Tag: 訂購

日本網民訂購Pokemon「伊貝」公仔 送到似死屍

日本網民訂購Pokemon「伊貝」公仔 送到似死屍

Pokemon嘅伊貝好可愛好多人鍾意,有日本網民就喺amazon訂咗隻公仔返嚟,伊貝安詳咁瞓緊覺無乜特別,不過送到嚟嘅時候,由於用保鮮紙真空包裝,加上紮得好實同埋放喺個紙箱入面,樓主話覺得好似伊貝死咗咁‥‥‥

Read more ›

【飄浮不是夢】高科技滑板真‧飄浮 港幣15萬玩3分鐘

一見到呢塊浮板即時諗起電影《回到未來》嘅磁浮滑板。外國公司最近公佈咗呢塊ArcaBoard,睇片見真係可以企喺上面浮起,不過就唔係磁浮,據官網介紹,呢塊板可以負重最高243磅,最高時速20km/h,仲可以用手機操作。塊板入面裝咗36個電動函道式風扇(Ducted fan),最高推力去到200kgf,仲內建埋防震,而且聲稱好安全,穩過石頭,不過價值就係鑽石級數,賣美金$19900,即係港幣15萬左右,可以買架私家車喎,而且塊板每次只可以玩3-6分鐘,可以企上去淥過杯麵。

Read more ›

【超正】蛋黃哥滑溜電話殼 摸住body傾電話

最近全城談論蛋黃哥,朗豪坊日日迫爆人,影完相仲可以去買埋精品,而且貨量都幾齊,可惜唔見呢個iPhone 6殼(4.7吋)吖。呢個殼唔係最新,不過啱啱喺日本網見到,最重要係仲有貨!白色嘅米粒上面攤咗個hea到爆嘅蛋黃哥,而且蛋黃又光又亮,好有質感,同佢個pat pat一樣。另外,講電話時仲可以揸住蛋黃哥個body,嗚呀!淨係咁都值得買啦。價錢3400円,有無朋友住日本可以幫幫手?

Read more ›

假肌肉衫網上有得賣 24個款式呎吋顏色任揀

  科技越發達,男、女、真、假越難分,之前報導過專比偽娘著嘅女性緊身衣,外國就有呢款全套嘅肌肉衫賣,勁在有超過24款設計,乜嘢顏色款式都有,瘦仔扮筋肉人都無問題,買件紅色又可以扮蜘蛛俠、灰色又可以扮蝙蝠俠,佢哋即將推出超級英雄系列,我最想都係扮Hulk變形俠醫,但似乎要食返多啲嘢,谷肥返自己先得。價錢唔平,由美金750至3500不等,平過請健身教練少少。

Read more ›

紙箱人2015賀年版 「賀正」網上有得買

聖誕假話咁快又過完,返工嘅梗係將目光放返喺新年,仲有幾日唧,好快到。紙箱人新一年都繼續好勤力搵錢,啱啱又公佈有新款推出,今次係2015賀年特別版,紙箱人塊面大大隻「賀正」嘅字款,至於左下角嘅「未」字,因為2015年係未年[ひつじ],背面仲有好多我睇唔明嘅日本賀年句。同上年嘅「迎春」款擺埋一齊,新年氣氛湧晒出嚟。售價1600円,而家有得買喇!

Read more ›

強國出手 「百度眼」明挑Google Glass機

出手喇!Google有Google Glass智能眼鏡,強國都有百度眼Baidu Eye!內地搜尋網「百度」最近宣佈推出呢件新科技產品,全球關注,首先令人即時聯想起Google Glass,不過百度眼就無鏡片,而且係後戴式掛喺後腦。暫時價格未定,預計半年後上市。最勁功能係號稱可以隔空辨物,例如見到對面街個女仔,望住佢件衫伸手凌空畫個圈,就可以分析對方件衫嘅品牌或者得知相關優惠,再喺手機App上顯示,仲有即時導航、影相等功能,最正係想影相要講嘅指令,係「Hi Baidu」,點解唔講國語?我睇唔透。

Read more ›

日本cute爆芝士相機 開價港幣$100「Say Cheese!」

日本人影相好興講:「Say Cheers!」因為講「Cheers」時就會自不然露牙笑(我估),以前好多人聽錯以為佢講芝士「Say Cheese!」。將錯就錯,日本有公司推出咗呢部芝士相機「CHOBi CAM Cheese」,擺明玩諧音,外型好似卡通片老鼠最鐘意偷食嗰嚿芝士,勁cute。功能方面,可以影相、拍片同埋錄音,呎吋1.8×1.2吋重16克,有內置LED燈同埋可以有SD咭slot,日本amazon有得賣,開價1280円,為返港紙100蚊左右,有無人想團購?

