影印道定出錯圖? 《王小龍傳貳》小Bug!

勁忙,搞到今日先有時間睇番上周出版嘅港漫。睇今期第27期《王小龍傳貳》,我發現第28頁有個小Bug,第五格無厘頭畫咗隻手撳住玉兒頭殼頂,既無對白又無旁白,唔知想表達啲乜,再睇落去,發覺構圖明顯截圖自之後嘅第六格,頭依然係玉兒個頭,手始知係王小龍隻手。影印道定係出錯圖?斷估唔會專登畫成咁啩?乜都好喇,呢啲小Bug可免則免,希望製作團隊可以望多兩眼先出街喇。另,有個位真心頂唔順,阿西城聖畢竟係個BB,有乜可能「自行從玉兒的懷抱飄飛開去」?自行喎,即係自己識飛喎,你話佢老竇勇哥隔空取嬰都合理番少少吖,係咪咁講先?

Read more ›