Post Tagged with: "西班牙"

玩完《Pokémon Go》嘆返杯    比卡超甜甜圈呃like一流
by / on 27/07/2016 at 7:14 am

玩完《Pokémon Go》嘆返杯 比卡超甜甜圈呃like一流

《Pokémon Go》令到商機處處,除咗好多人加大數據用量、商場舖頭狂「撒花」吸客之外,美國加州呢間專賣西班牙甜甜圈嘅店舖The Loop都多咗好多客人。佢哋用呢種西班牙條狀麵食Churros加工,變成比卡超頭箍,最近仲設計咗款雪糕,拎住佢就算唔食,用嚟影相啱like都有賺呀!

Read more ›

有片:GoPro裡的極限單車 超強技術跳屋頂
by / on 15/12/2015 at 10:00 pm

有片:GoPro裡的極限單車 超強技術跳屋頂

藍天白雲,五顏六色嘅小屋排得密密麻麻,路窄彎多,人都唔見多個,呢度係渡假勝地西班牙夢幻小島大加那利島(Gran Canaria)。喺小島上面,有人頭笠GoPro玩極限單車,喺主觀鏡頭裡面,見單車前轆上後轆落、左擺尾右抽頭、時靜止時加速,跳樓級過花槽屬等閒事,最厲害係跳高檯飛越小屋,屋頂過屋頂如覆平地,有膽識有技術,最後仲要跳崖直插入水添,勁呀。

Read more ›
【人體奧妙】超現實肢體排列 寄生獸出沒注意
by / on 01/11/2015 at 5:05 pm

【人體奧妙】超現實肢體排列 寄生獸出沒注意

藝術嘅嘢唔係咁易明,呢輯相我睇到嘩嘩聲,有幾張仲睇到毛管楝,不過呢,都好有觀賞價值嘅。呢輯超現實作品出自只得24歲嘅西班牙藝術家Ángela Burón手筆,將人體四肢重新排列,有幾張仲好有《寄生獸》感覺,入去佢嘅flickr有更多作品,好重口味,但真心正。

Read more ›
網圖分享:暴力色情超現實 Joan Cornella超Cult漫畫
by / on 26/10/2015 at 9:00 pm

網圖分享:暴力色情超現實 Joan Cornella超Cult漫畫

是日推介西班牙插畫師Joan Cornella嘅超短篇漫畫,有單格、四格、六格,特 點係──一,美其名畫風有強烈個人風格,實情線條同構圖都過份簡單,簡單到 有啲求其,二,唔知點解,人物全部有眼無珠,表情個個都差不多,好詭異吓; 三,顏色好鮮艷,對比好強烈,整體嚟講好吸睛;四,超Cult,Cult到近乎睇唔 明,有血腥,有暴力,有色情,另加大量黑色幽默,帶強烈諷刺意味;五,無對 白,想像空間無限大,Get到乜嘢訊息,睇你造化;六,無厘頭,故事完全唔依 照常理,好超現實……唔知大家啱唔啱睇?我就幾Like嘞。

Read more ›
【暴走】有片 巨型紅波展覽館前吹走    瘋狂碌勁危險
by / on 23/08/2015 at 1:07 pm

【暴走】有片 巨型紅波展覽館前吹走 瘋狂碌勁危險

展覽品有時真係要小心看管,否則好易搞出人命。外國設計師Kurt Perschke呢個15尺高嘅紅色巨型膠波已經去過好多世界各地展覽,之前都去過台北,最近就去到西班牙嘅托雷多,不過就發生意外,仲未入展覽館喺門口安置緊嘅時候,突然一陣怪風,加上看守嘅人唔小心,個波就開始碌碌碌暴走,咁啱有人喺高處拍咗片,睇片見到個波向下坡道不停碌,仲輾過一架停泊緊嘅車,好彩條街當時無途人,否則比佢碌親都幾危險。BTW,之前個紅波去台北玩嘅影片都幾好睇,入嚟有回帶。

Read more ›
有片 12位超級英雄出動 探訪兒童病院
by / on 08/11/2014 at 1:49 pm

有片 12位超級英雄出動 探訪兒童病院

之前報導過有位cosplay成蜘蛛俠嘅叔叔,去兒童病院扮抹落地玻璃窗氹病童,最近又有呢隊喺西班牙Toledo嘅SWAT team出動,今次仲集齊所有超級英雄,坐埋直昇機出動,好大陣仗!今次係趁萬聖節送驚喜比Promedica Toledo兒童醫院嘅小朋友,Iron Man、變形俠醫、美國隊長、蜘蛛俠,足足12個英雄出動,引到班小朋友個個哈哈笑,cosplay都可以好有意義!香港cosplayer不妨都試吓吖。

Read more ›

有片   防瞓著安全帶   長途車司機必裝
by / on 27/07/2014 at 10:12 am

有片 防瞓著安全帶 長途車司機必裝

星期日好多假日車出街,駕駛人士要加倍小心。不過講到危險,點都唔夠揸揸吓車恰著咗咁危。西班牙嘅Biomechanics Institute發明咗個叫Harken嘅特製安全帶連椅套,可以隨時檢查住司機嘅心跳同呼吸系統,當偵測到司機準備瞓著,就會作出提醒,啱晒揸長途車嘅司機。我覺得揸入機場嘅巴士應該每部都裝返個。

