Tag: 西瓜

有片:迫擊砲爆西瓜 超強殺傷力似爆頭

悶悶哋不如又睇吓Slow motion片,今次玩迫擊砲爆西瓜,方法係先喺西瓜鑿個大窿,之後成碌迫擊砲放入去,點燃,五四三二一,嘭!西瓜炸個四分五裂,紅彤彤連汁帶皮炸到九離遠。喺慢鏡頭下,西瓜爆開一剎有啲似異形,而又唔知點解,呢個畫面令我諗起王小虎嘅裂頭腳……啲西瓜肉,有啲似腦漿。

Read more ›

有片:100呎高掟落街 西瓜保唔住iPhone

用Lego喇、熊公仔喇、冰塊喇,包住iPhone由100呎高掟落街,iPhone都可以安然無恙,無穿無爛撻得著。今次試用西瓜,方法係喺西瓜表皮鑿個長方形窿窿,硬生生塞部iPhone入去,然後掟落街。以為包到實一實就無事?非也,iPhone無散開,完好無缺但撻唔著,估計係震散咗內部零件,加上西瓜汁滲晒入機累事。

Read more ›

有片:激射!西瓜箍橡筋!爆開打爆吊燈!

西瓜箍N條橡筋,箍到西瓜硬生生爆開,呢類短片唔係未睇過,但好似片中兩位小朋友咁玩到出事,連吊燈都打爆埋,咁就真係第一次見。原來西瓜爆開一剎那係咁有殺傷力嘅,爆開嘅西瓜殼可以直衝天花板,力度足以打爆吊燈,如果不幸硬食一記顏射的話,塊面唔知會變成點呢?

Read more ›

有片:連皮成個食!河馬食西瓜似吞藥丸

獅子老虎都未必夠河馬打,初頭唔信,睇完呢條片我信嘞。河馬食西瓜原來係成個隊入口嘅,唔使分開幾啖食,一啖連皮咬,上下顎一閂,西瓜應聲爆開,成嘴西瓜汁。最搞笑嘅係,河馬吞西瓜好似人食藥丸咁,岳高頭,伸長頸,吞入肚,成個過程我諗唔使五秒,好恐怖!

Read more ›

有片:點解嘅?點解西瓜可以剝「殼」嘅?

係囉,點解嘅?照計西瓜只有皮,沒有殼,何來剝「殼」呢?又點解剝完殼之後,成個西瓜好似隻雞蛋咁可以完完整整攞出嚟?說穿了,不過係把戲一場,方法係預備兩個大細差唔多嘅西瓜,西瓜A都從中折半,預先挖晒兩邊西瓜肉出嚟,西瓜B就原個用刀去皮,再用砂紙磨滑西瓜肉,之後就將西瓜B原個塞番入西瓜A,成壇嘢就係咁簡單,足夠哄小朋友開心。無聊?生活小情小趣,又唔使勁花費,玩完仲有得食,我好Buy喎。

Read more ›

【不附合國情】西瓜唔甜報警求助 內地女人遇「善良」公安

呢件事好詭異,仲有少少造假嘅感覺。件事發生喺8月7日,不過啱啱喺日本2ch網好多人討論。事緣中國南京有個女人喺街市買咗個西瓜,返到屋企切嚟食發覺個西瓜並唔係甜嘅,於是就返去街市發爛渣要求退貨,咁店主梗係拒絕啦,個女人仲唔收手決定報警。公安嚟到連人帶瓜送返差館,仲食返件西瓜重組案情添,最後發覺個西瓜真係唔甜喎,為咗化解矛盾,公安居然決定買咗個西瓜!日本網民就話:「個西瓜無爆炸嘅?」、「呢個公安太甜了!」、「咁我隻DVD發現唔夠色情可唔可以退貨?」、「所有登場人物都唔係幾正常。」我都有同感,造假機會好高。

Read more ›

【1小時內預訂】日本西瓜年輪蛋糕回歸 樂天網站長期NO.1

  呢個西瓜年輪蛋糕好像真,上年日本一出已經有電視介紹,而且極速賣晒,仲高踞樂天商店嘅第1位,超人氣。今年夏天終於再度限定推出,不過要8月1日早上11點上網預訂,而且只限1小時,好巴閉。每個賣2268円,表面睇佢係一個西瓜,切開之後會發現,紅色嘅部份係西瓜味嘅慕思,一粒粒嘅朱古力碎就扮西瓜籽,有試過嘅人話唔止外形似西瓜,切開食會發現味道仲非常之好,我都好想試呀!

