fbpx

Tag: 西九龍中心

林祥焜x西九龍中心 1:120巴士車仔上架

林祥焜x西九龍中心 1:120巴士車仔上架

真係好靚,我唔算好有鋪車仔癮,但林祥焜聯乘西九龍中心推出嘅1:120城巴金屬車仔,就算買唔晒全套7架,都要買番一兩架看門口,「Network Shuttle」有售。7架巴士包括天恩967我喜、杏花邨8叉電、經深水埗102閨蜜、鴨脷洲N171玩到盡、荔枝角171同深水埗118,你鍾意邊架?我鍾意鴨脷洲N171玩到盡,車身有「#work&play」字樣,正確人生態度也。

Read more ›

西九龍中心x林祥焜Goodgirl巴士 不日推出

西九龍中心x林祥焜Goodgirl巴士 不日推出

嗱,仲未正式推出,不過建議大家多多留意消息呀。林祥焜將會推出「西九龍中心x林祥焜Goodgirl巴士」,1:120,Total有7款。係呀,女呀,Goodgirl呀,就係掛喺西九龍中心大幕牆嗰幾幅靚靚插畫呀,家陣齋睇相都覺得好正,到可以真正拎上手肯定大滿足,你無理由唔入手呀?

Read more ›
林祥焜親證 Goodgirl Billboard下架唔關投訴事

林祥焜親證 Goodgirl Billboard下架唔關投訴事

民字頭區議員投訴事件有後續,話說擒晚有網友開Post話西九龍中心跪低將Goodgirl Billboard下架,林祥焜即時澄清話無咁嘅事,留言曰:「唔駛驚!以前大風都吹爛過,落架只是驚打風大家路過有危險啫!並非乜嘢區議員自作聰明,成功爭取落架!」仲話之後會重新上架,兼畀多個新驚喜咁話喎,所以大家實在無需擔心,收到未?另,長棍亦提供埋Goodgirl Billboard嘅Wallpaper畀大家下載,大家唔該開心Share,支持吓喇喂。

Read more ›
網圖分享:真係嚇一跳?

網圖分享:真係嚇一跳?

唓!林祥焜掛喺西九龍中心嘅Goodgirl Billboard究竟有乜好驚?唓!阿車小姐你真係嚇親咩?如有,驚嚇到乜嘢程度?唓!你真係嚇到跳一跳?如有,這一跳又跳到幾高?唉……無風起浪,食飽無嘢做就係呢亭人嘞,抵畀人抽水嘅。

Read more ›
有無搞錯?林祥焜Goodgirl Billboard被要求下架?

有無搞錯?林祥焜Goodgirl Billboard被要求下架?

有無搞錯,林祥焜掛喺西九龍中心外牆嘅Goodgirl Billboard,居然俾民字頭政黨某陳姓區議員要求下架,原因係聲稱接獲大量家長投訴,仔女望到深感不安喎,仲拍晒片做晒為民請命Show添。藝術嘅嘢你識條鐵咩?好心喇,係咪食飽飯無事做呀?使唔使咁道德塔利班呀?乜嘢人就睇到乜嘢,你心邪唔代表全世界嘅人都心邪,我就覺得呢六幅畫好健康好性感,非常賞心悅目,企喺側邊打卡一啲都唔尷尬,一啲都唔覺有任何淫褻成份喎。長棍亦喺面書留言相譏:「我幾驚冇人幫手宣傳!多謝都嚟唔切!下一步封沙灘泳池,捉晒啲三點式女泳客佢,好嘢!」寸得好!長棍,撐你呀,唔使同呢啲人一般見識。

Read more ›
林祥焜Goodgirl Billboard 西九龍中心外牆上架

林祥焜Goodgirl Billboard 西九龍中心外牆上架

Wow!正呀!無得輸!隔住個Mon齋望相已經睇到嘩嘩聲,親臨現場肯肯定更加有視覺震撼。林祥焜Goodgirl Billboard正式喺西九龍中心外牆上架,有「Hello my love」、「Make your dreams happen」、「好時光」、「Focus on the Good」、「不忘初心」同「放肆」共六幅。林祥焜畫女確係非一般的Good,唔去深水埗打卡,絕對係你損失,我話嘅。

Read more ›

林祥焜搖滾骷髏Figure 西九龍中心發佈

林祥焜搖滾骷髏Figure 西九龍中心發佈

Rock Skull Elphonso,期待久矣,林祥焜隻搖滾骷髏Figure終於正式發佈,聽日會喺西九龍中心舉行發佈會,林祥焜Fans萬勿錯過,朝聖兼合照係時候。另,屆時會由Cherry做嘉賓司儀,我上過佢facebook,望過吓啲相,幾靚女的,身材都幾出眾的,值得大家影多張相的。

Read more ›
林祥焜x西九龍中心 出Goodgirl Toy Bus巴士模型

林祥焜x西九龍中心 出Goodgirl Toy Bus巴士模型

林祥焜畫女靚到啪啪聲,呢點唔使多介紹喇。佢本《Super Good Good Girls》畫集,我有買;西九龍中心大Billboard靚畫,我有去打卡;印咗Super Good Girls嘅巴士車身,我喺街見過幾次但次次都影唔切相。Fine,家陣佢打算推出巴士模型Goodgirl Toy Bus,我真係不知幾開心,好難唔撐。學佢話齋,呢鋪正式「玩到入埋屋」,可以當精品儲,十個正。不過唔知賣幾多錢同量產幾多呢?

