Tag: 製冰器

日本用家分享 「跌入泥漿」製冰器Twitter熱傳

日本用家分享 「跌入泥漿」製冰器Twitter熱傳

呢幾日天氣越嚟越熱,有日本玩家就分享咗呢個製冰器,之前都有唔少人見過,不過睇埋日本呢位用家嘅試用圖,好似跌咗入泥漿咁,就令人更加想買嘞!日本好多網民都RT佢呢輯相同埋出圖回應,有網民仲諗起《新世紀福音戰士》,入嚟有回帶。

Read more ›

【有片】日本「倒栽蔥」製冰器 兩腳伸直超正設計

【有片】日本「倒栽蔥」製冰器 兩腳伸直超正設計

專賣日本古靈精怪雜貨嘅vvstore最近有嘢,呢款新商品「足氷」,放喺飲品入面就好似有人倒插咗喺水入面,伸咗兩隻腳出嚟咁,效果超正!呢個製冰器設計之前已經攞咗獎,而家正式量產,售價1296円。補充多少少,有留意日本文化都會發現呢個「倒栽蔥」畫面經常出現,其實佢係來自日本電影《犬神家一族》嘅經典一幕,多年嚟好多動畫例如「新世紀福音戰士」都有玩過,係日本文化嘅一部份,入嚟有Link。

Read more ›

日本枝豆製冰器 逐粒唧入口

去親日本居酒屋都必嗌枝豆,一排三粒青bb青豆,最啱一邊食一邊飲燒酒。通常枝豆都係用手指逐粒豆唧入口食,諗起都爽!如果你都係同好,呢個枝豆製冰器有無令你有衝動想買個返屋企?每次可以雪三粒大圓球冰,飲時用手逐粒唧出嚟,好有食枝豆嘅神髓,而且據講呢啲枝豆冰比起一般冰粒溶化速度慢八成,賣英磅10蚊一排,即係港幣約$130,不過運費都要成10英磅,有無枝豆迷想一齊團購?

Read more ›

神奇製冰器 長條形狀水樽專用

有時發明嘅嘢,唔駛驚天動地,實用就得。好似呢個雪冰條嘅冰架,雪出嚟嘅冰可以直接塞入水樽入面,咁就任何時候都可以飲凍水啦!問題就嚟嘞,如果可以拎個冰架出嚟,即係喺屋企啦,咁點解唔將啲水倒入水杯呢?嘻,製冰嘅嘢我都係唔明O架嘞。

Read more ›

星戰Death Star起唔成 飲杯Death Star冰酒定神吧!

美國白宮否決議案,造價85億兆美金嘅Death Star起唔成,星戰迷飲恨,唯有邊飲Death Star大冰製嘅白蘭地,邊睇而家特價緊嘅星戰Boxset定定神吧!呢個製冰器可以製造直徑2.4吋嘅Death Star圓球狀大冰,仲可以用嚟整朱古力,網站Think Geek有得賣 ─ 本來,因為可能太多失意人,所以啱啱賣斷貨。但我個心仲係好唔舒服好想飲酒發洩點算?咁你買呢個星戰Death Star開瓶器啦,$19.99美金,入面有圖有link,自己飲飽佢啦!

Read more ›