Read more ›

西瓜pizza引起爭議 早餐食pizza是常識

早兩日介紹過菲律賓KFC嘅炸雞pizza,諗起都肚餓,啱啱喺外國網Imgur就見到呢個西瓜pizza,清清涼涼幾健康,其實只係西瓜切成三角形,上面舖上雜果同灑咗少少芝士,對於大魚大肉慣嘅鬼佬嚟講當然睇唔過眼,馬上平反話呢個「唔配叫pizza」,然後就貼佢心目中嘅pizza ─ 芝士拉晒絲茄汁舖滿批面,睇相啲口水都滴晒出嚟,佢仲話早餐食pizza先係皇道,好多網民支持佢,睇得出樓主對pizza好執著好堅持,我好欣賞佢!

Read more ›

【有片】大彎刀斬西瓜 最精彩表演YouTube熱播

條片係低清咗少少,只得58秒,但好快已經過百萬點擊,因為實在太好笑。事緣有個長頭髮嘅鬼佬好有興致拎咗屋企把大彎刀嚟斬西瓜,仲搵埋一對情侶嚟睇佢表演。一切準備就緒,睇佢有啲猶豫有啲驚青,最後一刀劈落去!勁精彩,我唔劇透自己入去睇啦!

Read more ›

【雪條合體】日本網民自創冰西瓜 Twitter瘋狂RT

夏天食西瓜最爽,如果係冰西瓜就更加爽。呢個日本網民@ARuFa_FARu自創嘅冰西瓜喺Twitter被瘋狂RT,15小時已經過咗16000個RT,因為佢係由15支西瓜雪條合併而成嘅!佢仲話呢個係佢嘅長年夢想,而家終於可以完成嘞。但係15支雪條,你係咪一次過食得晒架?實肚屙喎!

Read more ›
新片速報 橡筋箍爆西瓜 不要玩食物!

新片速報 橡筋箍爆西瓜 不要玩食物!

係,係浪費食物,我都唔主張大家玩。咁既然自己唔好玩,睇囉。早兩年「The Slow Mo Guys」都拍過,就係用好多條橡筋箍爆個西瓜,最近又有人玩,拍咗條「Rubber Watermelon Trick」,如果撇除浪費食物呢樣嘢,其實幾刺激。

Read more ›

新片速報    喵星人西瓜當睡枕   自創消暑大法

新片速報 喵星人西瓜當睡枕 自創消暑大法

幾時都話喵星人識嘆,天時暑熱,除咗淋冰水(sorry我又抽水),仲可以嘆西瓜消暑。喵星人唔識拎刀劈西瓜,但識得當佢係枕頭瞓上去感受涼浸浸嘅快感。呢隻叫TyaTora嘅日本喵,將主人嘅西瓜當枕頭,睇片見佢瞓得堅冧,喂,做乜偷影人喎?

Read more ›
【有片】考刀法 夏天咁樣切西瓜

【有片】考刀法 夏天咁樣切西瓜

夏天食冰凍西瓜係人生大享受,大家平時嘅習慣係點?切一片片?半個用匙羹?或者你可以試吓用呢招。

Read more ›

人間悲劇 日本古惑西瓜網民中招

夏日炎炎,有乜爽得過喺屋企開住個冷氣嘆西瓜。不過日本有個人就好唔係幾好彩,買咗個西瓜返屋企切開先發現入面喺咁 ─ 紅色嘅西瓜肉只得中間直徑8cm左右嘅圓圈位,枉佢捧住返屋住,諗起都心酸。呢張相放上Twitter後當然引起一班網友嘅恥笑,有人仲滿有惡意咁安慰佢話:「似乎甜味會特別集中。」

Read more ›

雕西瓜神人 西瓜殼當頭盔

呢幾日出街熱到熔,最爽莫過於返到屋企開行冷氣食西瓜!之前介紹過日本有神人好叻雕西瓜,估唔倒外國都有,而且青出於藍。呢位雕兄Clive Cooper擁有神一般嘅技能,由2010年起雕西瓜雕到而家,勁在識活用西瓜殼以至西瓜內皮,造出不同層次效果,可惜西瓜唔放得耐,雕完就要快食。除咗西瓜,佢仲鍾意雕南瓜,興趣好奇特,入去佢官網有得慢慢欣賞。

Read more ›