驚」、「變成可怕嘅時代」、「相機解像度太高嘞」、「反V手勢原來係高度安全手段」、 「呢個時代,原來太陽眼鏡同手套係必需裝備」,以後大家都係舉少啲V字手勢嘞。

Read more ›

日本網民討論普京秋田犬近照 「已經變得咁大隻!」

早幾日日本想送多隻秋田犬俾俄羅斯總統普京,可惜被拒絕,當地人民無玻璃心,啱啱仲喺2ch討論區放咗之前日本送俾普京嗰隻秋田犬嘅近照。原來無見一排,隻秋田犬已經變得超巨大,可能食開戰鬥民族嘅糧食,體格都更加符合返佢嘅身份。有網民留言話:「聽講企起身有170cm」、「秋田犬好可愛」、「不愧係大型犬」、「普京好鍾意狗啊」、「變得咁大隻,唔怪得之唔需要第二隻啦」。之後有人放埋普京同其他狗狗嘅合照,個樣勁有愛心,唔怪得之個個都想送狗俾佢啦。

Read more ›

橋本環奈定中條彩未可愛啲? 日本網民熱烈討論

嘩!呢個問題會引起好大爭議喎,日本有網民喺2ch開咗個討論,問大家橋本環奈定中條彩未 (中条あやみ) 可愛啲,今次唔係再講咩萬年一遇,著眼點係「可愛」。總結兩邊都有支持者,不過負面評價方面,有人嫌中條彩未個嘴好醜,亦有人話橋本環奈塊面好大,仲有人留言話:「如果計同性間受歡迎程度,中條彩未應該會有壓倒性嘅勝利。」補充多句,中條彩未係日本嘅演員同模特兒,隸屬TENCARAT旗下,今年19歲,大橋本環奈兩歲,其實都幾可愛嘅,不過計可愛我都係揀橋本環奈。入嚟有大量相可以回顧。

Read more ›

【討論】女朋友「肥肥哋」接唔接受到? 日本網民放圖測試

鍾唔鍾意女朋友肥肥哋有啲肉?肥到乜嘢程度可以接受?日本網民最近放咗呢幾張相上網,問大家接唔接受到呢種程度有肉地嘅女朋友?網民嘅留言好正,例如:「我女朋友肥佢一倍」、「唔好講笑,呢種體型我最鍾意」、「感覺上除咗衫後會係熊嘅身型」。BTW,其實呢個女仔係村上友梨,之前出過寫真,仲幾性感吓,又唔算好大隻,個樣仲好可愛,入嚟有多啲相睇。

Read more ›

日本網民熱烈討論 「東京迫滿人嘅電車有幾恐怖?」

去日本旅行嘅時候,千祈唔好揀返工時間搭電車,因為迫嘅程度絕對係世界級,甚至繁忙時段有員工專門推人入車廂。有網民喺2ch開咗個帖討論「東京迫滿人嘅電車有幾恐怖?」,大家紛紛留言:「呼吸唔到」、「成個人浮起」、「俾大叔夾到飄起」、「現代版奴隸船」,當然都有人講衰嘢啦,例如話「同女高中生親密接觸對方都唔會嬲」之類啦。原來喺世界車站「每年乘座量」排名入面,頭23位都係日本嘅車站,去到第24位先到巴黎北站,呢方面日本絕對係世界級。

Read more ›