Tag: 袁家寶

袁家寶《刀劍問乾坤》講公義? 唔識欣賞合併封面

袁家寶《刀劍問乾坤》講公義? 唔識欣賞合併封面

好喇,睇完袁家寶《刀劍問乾坤》,短短哋四期完,我畀90分,作為四期短篇,由淫娃公主揚眉濫殺開始,到公主俾北霸武尊一錘揼到變屎餅作結,故事完整有頭有尾,每個角色都有合理發揮空間,合格有餘。不過個合併封面呢,就……唔識講,唔知想點咁囉,唔知其他師兄點睇喇,我就唔多識欣賞喇,扣嗰10分,好大程度上係因為呢個封面。

Read more ›

讀後感:袁家寶《刀劍問乾坤》創刊 四期完撐到底

讀後感:袁家寶《刀劍問乾坤》創刊 四期完撐到底

一來驚劇透喇,二來真係去到今日先真真正正有時間,舒舒服服坐茶餐廳慢慢煲袁家寶新作《刀劍問乾坤》。有啲讀後感想講吓,書名「刀劍問乾坤」五粒字,我覺得係寫得好靚嘅,有氣勢,夠搶眼,但係呢,就搶眼過封面主體構圖,成個封面太黑蚊蚊了,主角申慎之笠住頂帽見唔到樣,另一主角吾道刀者黑到幾乎只見剪影,唔見細節,感覺係怪,擺喺報紙檔亦唔起眼……

Read more ›
栢迪+袁家寶+曹志豪+司徒劍僑開酒吧Heal Club 無敵夜景BBQ任食

栢迪+袁家寶+曹志豪+司徒劍僑開酒吧Heal Club 無敵夜景BBQ任食

好得很,From now,港漫迷又多一個朝聖地方「Heal Club」。呢間酒吧嘅老闆係你我都好熟識嘅港漫主筆栢迪、袁家寶、曹志豪、司徒劍僑及本身係「兩合特色餐廳」主理人嘅Eric Ng。陳科琳、梁光明同鄺彬強都留過腳毛,有噱頭嘞啩。食乜先?主打4小時BBQ放題,位置喺銅鑼灣商廈,齋望相,淨係個擁有無敵夜景嘅超大露天位已經超好Feel,一啖肉一啖酒,同三五知己吹吓漫畫經著實唔錯。望埋價錢,15位以上每位$400,15位以下每位$450,唔敢話超平,但絕對合理。Well,我都會認真吹個大雞上去捧場,唔知到時會唔會咁好彩撞到咁多位主筆呢?諗吓都開心。

Read more ›
袁家寶《新著中華英雄》下期送A2海報 特約漫畫店限定

袁家寶《新著中華英雄》下期送A2海報 特約漫畫店限定

袁家寶《新著中華英雄》出到第四期了,節奏好明快,水神有戲做,四害有對白,連錢無義同羅漢都相繼出場了,仲見到生奴背影添,睇得著實過癮,美好回憶返晒來也。而為谷行個勢,下期會送多張A2海報,不過只限喺「尋回‧漫畫檔」、「至Goal Club」同「先達漫畫店」訂購普通版加特別版先有得送,港九一般報紙檔無份。呢個安排真係有點兒……嗯……無計喇,我真心想要張海報,呢個禮拜惟有出旺角行一轉囉。

Read more ›
網圖分享:鄭伊健版華英雄

網圖分享:鄭伊健版華英雄

鄺志德加袁家寶推出《新著中華英雄》,港漫界瞬即掀起一股英雄熱。面書朋友仔Chang Chin Lim都來湊熱鬧,畫咗幅鄭伊健版華英雄。我覺得著實錯,值得畀讚。

Read more ›
袁家寶《新著中華英雄》 馬榮成第一時間捧場

袁家寶《新著中華英雄》 馬榮成第一時間捧場

沒辦法,實在係呢排港漫界話題焦點,又係關於袁家寶《新著中華英雄》嘅News。話說創號刊一出,唔只讀者們捧場,連原著創作者馬榮成都有買番本望望,仲喺面書開Post留言:「我40年前的作品《中華英雄》,今天再有同業重新編寫, 我也十分好奇,第一時間購買支持。」得馬Sir加持,斷估點都對銷量有正面影響,加油呀喂。

Read more ›

《新著中華英雄》創刊 配《天星孤星》歌詞回顧華英雄一生

《新著中華英雄》創刊 配《天星孤星》歌詞回顧華英雄一生

隔咗咁多日先出呢個Post,應該唔怕俾人話劇透。撇除嗰個為人詬病唔知點解要二斬一封面,我覺得《新著中華英雄》創刊號係唔錯嘅,尤其鍾意袁家寶用頭幾頁粗略交代華英雄一生,配埋《天星孤星》歌詞,一路睇一路好似有聲飄出嚟咁,昔日美好回憶返晒來。總括嚟講,人物面相細緻、實境算做足、旁白對白恰到好處,劇情推進明快,第一期已經出赤劍,第一期已經斬殺萬老爺,整體感覺係睇得好爽皮嘅,其實老讀者如我咪就係需要呢啲嘢囉,平平實實已經足夠,情懷不會倒退吖嘛。真心Mode,希望呢本公仔書可以成功,企得穩陣腳。袁家寶,加油。

Read more ›
袁家寶+鄺志德《新著中華英雄》 11月3日創刊

袁家寶+鄺志德《新著中華英雄》 11月3日創刊

無乜特別,都係提醒大家,聽日《新著中華英雄》出版喇。除普通版$25外,仲有李健良精心炮製嘅特別封面版$25,唔只唔只,仲有個創刊號黑白原畫集,鋼筆畫稿原稿尺寸,附特厚海報同簽名畫板,盛惠$380。繼續係袁家寶加鄺志德呢個組合,唔知大家會唔會捧場呢?

