Tag: 裝置藝術

【亂派牛肉乾】周街亂泊車 裝置藝術品被抄牌

隨街亂泊車預咗要抄牌,香港或者外國都一樣,但如果架車係藝術品,擺喺街純粹係一個裝置藝術呢?答案係照抄!事發地點喺德國嘅Karlsruhe,藝術家Erwin Wurm將架紅色嘅平治貨車用佢最擅長嘅扭曲方法倚住牆擺放,架車後半部仲要彎曲晒,點睇都係一件藝術品,但居然照比警察抄牌。有人懷疑係藝術家自己專登放張牛肉乾上去增強效果,可惜暫時仲未知道真相,如果係真抄牌嘅話,罰款係咪Erwin自己比?

Read more ›

雜貨舖玩裝置藝術 影完快閃唔執返

乜嘢叫寓工作於娛樂?我諗大部份香港人都領略唔到,如果可以好似呢輯相咁,將店入面嘅產品攞出嚟玩吓影吓相,我諗返工會無咁易恰眼瞓嘅。呢輯名為Mass嘅作品,由美國藝術家Carson David Brown拍攝,佢走訪唔同嘅零售店舖,將人哋嘅產品以唔同顏色分類再擺設,而且每次都係突然到訪快閃影完就走,從來都唔會執返好添,等店員自行發現再執拾,都好吖,可以影埋相放上網呃like。

Read more ›

網圖分享:邊個設計?同我拖出嚟打!

睇完兼笑完呢輯相後,我不禁想問:「設計呢啲所謂設計嘅人兄,究竟係先天白癡定後天低能?」定係,個腦俾籮柚坐住咗?又抑或,呢啲其實係裝置藝術?

Read more ›

蜘蛛俠遊樂場任爬 65呎高空腳仔軟

有無諗過可以好似蜘蛛咁喺高空摛高摛低?阿根延裝置藝術設計師Tomás Saraceno最近整咗個27000平方嘅超大型蜘蛛網「In Orbit」,擺放喺德國Düsseldorf嘅K21博物館,參觀者可以走入網內,甚至坐喺一個個好似星球球體嘅網狀物上面睇風景;要喺網上面行都要好大勇氣,因為足足離地面有65呎高,好易腳軟。安全方面唔駛擔心,Tomás Saraceno用咗三年時間設計,除咗諮詢建築師工程師之外,連專門研究蜘蛛嘅專家都問勻,可惜香港無得玩,睇咗當去咗啦。

Read more ›