Tag: 西遊

超勁!鳥山明畫日版海報 強撐周星馳《西遊.降魔篇》

超勁!鳥山明畫日版海報 強撐周星馳《西遊.降魔篇》

香港電視啲電影台都播到爛,但係日本就11月先有得睇。周星馳套《西遊.降魔篇》有悟空,咁日本邊位大師最熟悟空,梗係《龍珠》嘅鳥山明!之前已經公開寫咗篇影評狂讚話係銀河系最強娛樂片,原來仲有合作,就係佢幫呢套戲畫咗張日版嘅海報!BTW,唔知佢知唔知電影尾段一幕,嗰陣俾日本人狂話抄遊戲《阿修羅之怒》呢?

Read more ›

鳥山明狂讚!《西遊 降魔篇》11月日本上映

鳥山明狂讚!《西遊 降魔篇》11月日本上映

我哋睇咗好耐啦,不過日本11月先有得睇,就係周星馳嘅《西遊 降魔篇》。早排星爺拍咗條日本預告片,今次就係《龍珠》原作者鳥山明好俾面,寫咗長篇影評狂讚呢套戲,仲話係銀河最強嘅娛樂片。但係,唔知佢有冇睇到嗰陣話尾段CG抄日本遊戲《阿修羅之怒》嘅報道呢?

Read more ›
西遊降魔篇出咗^^ 俾錢喇喂!

西遊降魔篇出咗^^ 俾錢喇喂!

  正晒! 今日放工一定要行碟舖, 因為《西遊降魔篇》BD同DVD已經出咗喇! 我知! 好多人話套戲係炒冷飯, 不過我都想評吓理; 想當年《長江7號》時, 幾多影評、路邊二手影評家講過, 寧願佢炒冷飯都唔好改戲路, 當日講過呢句說話嘅唔該先收嗲; 第二樣嘢, 套戲其實堅好笑, 點解睇戲時要自己咁多包袱, 同自己講邊場邊個位睇過呢!? 其實佢係前傳性質, 有少少相類位, 同修車工人有個士叭拿喺後尾袋一樣, 都係好正常啫, 最緊要係笑位多, 同佢係星爺嘅戲囉!

Read more ›

飯後醒神系列: 復旦大學入學面試 考西遊記有幾多隻妖?

    又係星期一, 最憎要返工! 你係、我都係! 大家無心戀戰? 不如玩個IQ題; 來源大有來頭, 係來自復旦大學入學面試, 舊年已經非常爆, 竟然問《西遊記》裡面, 究竟如來佛祖大? 定玉皇大帝大? 我覺得佢應該係星爺影迷; 今年新挑戰題係《西遊記》內有幾多隻妖怪? 學生反問:「豬八戒同孫悟空算唔算!?」答:「唔算!」學生問:「我數唔清, 可唔可以列舉?」對答至此結束, 絕對係10分Hi Auntie題目

Read more ›
新片速報 終於有得睇星爺《西遊 降魔篇》製作花絮

新片速報 終於有得睇星爺《西遊 降魔篇》製作花絮

周星馳套《西遊 降魔篇》冇周星馳,好多親戚朋友都話唔想睇。係,我都係。之但係,套戲冇佢啫,製作特輯有喎!呢條最新片係製作花絮嘅導演篇,加埋之前嗰條花絮、預告,雖然我又好似有番少少想睇,但你明唔明,就算係你度嘅笑位,唔係由你自己演繹都爭好遠呀!

Read more ›
新片速報《西遊‧降魔篇》港版預告曝光 小豬舒琪下月到港

新片速報《西遊‧降魔篇》港版預告曝光 小豬舒琪下月到港

周星馳嘅作品,但係冇周星馳做主角……老實講上次玩小朋友玩特技我都麻麻地,不過都有星爺親身演出就點都要撐,今次?啱啱有港版預告片同海報加多兩張官方劇照曝光,係阿舒琪飾演嘅捉妖女俠同文章演嘅唐三藏,香港2月7日上映,下個月兩主角舒琪同羅志祥小豬都會嚟宣傳。本來諗住冇乜興趣睇嘅我,睇完段預告,特技勁勁哋,又想想哋入場喎!  

Read more ›

兩款海報現身 農曆年睇周星馳《西遊‧降魔篇》

兩款海報現身 農曆年睇周星馳《西遊‧降魔篇》

周星馳,我成日見,每逢喺收費電視電影台見到有唐伯父呀、九品芝麻官呀、少林足球呀、凌凌漆呀,我都會翻睇或翻聽一次……終於,繼08年令我好失望嘅《長江七號》之後,佢套《西遊‧降魔篇》今日開發佈會,啱啱有兩張初版海報出,以佢嘅作品《西遊記》前傳故事為基礎,大陸農曆年上映,斷估香港都同期。到底周星馳會出幾多鏡呢?網上好多傳言,真係未明朗。

Read more ›