Read more ›
GIF圖都有世界級比賽? 藝術品有裸女是常識
by / on 20/06/2014 at 10:13 am

GIF圖都有世界級比賽? 藝術品有裸女是常識

GIF圖成日睇,估唔倒呢個世界上居然有GIF圖比賽,仲係認真嗰種,當堂嚇一跳。呢個叫The Giphoscope Award 2014嘅比賽,分為最佳攝影、最佳幾何圖、最佳插畫等等嘅項目,好認真。今次集中介紹嘅,係其中一個得獎者Isabel Chiara嘅作品,佢係西班牙藝術家,叫得藝術家,GIF圖當然唔係我哋平時睇嘅級數,佢將經典、流行文化、超現實元素混埋一齊,整咗一堆GIF圖,有GIF有真相,入嚟慢慢睇。其實都唔係咁深奧,反而效果幾搞笑,不過叫得做藝術,當然有裸女囉。

Read more ›
怪手出沒注意!創意手法控訴社會
by / on 21/03/2014 at 12:57 pm

怪手出沒注意!創意手法控訴社會

外國嘅街頭藝術真係好高水準,最近喺西班牙嘅巴塞隆拿街頭出現一隻隻怪手,有大模斯樣喺電話亭執碎銀,有喺街頭行乞,亦有喺櫃員機前扮揸槍打劫提款者‥‥‥形形色色,目的都係想控訴西班牙經濟環境差,不過表達方式就好有創意。如果你都有一隻手,你會放喺邊?我最想對某人舉中指或者單手拎住部流動電視搭小輪。

Read more ›
街頭藝術無剷走   西班牙Barcode坑渠蓋
by / on 02/03/2014 at 1:52 pm

街頭藝術無剷走 西班牙Barcode坑渠蓋

法國街頭藝術家Space Invaders天后嘅食鬼被剷走,香港連少少街頭藝術都包容唔倒,偏偏政府成日同我哋講有商有量,搵鬼信。啱啱喺網上見倒西班牙街頭藝術家Pajac嘅作品,將日常生活嘅景物加少少創意畫兩筆,令城市增添藝術氣息,例如地下嘅坑渠蓋變成Barcode條碼就令我會心微笑,經過睇倒嘅人心情都靚啲!最重要係,呢堆藝術品無比人剷走,部份仲搬去藝術館重製展覽。

Read more ›
立體麵包熊公仔   網上教學DIY
by / on 27/02/2014 at 7:01 am

立體麵包熊公仔 網上教學DIY

3D咖啡拉花日本好興,網上都睇唔少,不過呢個好有啲近以嘅3D杯裝麵包,我覺得更cute更加唔捨得食落肚。初頭以為又係日本人傑作,睇真啲原來係西班牙food blogger 「Las Recetas de la Felicidad」嘅傑作,佢仲好大方,喺網上公開埋製作過程教大家點整,想跟住整可以入去學嘢,免學費。

Read more ›

又玩memo紙    超人推車2D打碟
by / on 13/02/2014 at 7:08 am

又玩memo紙 超人推車2D打碟

早幾日介紹過外國twitter用戶October Jones用幾張memo紙,將途人變晒超級英雄,其實memo紙仲有好多玩法,好似呢位西班牙藝術家就將佢融入日常生活之中,超人推火車、2D打碟法,睇落好好玩,花少少心思自己都應該做到,仲可以放上Facebook啱like。

Read more ›
森林辦公室   超靚view廁所喺邊?
by / on 05/02/2014 at 7:10 am

森林辦公室 超靚view廁所喺邊?

生活喺石屎森林嘅香港上班族,返工對住四面牆,真係灰灰哋。呢間西班牙建築公司Selgas Cano就唔同,辦公室地點喺馬德里外嘅森林,大大塊玻璃,一邊工作一邊望住四周圍嘅花草樹木,超爽!有理由相信喺呢個環境返工,命都長幾年。辦公室嘅下半部仲埋喺地底位置,夏天做嘢特別涼快。不過我好好奇廁所喺邊?

Read more ›
瑪利奧變奸撩交打     大戰炸彈人 / 街霸阿龍
by / on 31/01/2014 at 4:10 pm

瑪利奧變奸撩交打 大戰炸彈人 / 街霸阿龍

一個人要學壞真係好易,瑪利奧一向做開好人,不過西班牙設計師Sebastian von Buchwald睇唔過眼,決定將佢變成窮兇極惡嘅大壞蛋,周圍撩交打!由於設計師係機迷,所以《Bioshock》、《Final Fantasy VII》、《Tomb Raider》之類嘅遊戲角色成為佢嘅改圖對象。瑪利奧嘅對手包括Snake、史萊姆、蘿拉、街霸阿龍、食鬼、超音鼠、炸彈人等等,越睇Mario越似Wario,奸到出汁。

Read more ›
松鼠仔潛力圖   化身20個超級英雄
by / on 13/10/2013 at 11:21 am

松鼠仔潛力圖 化身20個超級英雄

其實好無聊,不過我睇嘅時候真係忍唔住笑咗出嚟。出自西班牙藝術家Santiago-Perez手筆,一張松鼠仔嘅圖,居然比佢演化成20個角色,勁在每張都係絕配,尤其是松鼠仔嘅霸氣眼神同埋微微遞起嘅手。除咗蜘蛛俠、雷神呢啲基本嘢,我仲發現薩爾達、刺客教條同埋God of War嘅Kratos,睇嚟Perez仔都係標準機迷。

Read more ›