fbpx

Tag: 言葉之庭

【有片】《你的名字》日本今晚播 新海誠證實《言葉之庭》角色出過鏡

【有片】《你的名字》日本今晚播 新海誠證實《言葉之庭》角色出過鏡

啱啱頭先日本時間9點,《你的名字(君の名は。)》首次喺日本電視台播放,咁新海誠監督播之前就喺Twitter話,雖然有啲唔合理,不過其實喺《你的名字。》入面,係有《言葉之庭(言の葉の庭)》角色過鏡嘅。之前上映時都好多人話一開始嘅主角嗰位老師係《言葉之庭》入面嘅「雪野百香里」,連聲優都係花澤香菜,不過睇番年份其實都冇乜可能,咁今次呢?新海誠老師自己出嚟證實,唔係老師,係學生「秋月孝雄」呀,播之前叫人留意,啱啱播完喇,佢都直接出片俾答案。

Read more ›

16/9一週碟報價: 星空奇遇贏九條街 餓港產必買盲探

16/9一週碟報價: 星空奇遇贏九條街 餓港產必買盲探

    今個星新碟有《星空奇遇記:黑域時空》一隻擔頭, 聲畫故事都冇嘢好講, 排今個星期熱賣榜首位! 原本《大亨小傳》都係好戲, 不過港產好片大家都餓咗好耐, 所以俾劉華同鄭秀文呢對票房最強組合, 用《盲探》趕了個BD熱賣榜次席(大佬! 仲有杜琪峯同韋家輝喎!), 而《大》只能守住第三位!

Read more ›
終於推出 行版藍光《言葉之庭》今日推出《Evangelion新劇場版Q》下周四  特典係Memo

終於推出 行版藍光《言葉之庭》今日推出《Evangelion新劇場版Q》下周四 特典係Memo

之前報導過呢兩隻BD會出,點知官方延咗期,搞到《言葉之庭》要今日先見街,而《EVA新劇場版:Q》就要下周四(19日)先出。呢兩套我都有入場睇,兩套都要翻睇,仲要儲。雖然,已經有日版喺手,但係《言葉之庭》得簡體字幕,而且o依家行版送16頁電影特刊都係賣$169(DVD $119),唔買實在對唔住雪野小姐;至於《Evangelion新劇場版:Q》特別版藍光就$249(DVD $189),有綾波麗八達通卡套同54頁電影特刊,之前講話港版獨有嘅封入特典,係「EVA 3.33 Memo pad」,唉。不過算啦,送啫。

Read more ›
25/8一週碟報價:《天煞逆緣》科幻浪漫繼續吸吮《言葉之庭》《Q》下周到貨

25/8一週碟報價:《天煞逆緣》科幻浪漫繼續吸吮《言葉之庭》《Q》下周到貨

  今個星期新碟出得幾平均! 新BD大部份都係較二線戲, 《天煞逆緣》挾着《吸血新世紀》作者史提芬妮梅爾Stephenie Meyer之勢, 今次唔玩吸血鬼, 改行科幻浪漫; 老實! 我對呢條友冇乜好感, 講故仔超慢版, 喜歡嘅繼續Enjoy啦!

Read more ›
新片速報〈言ノ葉〉新海誠剪輯MV 睇完想再睇

新片速報〈言ノ葉〉新海誠剪輯MV 睇完想再睇

雖然唔係我最愛嘅主題曲〈Rain〉,但呢首都係秦基博唱嘅〈言ノ葉〉,都一樣有陣感動。呢條由新海誠Director’s Cut嘅短版MV,剪輯咗《言葉之庭》嘅動畫片段入去,睇完我又想買碟再翻睇。未睇呢套動畫嘅,睇完呢條MV頭半段,都應該會有興趣睇番。

Read more ›
超靚景回憶《言葉之庭》實景逐格睇 餐廳推出「言葉」蛋包飯

超靚景回憶《言葉之庭》實景逐格睇 餐廳推出「言葉」蛋包飯

今年過咗一半有多,《言葉之庭(言の葉の庭)》絕對值得我瞓身推介。新海誠繼麻麻哋嘅《追逐繁星的孩子》之後,回歸《秒速五厘米》嘅城市浪漫風格,淨係聽秦基博翻唱首〈Rain〉(1988年大江千里主唱,入嚟有得聽,好有風味)配預告已經冇得輸,睇埋套動畫直情可以無限Loop。動畫入面男女主角邂逅嘅新宿御苑小亭,原來實景有個煙灰缸冇咗;之後入口、木椅、池景全部跟到足!仲有新宿街頭、JR站、男女主角部手提電話……就連雪野百香里(CV:花澤香菜)送俾秋月孝雄(CV:入野自由)本書都係真有其書!入嚟睇大量對比圖。最後講多少少,日本仲有餐廳推出咗言葉之庭套餐,就係孝雄整嘅蛋包飯,而飛唔到去日本朝聖嘅都可以上Google Map去新宿御苑行吓,入到去o架!

Read more ›

【編輯Blog】Reika:端午節食棕之反智問題

【編輯Blog】Reika:端午節食棕之反智問題

雖然今日係星期日,但係我無平日嘅鬱悶感,因為返多兩日工就係端午節,又可以放假!印象中,端午節只係一個放假約朋友仔去街嘅日子,為咗慶祝,今日我親手煮咗個棕比自己食!

Read more ›
速報!新海誠《言葉之庭》港日同步 5/31上映!

速報!新海誠《言葉之庭》港日同步 5/31上映!

《秒速五厘米》呢套都市浪漫動畫,冇搧情冇末日但感動人心,雖然之後套《追逐繁星的孩子》麻麻,但導演新海誠再次回歸愛情故事嘅《言葉之庭》都好令人期待!好消息係官方啱啱宣佈呢套動畫會喺5月31日同日本同步上映!MCL已經開始會員優先購票,仲未睇條預告片就即刻入嚟睇,故事講夢想做鞋匠嘅15歲高中生タカオ,喺兩天遇到27歲女主角ユキノ,喺雨天嘅偶遇,促成一段動人故事!女主角聲優係花澤香菜!男主角入野自由,聽埋首主題曲—泰基博嘅〈Rain〉,冇錯啦!

Read more ›