Read more ›
Rodman靚圖為《王風雷傳奇》作結 《王小龍傳貳》不日推出

Rodman靚圖為《王風雷傳奇》作結 《王小龍傳貳》不日推出

12期了,足足12期,每次睇完《王風雷傳奇》,我都會問自己:「究竟我睇咗啲乜?」好了,家陣完結了,冚埋本書,扯啖煙,我長長吁出一口氣,呼出來的煙霧終於冒出了輕鬆。穿越來穿越去,最後竟然係返去1945年二次大戰掟三神器,用原子彈消滅八岐大蛇,搞來搞去嘅結論係:「就且讓這一趟穿越,如鏡花水月,不去干擾大家心裡,龍虎門的歷史吧。」唉,Nothing to say,果真鏡花水月,去到結局我都仲係無一期睇得明嘅,唯一能夠逗我一笑嘅係專欄「講漫兄弟幫」有幅〈奔走未來的風雷〉,出自經常帶畀網民無窮歡樂嘅面書朋友仔Rodman之手,佢畫風之獨特自成一派,每次睇到佢嘅作品,我都好開心。點都好喇,鄺志德、袁家寶加鍾英偉之後會推出嘅《新著龍虎門》外傳之《王小龍傳貳》,我係會繼續捧場嘅,希望到時會有一本正正常常嘅公仔書睇吓喇,係,無錯,唔使搞咁多花臣,真係正正常常得架喇。

Read more ›
網圖分享:《王風雷傳奇》賀圖

網圖分享:《王風雷傳奇》賀圖

喂?想點先?今日中午落書報攤,都仲係未見到《王風雷傳奇》喎,我心急想買喎。睇各大中小漫畫討論區及各大中小面書專頁,對於呢本袁家寶新作有彈亦有讚,搞到我更加心急想買嚟睇喎。家陣無書睇,惟有睇住賀圖止吓癮先。

Read more ›
《王風雷傳奇》10月30日見街 三版本任君選擇

《王風雷傳奇》10月30日見街 三版本任君選擇

我萬二億分期待嘅袁家寶《王風雷傳奇》10月30日見街,創刊號老例玩特別版,一,邪拳魔王版,即係普通版,售$23;二,《新著龍虎門》×《王風雷傳奇》冰。火大戰合併封面版,即係兩本唔同漫畫可以合成一個完整封面,售$23;三,暗黑燙金愛藏版,賣點係無字幕原汁原味畫圖,售$180,向「Art Comics Studio Limited藝漫創作室有限公司」訂購者,送多幅小畫板。報告完畢。

Read more ›

網圖分享:袁家寶畫王風雷

網圖分享:袁家寶畫王風雷

Fine,未有《新著王風雷》睇住,睇住袁家寶畫嘅王風雷先都唔錯,可以暫時止吓咳,頂吓癮。

Read more ›
網圖分享:奉袁家寶諭 龍虎群英Big 4提你戴口罩

網圖分享:奉袁家寶諭 龍虎群英Big 4提你戴口罩

唉,今日香港又唔知新增幾多個本地個案,武漢肺炎究竟幾時完呀?好煩呀。呻煩都無用,惟有奉袁家寶諭,繼續注意個人衛生,記得戴口罩。啱架,龍虎三皇And王風雷武功幾高強都唔係大晒,最怕係唔知自己中咗招又傳染畀人。咁大家記得乖乖戴口罩、勤洗手同多休息,少去啲多人嘅地方喇。

Read more ›
《新著龍虎門》新篇章〈無名罪〉 王小龍自毀滅亡咁大件事?

《新著龍虎門》新篇章〈無名罪〉 王小龍自毀滅亡咁大件事?

文化傳信繼續賣廣告,首先呢,係肯定咗書名叫番《新著龍虎門》,肯肯定多一次6月5日出版,分金、銀同草圖三個版本,三拉頁封面,全書44頁,各售$23。而1047期最新章篇呢,則叫〈無名罪〉,仲話「王小龍一念之差,禍及全世界,出路自得一條……自毀滅亡!」嘩,禍及世界咁大件事?仲要自毀滅亡添,唔係打算整死多一次王小龍嘛,驚驚!而製作班底呢,杜比做顧問、袁家寶加洪遠里做封面美術、編劇係李中興、創作監督係鍾英偉、美術主筆係龐重輝、鄺志德則身兼主編And監製二職。呢個陣容,大家點睇?

Read more ›
《漫畫Buddy》告別號 1月16日見街

《漫畫Buddy》告別號 1月16日見街

《漫畫Buddy》Vol 6有正式出版日期嘞,鐵定1月16日見街。價錢方面,普通版$78;金城/阿恩親筆油畫板套裝版、陳志恆親筆彩圖/黑稿套裝版,各售$390;限量Buddy小畫板套裝版,售$220。買邊個版本都好,都會送袁家寶製作嘅海報一張。今期係告別號,出埋今期就無架嘞,希望大家多多支持。

Read more ›