Post Tagged with: "街景"

日本超強手藝 迷你模型街景幾可亂真
by / on 12/02/2020 at 7:05 am

日本超強手藝 迷你模型街景幾可亂真

日本人手藝好高超,砌迷你模型簡直係出神入化,最近網上熱傳有呢張街景圖,汽水機、燈柱、樹木,點睇都係一張風景寫真,點知加隻手落去,先發現原來一切係假像嚟嘅!再睇返佢入面嘅小道具包括欄杆、地磚、地下嘅枯葉,全部都超細緻,好勁!入嚟有多啲角度睇。

Read more ›

日本種子島街景圖 柴仔追車追出街
by / on 05/04/2018 at 12:50 pm

日本種子島街景圖 柴仔追車追出街

Google街景圖,成日都有啲奇怪嘢出現,啱啱有日本網民就喺種子島嘅街景圖見到呢隻柴仔,佢見到Google街景車就追咗出嚟,可能心諗喂好生面口喎,你邊度嚟o架汪汪汪!

Read more ›
奇妙街景圖 日本山口縣見鹿頭結他手
by / on 27/06/2017 at 5:41 pm

奇妙街景圖 日本山口縣見鹿頭結他手

Google Map街景圖成日都會見到啲奇事,之前見過白鴿人列隊啦,今次都係動物人,不過係鹿頭人,而且最有型係佢揹住個結他,事發地點係山口縣阿武川附近,呢位唔知係鹿仔定band仔……

Read more ›
日本攝影師超靚街景相     涉谷街頭VS香港高樓
by / on 26/03/2017 at 1:15 pm

日本攝影師超靚街景相 涉谷街頭VS香港高樓

呢位日本攝影師鏡頭下嘅東京,同我哋平時見到嘅有啲唔同,但係效果好正。輯相喺Twitter好受歡迎,好多人留言同佢交流攝影心得。眼利嘅讀者可能會發現第四張相好熟口面,其實取景地點就係香港。另外第一張係渋谷,第二張係新宿西口,第三張係秋葉原。個人好鍾意秋葉原嗰張,好似人中之龍。

Read more ›
Google街景拍到「殺人現場」    日本網民:「以為係GTA!」
by / on 07/10/2016 at 7:13 am

Google街景拍到「殺人現場」 日本網民:「以為係GTA!」

Google街景成日拍到離奇嘢,今次到英國某條街道疑似拍到殺人現場。馬路上有個男人背部朝天攤咗喺地,另一個人就企喺車前面不知所措,另一張仲拍到佢好似諗住搬屍。不過件事已經證實咗係惡作劇,以惡作劇嚟講都玩得好徹底吓。件事就傳到去日本2ch討論區,有人話:「以為係GTA!」、「應該喺現場唧啲蕃茄醬」,好多網民回顧返Google街景其他搞笑場面,好正,入嚟有回帶。

Read more ›
【有片】超勁!Google迷你街景服務 參觀德國鐵道模型博物館
by / on 13/01/2016 at 10:38 pm

【有片】超勁!Google迷你街景服務 參觀德國鐵道模型博物館

呢條報道,係讀者Barney提供俾我哋嘅,因為呢條片實在太正,想多啲人睇到。係,真係幾正!介紹番先,呢間喺德國漢堡嘅「迷你奇幻世界博物館」,入面有總長將近16,000公尺嘅模型火車軌,路線涵蓋全球多個地點,包括德國中部、漢堡、瑞士、美國、奧地利、美國等,仲有個超靚嘅虛構城市!2000年由兄弟Frederik Braun、Gerrit Braun創立。而Google佢就入咗去呢間博物館,去埋未開放嘅景點拍片,製作咗個迷你版街景服務!不過留意番,冇大家諗咁堅,唔係放部迷你街景車入去地圖入面遙控拍……但都係正嘅。

Read more ›

Google街景搜尋工作地點 日本網民驚見自己偷懶吸煙
by / on 13/04/2015 at 3:48 pm

Google街景搜尋工作地點 日本網民驚見自己偷懶吸煙

你有冇試過喺Google Map街景圖睇吓自己屋企或者學校或者返工嘅地方?會唔會咁啱見到自己呢?呢位日本網民佢就喺Google街景中見到自己,而且佢係喺工作時去咗偷懶嘆支煙……佢將呢件事放咗上Twitter,有成萬七個RT!話時話,唔驚俾老細見到咩?下次都要留意吓Google街景車出沒……