Read more ›

日本枝豆製冰器 逐粒唧入口

去親日本居酒屋都必嗌枝豆,一排三粒青bb青豆,最啱一邊食一邊飲燒酒。通常枝豆都係用手指逐粒豆唧入口食,諗起都爽!如果你都係同好,呢個枝豆製冰器有無令你有衝動想買個返屋企?每次可以雪三粒大圓球冰,飲時用手逐粒唧出嚟,好有食枝豆嘅神髓,而且據講呢啲枝豆冰比起一般冰粒溶化速度慢八成,賣英磅10蚊一排,即係港幣約$130,不過運費都要成10英磅,有無枝豆迷想一齊團購?

Read more ›

有片 叉電最高境界 超薄無線叉住型

手機尿袋人人都有幾個,但係無線叉電嘅尿袋我真心想要,無他,型囉。講返正經嘢,呢個叫Slimo嘅無線叉電器,型在超薄,只要喺機背貼一塊0.4mm厚嘅貼紙,之後放上佢哋嘅叉座上就可以無線叉電,最正係你唔駛再棄用BB豬送嘅Gundam機殼,因為除咗鋁製殼用唔倒之外,其餘都可以超樣通電。喺辦公室、私人座駕(如果你唔需要依賴公共交通工具)、屋企都可以無線叉電,實在係叉電嘅最高境界!不過只限iPhone、iPad、iPod,唉,又無我份! 

Read more ›

Kitty乘TAMIYA特別版figure 貓咪收兵新策略

Hello Kitty出名鐘意聯(亂)乘,不過之前同超合金嘅合作好多人大讚,仲吸引倒唔少玩具迷,可能見反應好,最近佢又宣佈同專出玩具模型嘅TAMIYA合作收兵。除咗拎住TAMIYA工具箱,仲有件TAMIYA衫著住,玩具迷睇落應該好有親切感。至於佢嘅蝴蝶仔都搞搞花臣,變成TAMIYA嘅招牌紅白藍三色,好有野心。身高60mm,今年5月15日開賣,售價2300円。

Read more ›

土豪睇中HTC One 聖誕再推黃金版

iPhone5s同Samsung S4都有出金色電話,之前英國HTC都出咗全球只得5部,開價歐羅£2750嘅黃金版HTC One,可能市場真係有好多土豪,好渴市,最近美國HTC又宣佈推出24K金版本HTC One,賣美金$2500,即係大約港幣2萬蚊左右,外國網記者拎咗上手玩,話比起iPhone5S嘅金色版再閃啲,HTC仲計劃今個月喺芬蘭同埋歐洲地方推出金色版本,但係,金色真係咁靚咩?我睇唔透。

Read more ›

紙箱人出新尿袋 雙眼發光識變色

紙箱人我無特別偏好,不過之前出嗰個尿袋據聞賣得勁好,叉電期間流汗嘅標誌見到會忍唔住笑。好消息,最新官方公佈會出迷你版,嫌之前10400mAh拎出街太大嚿可以考慮新款。迷你版最吸引嘅地方係對眼識變色發光,電力充足時會著黃燈,得返半條命時會變橙,唔夠電就變紅,好得意。不過細嚿咗電力都弱咗,行6000mAh,夠叉iPhone大約2.5次,amazon有得訂,開價4340円,買嚟做聖誕禮物fit晒。

Read more ›

獵奇發明 狗仔抺地四腳拖

天下間最殘忍嘅事莫過於此,不嬲狗仔都唔鍾意著鞋,但係主人要帶你出街怕你整污糟,唯有硬食啦。點知而家喺屋企都要著鞋,點解?因為可以幫手抹地囉!呢款叫Pet Sweep嘅設計,老實講我覺得好有創意亦好實用,賣美金$8真係好抵,但係隻狗仔真係好可憐。下次賴尿?自己抹返囉!

Read more ›