Post Tagged with: "襟章"

日本「平成」超靚懷舊襟章     橫跨4個年號Twitter熱傳
by / on 25/04/2019 at 7:45 am

日本「平成」超靚懷舊襟章 橫跨4個年號Twitter熱傳

最近所有同日本年號「平成」有關嘅嘢都好好賣,例如平成空氣罐,又或者今日Twitter熱傳嘅呢個襟章。設計師@nakano_17喺Twitter發佈咗4款襟章,用佢一貫嘅懷舊風設計,除咗「平成」同新年號「令和」之外,仲有過咗去嘅「昭和」同埋「大正」,好懷舊。呢位設計師仲有設計手機套同其他襟章,全部都係懷舊風,好靚,入嚟有得睇。

Read more ›

Kit Man勁揪體金屬襟章 一套五個$300年宵有售
by / on 11/01/2019 at 9:30 am

Kit Man勁揪體金屬襟章 一套五個$300年宵有售

後悔之前無喺《勁揪體蚊型展》買勁揪體金屬襟章?唔緊要,Kit Man話嚟緊喺維園年宵市場86號檔有售,一套包「香港勁揪」、「HONGKONGER香港人」、「丟那媽」、「頂硬上」同「我撐廣東話」五個,賣$300,補購係時候。

Read more ›
日本「電池剩餘量」襟章     剩幾多電自由調校
by / on 07/12/2018 at 7:44 am

日本「電池剩餘量」襟章 剩幾多電自由調校

現代人好重視「電池」剩餘量呢個標記,見到電話無電個人真係無晒心機。日本設計師自製咗呢個飾品,入面嘅電有唔同顏色,磁石設計,可以按據需要貼想要嘅粒數,例如自己好攰,可以貼一粒紅色再貼上身,如果精力充沛,就梗係3粒綠色滿晒燈啦!好啱放喺辦公桌面,不過老細理唔理你又係另一件事。

Read more ›
舞台劇《奪魂曲》上演 場外購買鵝王Cliffy襟章
by / on 07/11/2018 at 8:30 pm

舞台劇《奪魂曲》上演 場外購買鵝王Cliffy襟章

好鍾意鵝王Cliffy印喺金屬襟章嘅呢四句說話──「死開啦on9仔」、「NEED HUGS」、「Leave me a(窿)」、「出少句聲都幫忙」,除咗抱抱,我真的多麼想同個八婆上司如是說、狠狠地說、不留情面地說。想要的話,可以去《奪魂曲》場外Counter購買;《奪魂曲》係乜東東?問得好,此乃一套舞台劇,講職業殺手凌雲如何用「正能量」殺人不見血,主旨係做人處世、遇人遇事,都唔好濫用呢三個字云云,應屬Cult Cult哋之作,大家不妨撐一撐。

Read more ›
Felix Ip《香港重機》襟章 一套十款$100
by / on 01/11/2018 at 7:36 pm

Felix Ip《香港重機》襟章 一套十款$100

講到由漫畫衍生出嚟嘅精品,我一向Buy襟章,一來貴極始終有個譜,二來細細個容易收藏。Felix Ip推出《香港重機》系列襟章,一套十款$100,由創造館延伸出嚟嘅網店「guideguideshop」獨家售賣,不設散賣,你無理由唔撐架?

Read more ›
壽星仔型格襟章 一套三款每款$48要搶
by / on 01/11/2018 at 2:55 pm

壽星仔型格襟章 一套三款每款$48要搶

上官小強Fans留意喇,《壽星仔》45周年紀念精品系列嚟到第二炮──襟章。一套三款,每款$48,限量80套,「壽星仔專門店」有售,數量實在唔多,快啲搶喇喂。

Read more ›

書展2018李健良精品 購物袋+襟章+郵票
by / on 07/07/2018 at 4:30 pm

書展2018李健良精品 購物袋+襟章+郵票

今年李健良推出嘅精品好多元化,除咗重頭《中華白海豚‧香港海洋生態》外,仲有環保購物袋、襟章等等,不過講到最估佢唔到者,係出郵票!由香港郵政局印製,可以用嚟本地郵寄,不過咁有收藏價值,買咗都唔捨得用喇,係咪咁講先。

