Tag: 街頭塗鴉

超正街頭塗鴉 洛基賤熊MJ隨街走

街頭塗鴉Graffiti見得多,呢個JPS嘅作品我特別欣賞,除咗因為佢畫嘅角色例如洛基同賤熊我都識,仲因為佢嘅創意設計,每幅作品都好有意思。佢仲好鐘意喺作品入面加句精警金句,推介!

Read more ›

真人變2D畫 立體人融入街頭塗鴉

早兩日介紹過有化妝師將模特兒嘅立體3D樣變成2D漫畫,今次呢個仲厲害,將一個活生生嘅人變成2D畫不特止,仲融入埋街頭塗鴉內,將佢變成其中一部份,睇相見倒Alexa Meade呢輯作品真係幾可亂真,唔係望對腳真係會誤會模特兒係塗鴉嘅一部份。唔知點解,我又諗起尖沙咀天星碼頭全身金漆嘅18銅人。

Read more ›

騎雞鐵漢網上熱爆 街頭塗鴉師變小學雞

話說上星期五Richie Nolan去咗阿爸阿媽個農場,行行企企覺得悶到嘔,於是用咗三個鐘時間極速整完成以下呢幅騎馬,唔係,騎雞嘅改圖,由於效果唔錯,放上Reddit後引嚟熱烈討論,仲吸倒倫敦街頭塗鴉藝術家Beastie嘅注意,問準Nolan後,Beastie就喺48小時內極速喺街頭畫咗呢幅插畫贈興。本來件事好有型,但係唔知佢哋係咪有仇,Beastie畫嗰幅插畫喺正牆角勁細幅,完全無晒Nolan英姿凜凜嘅霸氣,感覺非常小學雞,一世英明,唉。

Read more ›

塗鴉師絕地反擊 清潔工人被畫報復

乜嘢叫做幽默感?喺外國,街頭塗鴉Graffitti好普遍,由於經常出沒,所以有專門團隊負責清潔,呢班清潔工人好勤力,好多時塗鴉師畫完嘅公仔,幾個鐘就比人剷走。今次事發地點喺倫敦Essex Road,犯案者DS畫完Hello Kitty同埋Miffy無幾耐又比人剷,佢就即刻影低張相,等清潔工人走咗之後,索性將人哋個樣畫埋上牆,之後仲舖上twitter示威,老實,效果比起佢原本隻kitty靚得多,被畫者唯有第二日再出動剷返走自己囉。

Read more ›

白雪公主變揸槍歹徒 街頭塗鴉成人版

街頭塗鴉外國好流行,不過今次呢個好有創意,所以想介紹比大家。嚟自斯德哥爾摩嘅Herr Nilsson,居然斗膽將小朋友世界嘅公主,包括白雪公主、灰姑娘同埋睡美人,變成揸槍揸刀嘅兇殘歹徒,仲要古古惑惑匿喺後巷轉角位,畫功唔算好突出,不過概念贏晒,好得意。

Read more ›