fbpx

Tag: 親筆畫

Felix Ip《香港重機》講座 買書送埋親筆畫

Felix Ip《香港重機》講座 買書送埋親筆畫

信我,我買咗,兼睇咗,Felix Ip《香港重機》真係好正的。未買,又心郁郁想買的話;又或買咗,想搵Felix Ip簽名合照的話,呢個禮拜勞煩出老尖一趟。屆時Felix Ip會喺老尖誠品書店出現,開講座分享畫集創作過程,唔好同佢客氣,買完書屈Felix Ip畫親筆畫喇,佢份人勁Nice,九成九應承。

Read more ›

有獎問答遊戲 葉明發送《嗱喳俠》親筆畫

有獎問答遊戲 葉明發送《嗱喳俠》親筆畫

唔廢話,想講你知有著數,葉明發送出《嗱喳俠》親筆畫三大幅,只要答啱問題即有機會中獎,問題係:「《嗱喳俠》結局篇最後一頁,出現咗幾多位野士Hero?」有買書嘅一定識得答,我都有買書,所以我知答案係……都係等大家自己諗喇。記住,截止日期8月8日23:59pm,中獎者要帶埋《嗱喳俠》去「野士創工」領獎,明白未?

Read more ›
網圖分享:Cuson親筆畫相贈 讀者感動喊出嚟

網圖分享:Cuson親筆畫相贈 讀者感動喊出嚟

書展曲終人散,成績如何都好,好多有份出書嘅港漫人,都喺面書登同讀者嘅合照或寫感謝文,識睇梗係睇留言,勉勵之言彼彼皆是,令人相當開心鼓舞,惟獨Cuson面書卻滲出淡淡哀愁。事緣Cuson作四格漫畫一幅,交代有讀者買書要求親筆畫,將自己同娘親畫埋入書,因為娘親喺醫院長唞,唔可以出嚟行書展,講講吓該讀者仲感動到喊埋出嚟添,搞到Cuson都好Sad,只好邊安慰邊用心畫。呢啲咪人間有情囉,Cuson心地好,抵佢娶個靚靚老婆,所話千其唔好睇小一幅畫,簡單一幅畫足以帶畀人好多正能量,相信該讀者之娘親見到親筆畫會好開心,祝佢早日康復。

Read more ›
福龍撐神木真一《關。海。山》 親筆畫加持畫異獸蝠㡣

福龍撐神木真一《關。海。山》 親筆畫加持畫異獸蝠㡣

唔講大話,神木真一嘅神木新派婦女劇場《關。海。山》,我好似睇到頭二三回就停咗,唔關好唔好睇事,係因為網絡世界實在太多嘢睇,一時Miss咗就無再追落去。家陣故事已經去到第十四回,作者更得邱福龍青睞,幫小說創造咗一隻最強異獸蝠㡣,得福龍親筆畫加持,神木真一應該好開心,而作為福龍迷嘅我和你和他,應該好羨慕。神木真一,我決定從頭追看一次,努力加油呀。

Read more ›
牛佬賀《古惑仔》2000期送Tee+親筆畫 街市勇吹雞打老邊

牛佬賀《古惑仔》2000期送Tee+親筆畫 街市勇吹雞打老邊

2000期!一本漫畫可以出到2000期確係唔簡單,《古惑仔》為慶祝呢個里程碑,決定由新任俱樂部會長街市勇扯頭纜,搞番個打老邊Party,名額60人,暫時已經有17人報名,想同牛佬影相、想同倫裕國隊酒、想結識街市勇真人、想同靚女九尾狐Say個Hi(中堅會員!估計必到!),唔該擺低$380。牛佬講到明到時要手持第2000期《古惑仔》方可入場,估計係要大家幫幫手擺Pose,一人拎住一本公仔書影番張超級無敵大合照喇喂。有嘢食,有古惑啤飲,仲有獎抽,獎品係全新《古惑仔》Tee同倫裕國親筆畫板,到時一定全場High爆,家陣諗吓都興奮呀。

Read more ›
漫畫星光大道週年同樂日 主筆親筆畫板曝光

漫畫星光大道週年同樂日 主筆親筆畫板曝光

之前介紹過「香港漫畫星光大道週年同樂日」喺呢個禮拜六舉行,大家有無興趣?個心仲係十五十六?依家黄玉郎、馬榮成、邱福龍、阮大勇、李志清、鄺彬強、馬星原、Cuson、陳某、黃國興、鄧達軒等主筆親筆畫曝光,會唔會吸引力大增?唔只我你他等港漫迷,就連雪晴都話:「粒粒巨星……阮生嗰張我都好想抽中…想要」,我呢,就最鍾意邱福龍嗰張嘞。

Read more ›

人間繼續有情主筆繼續賜畫 Eric Ng送蒸糕畀長者

人間繼續有情主筆繼續賜畫 Eric Ng送蒸糕畀長者

上次介紹過嗰間「兩合特色餐廳」掛咗好多港漫主筆親筆畫,大家有無去朝聖?我覺得真係有必要去一趟,拜會吓老闆Eric Ng都好。Eric Ng真係大大好人一個,蒸賀年糕免費送畀長者呢啲好人好事,好應份傳千里,最新又有六位港漫人賜畫畀佢製作賀年糕盒面喇,連邱福龍都有份……唔係吹水,雖然啲糕唔係送畀我,但人間有情,刻下心頭確實一暖,有啲感動。