Read more ›
門小雷《#Me》展覽 搶畫集+襟章+Tote Bag
by / on 19/03/2018 at 9:05 pm

門小雷《#Me》展覽 搶畫集+襟章+Tote Bag

門小雷新畫冊《#Me》搞新書發佈會兼展覽,屆時仲會有其他產品發售,Fans又要荷包乾硬化嘞。詳細價錢如下──《#Me》$220、《#Me》襟章$80、《#Me》襟章限量套裝連手寫編號$240,最多人搶應該係Tote Bag,超限量得20個,每個$280。

Read more ›
撐暖暖漫展。冬日市集 買OIC親子丼襟章
by / on 16/12/2017 at 9:00 am

撐暖暖漫展。冬日市集 買OIC親子丼襟章

今日有無預留時間去「暖暖漫展。冬日市集」呀?等陣2:00pm開波嘞,如無意外我都會去撐一撐場,又如無意外都會幫襯阿柱@OIC親子丼買番個襟章。唔知Total有幾多款,不過斷估都無乜可能儲齊。而要我揀,我會揀寫住「唔好問我」嗰個,仲要拎番公司勾喺當眼處,係呀,老闆and腦細,無乜嘢都唔好問我嘢呀……

Read more ›
蛋散襟章不日見街
by / on 26/07/2017 at 10:00 pm

蛋散襟章不日見街

《暗黑指紋》好評如潮,相關精品係時候出籠,最新有蛋散襟章。張君豪兄喺面書登咗張相,襟章全套10個,有圖有字有Logo有Slogan,好型仔吓,買返屋企擺飾櫃珍藏固然係妥,掛袋出街亦唔失禮,我話嘅。

Read more ›
【新片速報】日本動漫迷示範襟章保護秘技    包層膠其實唔難
by / on 31/12/2016 at 1:44 pm

【新片速報】日本動漫迷示範襟章保護秘技 包層膠其實唔難

呢個小知識幾實用喎。有時買咗啲好靚嘅襟章,掛喺袋又拍好易刮花,點樣可以幫佢加層保護?有日本動漫迷就示範咗個簡單方法。先買一卷透明膠,再根據襟章大小剪成狗牙邊,之後穿條線,一拉,搞掂!完成品無瑕疵仲好靚,掛喺袋面點刮都唔怕嘞!佢仲拍埋片示範,好易學。

Read more ›

集資製嚴禁癡漢襟章 日本女高中生向鹹豬手說不
by / on 04/11/2015 at 7:30 pm

集資製嚴禁癡漢襟章 日本女高中生向鹹豬手說不

  家陣唔係拍MV,現實世界真係有好多鹹豬手,喺擠逼火車車廂對無辜女生上下其手,醜行令人髮指。日本多癡漢,呢一點人所共知,為此,有高中女生喺Crowd Works招募集資,製作「Stop Chikan Badge」。「Chikan」者,「癡漢」是也,襟章藍色底色,中間一字排開幾個女生剪影,另加一對孖葉圖案,並附字句曰:「我不會保持沉默」及「癡漢是犯罪」,訊息呼之欲出。招募日期即日起至11月24日,希望呢個襟章扣真係發揮到實際用途,女生扣喺書包手袋肩帶之後,可以警惕到一眾鹹豬手喇。

Read more ›
情人節噩夢「男女朋友襟章」魔鬼現身!
by / on 19/01/2013 at 3:57 pm

情人節噩夢「男女朋友襟章」魔鬼現身!

女讀者,如果你有個好鐘意打機儲白金獎盃嘅男朋友,啱晒嘞,今年情人節你可以買呢套「男朋友襟章」訓練佢。襟章總共12個,每個都係一個任務,例如見完家長可以獎一個襟章;交換鎖匙?頒獎啦!其他襟章仲有共用櫃筒放內褲、共同放屁、嘔吐時幫忙掃背等等。男讀者,係咪好驚?快啲盡可能冚住呢單消息唔比女朋友知,又或者,買埋呢套「女朋友襟章」,一式六個,有「接受打機」、「一齊食快餐店」、「胸部push up」、「月事情緒管理」等等,哈哈,真係好絕!

Read more ›