fbpx

Tag: 被捕

日本4歲貓疑犯被捕 大量新聞圖片Twitter熱傳

日本4歲貓疑犯被捕 大量新聞圖片Twitter熱傳

最近呢隻貓喺日本Twitter好紅,佢係大阪防災業務公司「青木防災」嘅社員,不過就被控違反「迷惑防止條例」而被公司拘捕。公司整咗好多仿新聞報導嘅圖片喺Twitter,而4歲嘅疑犯雖然否認控罪,但就被實名報導,其中打咗馬賽克嘅圖因為太薄而清楚睇到樣。好彩拘留期間有零食,入嚟有多啲相睇。

Read more ›

日本「偷拍獵人」二人組被捕   勒索偷拍者341萬

日本「偷拍獵人」二人組被捕 勒索偷拍者341萬

日本好多痴漢專喺車站偷影人裙底,所以亦新興咗一種叫「偷拍獵人」嘅騙徒,佢哋專向啲偷拍男埋手,最近東京町田市就有兩個騙徒被捕,分別22歲同20歲嘅疑犯中村將士同藤島亮馬,喺上星期嘅小田急線町田站月台捉到個偷拍緊女生裙底嘅廿幾歲男仔,之後話係被偷拍者嘅朋友,然後勒索對方341萬円,早幾日終於補捕。有網民就留言話:「無乜嘢吖,同賺賞金無乜分別」、「個女仔可能都係同謀」、「如果改成獵人制嘅話,警察都可以減少」、「如果勒索10萬估計會成功,341萬當然會失敗啦」BTW,如果真係成立一個獵人賞金計劃,話唔定有機會減低犯罪率喎。

Read more ›
日本網民亂發Twitter被捕 訛稱熊本地震有獅子走失

日本網民亂發Twitter被捕 訛稱熊本地震有獅子走失

  喺網上世界亂發訊息被捕?日本呢位20歲嘅網民佐藤一輝最近正式被起訴,佢涉嫌喺熊本地震時喺Twitter發放假訊息,話附近動物園嘅獅子逃走咗,之後好多人信以為真喺網上瘋傳。今次係日本首宗因為「災害時期造謠妨礙業務」而起訴網民嘅個案。疑犯就話自己只係因為貪玩而咁做。網民一面倒唔撐佢,但就問其實佢妨礙咗邊個業務?其實當日佢發放訊息後,附近水前寺嘅動植物園同警局收到過百個電話,喺災難發生時仲要應付呢啲謠言,的確唔啱。

Read more ›
日本「良心AV商人」被捕     AV賣200円一隻穩賺3000萬円

日本「良心AV商人」被捕 AV賣200円一隻穩賺3000萬円

呢位日本網民形容為「良心AV商人」嘅松本庄二最近被警方拘捕,佢保存咗7萬套AV影片,再喺自己建立嘅網站入面販售,客人可以自選AV,佢會根據訂單燒錄成DVD再發售,1隻賣200円,買超過4000円仲會送多2隻DVD,10年間估計銷售額3000萬円,即係大約200萬港幣左右。有網民就驚嘆:「扣除DVD價格、房租、器材、廣告費,200円一隻實在係良心價格呀!」、「46隻賣7000円,係咪因為賣得太便宜所以被捕?」、「好平,如果我知道都會去買!」、「簡直係志願活動」、「可能多得佢先少咗性犯罪」、「以保存數據嚟講,佢對人類好重要!」至於佢本人就話:「以為咁樣可以簡單賺到錢」所以無諗咁多,而家承認咗控罪。另外佢本身正職係大阪某餐廳嘅店長,有網民仲話:「佢間餐廳一定又好味又抵食。」我都信。

Read more ›
「福山雅治」被捕    真面目曝光網民狂RT

「福山雅治」被捕 真面目曝光網民狂RT

唔講唔覺,日本藝人福山雅治今年都46歲嘞,呢位日本靚仔最近仲惹官非,不過只係一場誤會,嘻。說話早幾日岐阜縣有個疑犯因為偷嘢被捕,佢無帶身份證,但就自稱叫福山雅治,大家一直都見唔到疑犯個樣,人人都留名跟進。好嘞,噚日終於新聞報導影到呢位賊仔,有網友即刻cap圖放上twitter,可能由於個樣太大落差,呢位叔叔張圖好快已經有過萬個RT,唔,勉強要講,隻耳仔都有啲似福山雅治嘅,仲有呀,你49歲,老過原裝版本3歲喎,唔合格,零分重作。

Read more ›
唱片封套睇闊啲     Justin Bieber斷正   chok住被捕

唱片封套睇闊啲 Justin Bieber斷正 chok住被捕

對於賣樣嘅偶像派嚟講,唱片封套當然有咁大頭得咁大頭,表情有咁chok得咁chok,咁唱片封套嘅框框以外究竟係點?外國網站aptitude就發揮創意惡搞一批經典唱片封面,最正都係Justin Bieber,chok爆嘅樣以外,係比警察鎖上手扣一幕,擺明串佢之前嘅藏毒事件。另外英國歌手Adele變喪屍嗰張都好正,即刻覺得佢真人好有睇頭。

Read more ›