Read more ›
好人好事送蒸糕畀長者 Eric Ng搵港漫主筆設計盒面

好人好事送蒸糕畀長者 Eric Ng搵港漫主筆設計盒面

好人好事好值得表揚,好人,Eric Ng是也;好事,送賀年糕畀長者中心也。「兩合特色餐廳」老闆Eric Ng識落一班港漫界朋友,餐廳掛咗好多主筆親筆畫,平時有唔少港漫人打躉開餐,而每年農曆新年,老闆都會送各式蒸糕畀老人家,盒面仲搵主筆設計繪圖添。帶挈我哋有靚畫睇,要讚;呢份無私愛心,正正係依家香港最最最最最必須嘅,更加要讚。行開嗰頭,當朝聖又好,當表揚吓Eric Ng又好,入去幫襯入番杯咖啡喇。

Read more ›
好葡萄!港漫人賀會長生日贈畫!張萬有送老祖宗親筆畫!

好葡萄!港漫人賀會長生日贈畫!張萬有送老祖宗親筆畫!

又係無聊瀏覽面書,方知Dark Club會長Kent Chu早幾日牛一,戥完佢開心,即時好葡萄!事關佢得到好多港漫人眷顧,收親筆畫收到手軟,佢仲特登咗一幅同張萬有嘅合照出嚟添。但見張萬有唔係求其撩兩筆交行貨,筆觸構圖完全表達到天下無敵老祖宗嗰種殺性回歸嘅猖狂霸氣,如果我都有一幅就好咯。Anyway,本網站謹祝Kent Chu生日快樂,身體健康,日日有畫板收,恭喜恭喜。

Read more ›
咁賤都得?冒充水斌親筆畫拎去賣?

咁賤都得?冒充水斌親筆畫拎去賣?

瀏覽面書,忽見黃水斌出Post,附兩張畫作,一聶風一步驚雲,並留言曰:「在網上看到的,此君無相神功確有一手,可惜簽名就…………」嘩!有人模仿佢畫風兼冒充簽名,此舉有可動機?唔通誠如讀者Yuk Fai Yeung所講:「既然畫到咁,係咪又攞出去呃錢?」如果真有其事,咁就真係乖乖不得了,扮主筆親筆畫拎去賣,真係賤到無人有!不過我相信都幾難呃到人,一,誠如水斌所言,簽名唔似,筆跡呢家嘢,根本點「無相」都「無相」唔嚟;二,畫作徒具其形,無其神髓,步驚雲一幅都尚可,聶風一幅線條唔夠綿密,透視都有啲錯,個眼罩畫得古古怪怪咁,畫功同水斌起碼差兩班。等錢使呢家嘢我梗係明,親筆畫有市有價我都明,但真係唔該唔好渾水摸魚囉,尊重吓主筆們好唔好?

Read more ›
Cuson現身朗豪坊 買化妝品送親筆畫

Cuson現身朗豪坊 買化妝品送親筆畫

Cuson係幾值得人羨慕嘅,娶到個靚靚港女老婆CaCa,本身又係個出色漫畫家,出漫畫辦畫展,百足咁多爪,越撈越掂,家陣連美容產品都有本事聯乘埋一份。聽日,Cuson會喺旺角朗豪坊打躉,為頭50個去Bioderma Pop-up store幫襯Beauty Box Set嘅靚女畫親筆畫。Fine,男人老狗唔恨美容產品,但你女友或者恨呢,個甚麼Beauty Box Set三舊幾水唔算貴,連埋獨一無二親筆畫送畀女友,諗得過喎。

Read more ›

牛佬送畫 Post相呃Like最多者勝

牛佬送畫 Post相呃Like最多者勝

牛佬又有禮送喇,今次送牛佬x倫裕國x邱志加電腦彩稿親筆畫。參加辦法好簡單,四要影低周六出版嘅《古惑仔》復刻珍藏本同緊接周一嘅《古惑仔》三日刊,上載到「古惑仔合訂本」面書專頁,加多幾隻字同牛佬打打氣就得嘞。邊個張相呃到最多Like,邊個就有獎,喂唔係求其送張「紙」畀你架,係切切實實一幅畫,送埋畫框,好有誠意架。得獎名額有三個,一連玩三個禮拜,第一張送嘅畫係立花正仁,仲唔快快影相掟上網,Call埋班Friend喪Like你?

Read more ›
免費攞《灰人Hea記》親筆畫

免費攞《灰人Hea記》親筆畫

有無睇面書專頁「漫畫人生摩麼歌」?裡面嘅香港原創漫畫《灰人Hea記》不經不覺已經畫咗100記,為慶祝呢個里程碑,作者話手痕送親筆畫俾讀者喎,留個言就有得送架嘞。

Read more ›
港漫畫家揮毫 親筆畫賀聖誕

港漫畫家揮毫 親筆畫賀聖誕

今日係聖誕節,普世歡騰,應份開開心心過,有何不如意事請唔該掟埋一邊,笑埋今日先算。香港漫畫家們都好有心,畫親筆畫掟上面書,祝大家聖誕快樂。

Read more ›
賀《天下無敵》 有主筆親筆畫睇

賀《天下無敵》 有主筆親筆畫睇

《天下無敵》第四期隨書附送〈渡漫賀刊號〉,都係嗰句啦,我始終唔明《天下無敵》有無嘢值得慶賀。銷量標升不過唔講得?商業秘密?阿大渡舵手,係唔怕講喎。

Read more ›