Read more ›
有片:Hero野士漫畫大賞八強出爐 宣傳片第三彈《Hero or Devil》

有片:Hero野士漫畫大賞八強出爐 宣傳片第三彈《Hero or Devil》

望到頸都長嘅「Hero野士漫畫大賞」終於產生八強,有關方面亦釋出第三條宣傳片 《Hero or Evil》,插畫繼續搵林祥焜操刀,而主角則搵嚟張繼聰飾演善良廚師仔 。劇中,廚師仔唔知點解食完杯麵會變超人,得到超能力後佢殺死無良老闆同貪錢 女人,取代老闆之位繼續作惡。今次玩Open ending,善惡一念間,應該Be hero定 Be evil,看官自己參透嘞。順帶一提,嚟緊5月28日,八強將會師西九龍中心即場 較量,爭逐四強名額,呢個周六,有節目喇。

Read more ›
買畫集攞周少康親筆簽名 李小龍75週年紀念畫展

買畫集攞周少康親筆簽名 李小龍75週年紀念畫展

周少康之前推出嘅《李小龍75週年紀念畫册》,有無捧場?無?要買番本啦,如果你係李小龍Fans的話。買完,順便去搵周少康本尊攞番個親筆簽名,講嘅係11月24日至12月6日喺西九龍中心將舉行「李小龍75週年紀念畫展」,臨場有畫集賣,而啟動禮會喺11月27舉行,到時除咗欣賞靚畫外,仲有東方體育會教練Jerry表演雙截棍,駐場嘉賓有阮大勇、盧子英、余奉祖、李志清、馬龍同上官小強等等,最搞鬼係由大AL做司儀,唔知佢到時會唔會唱歌贈興呢?

Read more ›
2015香港漫畫Show,動漫節預演?

2015香港漫畫Show,動漫節預演?

今年7月有個《2015香港漫畫Show》,未聽過呢?我都未聽過呀,是次港漫派對由西九龍中心、Dark出版社同收藏家漫畫專區聯辦,宣傳海報咁寫:「一個100%完全屬於香港漫畫的派對,極期待大家的支持和參與,希望大家漫眾一心,令港漫再次發光發熱,亦希望這次活動能夠成為一個真正只屬於港漫的節日。」有幾屬於港人先?望名單,OK喎,港漫人邱福龍、鄺志德、馮志明、上官小強、梁偉家、戴慶賢、廖光祖、鄧達軒同馬遜都落實出席;有乜睇先?小型漫畫展梗唔少得,精品銷售攤位都應該幾有吸引力,再加埋可以玩情景拍攝,有交代喇。我就當呢個Show係7月香港電玩動漫節預演,有福龍牽頭,撐得過喇。

Read more ›

《小強漫畫集》第三期 西九龍中心搞發佈會

《小強漫畫集》第三期 西九龍中心搞發佈會

真係光陰似箭,唔覺唔覺,上官小強本《小強漫畫集》已經去到第三期,仲鐵定喺3月21日正式見街,兼喺西九龍中心搞新書發會添,如果你想玩佢嫩人家簽番個名兼合番個靚照的話,請於當日親臨朝聖,。有留意開面書專頁「壽星仔專門店」嘅朋友都知,今期將會有更加多猛人助陣,勁稿一籮籮,儲開頭兩期嘅讀者要買,無買開嘅更加要買。今個周六,有好節目喇? 《小強漫畫集》新書發佈會 日期:3月21日2:00pm 地點:深水埗欽洲街37K西九龍中心 資料來源:https://www.facebook.com/groups/355453361152928/?fref=ts

Read more ›
西九龍中心新書發佈 《GREATEST HITS林祥焜短篇集》

西九龍中心新書發佈 《GREATEST HITS林祥焜短篇集》

先有上官小強四十周年紀念珍藏展,再有邱福龍聚龍一擊35周年作品展,家陣輪到林祥焜喺西九龍中心搞Event,8月23日舉辦《GREATEST HITS林祥焜短篇集》簽書會,同場發售限量紀念品,我就會準時出席搵林祥焜影靚相嘞,你呢?

Read more ›
馬龍開畫展 白貓黑貓跳出商場

馬龍開畫展 白貓黑貓跳出商場

姑勿論你對馬龍嘅《白貓黑貓》評價如何,甚至好似我咁根本未睇過,但呢套兒童系列漫畫極受歡迎係事實,受歡迎到可以開畫展,如果你係馬龍Fans,記得捧場喇。

Read more ›
巨星離世十年 緬懷梅艷芳風采

巨星離世十年 緬懷梅艷芳風采

《似水流年》、《愛將》、《壞女孩》、《心債》,《Stand By Me》,首首經典,依家聽番都覺得咁有味道,不經不覺梅艷芳離世十年,有無興趣睇展覽,回憶吓呢個樂壇巨星?

Read more ›