Read more ›
彌敦道開滿櫻花? 結合Google街景遍地開花
by / on 10/04/2015 at 7:21 am

彌敦道開滿櫻花? 結合Google街景遍地開花

香港都有櫻花睇?除咗日本之外,旺角彌敦道、銅鑼灣時代廣場都開滿櫻花,我唔係FF緊,呢個係日本品牌Lux用咗Google街景造成嘅新網頁Sakura Dream,可以將全世界任何一條街加入櫻花樹,就算你屋企樓下都可以開滿櫻花,只要你輸入街名就得,好正!效果有瑕疵,但係配埋日本禪味音樂同埋飄飄吓嘅櫻花動畫,最後仲可以加字加貼圖再share出去,都算好有誠意。

Read more ›
日本Google最新「東北之今」街景圖公開 何時可回去?
by / on 11/03/2015 at 8:24 pm

日本Google最新「東北之今」街景圖公開 何時可回去?

天災人禍冇人想見到,不過發生咗之後就要努力向前望,重建家園。日本311今日4周年,Google有新街景圖發佈,喺呢個「東北の今」嘅網站新增咗唔同地區嘅景象,可以睇到災區最新嘅景象,包括岩手縣一啲地區、「気仙川 希望のかけ橋」、福島縣「避難指示區」內嘅位置,仲有縣內葛尾村、双葉町、大熊町、富岡町等地,入去見啲冇人嘅學校,感覺好奇怪……

Read more ›
日本Google地圖現警察路障 自爆街景車超速全記錄
by / on 27/11/2014 at 4:45 pm

日本Google地圖現警察路障 自爆街景車超速全記錄

Google街景成日都會睇到啲新奇事,入嚟有回帶。最新一壇,就係日本北海道中川郡幕別町嘅街景,睇到警察設置咗超速路障,而且Google街景車仲俾佢截停要佢駛埋一邊……據知呢個場景係7月時拍落嘅,咁罰款都交埋啦。

Read more ›
日本Google Map街景 黑幫辦公室現身
by / on 11/05/2014 at 3:54 pm

日本Google Map街景 黑幫辦公室現身

我有睇北野武啲戲o架,認得呢啲著運動衫嘅日本黑道o靚仔o架!日本有網站喺Google Map搵到幾個街景,據講就係日本黑幫嘅辦公室,好似呢楝咁,Google街景車經過,兩個守衛就望到實,可惜個樣blur咗,唔知佢有冇兇緊架車……最後仲有一張影到送外賣嘅,有位「人中之龍」紋身漢出嚟拎外賣,唔知個外賣仔有冇遲到呢……

Read more ›

攝影師自製咭紙場景  幾可亂真
by / on 22/02/2014 at 11:11 am

攝影師自製咭紙場景 幾可亂真

真係比佢呃倒,倫敦攝影師Andy Rudak呢輯影街景嘅相,睇落殘殘哋幾懷舊,原來所有場景都係由佢自己用咭紙砌出嚟再打燈拍攝,幾可亂真!名為Cardboard Cities嘅相集,場景有巴黎、紐約、東京同埋倫敦,每個場景都有一隻動物,個人認為除咗東京流流哋之外,其餘三個景都幾無懈可擊。

Read more ›
Google最人氣街景圖排名 日本富士山第一位
by / on 30/01/2014 at 11:56 pm

Google最人氣街景圖排名 日本富士山第一位

有咗Google街景圖,安坐家中都可以環遊世界,上富士山去博物館都得。啱啱Google就公佈咗全世界最人氣嘅街景地點,即係最多人喺網上去旅遊嘅地方,第一位係富士山、第二位係杜拜828米169層世界第一高樓,仲有威尼斯、巴黎鐵塔、大阪城,入嚟有得去睇睇。咦?香港廣東道唔係冇份吓嘛?

Read more ›
「超神ネイガー」秋田特撮名物 現身等待Google街景車
by / on 03/10/2013 at 5:15 pm

「超神ネイガー」秋田特撮名物 現身等待Google街景車

特撮英雄真係要兼顧好多嘢,唔只打怪,仲要宣傳啦,宣揚和平訊息嘛。秋田名物「超神ネイガー」最近就喺Twitter度放咗頻頻出動嘅相片,佢又擔遮又落田又玩細路為咗咩呢?原來係為咗可以遇到Google街景車,希望大家以後搜尋「秋田縣にかほ市」嘅街景圖時會見到佢現身!不過我有一個擔心,就算影到你,如果Google最後打咗你格仔,你都奈佢唔何喎……

Read more ›