Tag: 街市勇

牛佬賀《古惑仔》2000期送Tee+親筆畫 街市勇吹雞打老邊

牛佬賀《古惑仔》2000期送Tee+親筆畫 街市勇吹雞打老邊

2000期!一本漫畫可以出到2000期確係唔簡單,《古惑仔》為慶祝呢個里程碑,決定由新任俱樂部會長街市勇扯頭纜,搞番個打老邊Party,名額60人,暫時已經有17人報名,想同牛佬影相、想同倫裕國隊酒、想結識街市勇真人、想同靚女九尾狐Say個Hi(中堅會員!估計必到!),唔該擺低$380。牛佬講到明到時要手持第2000期《古惑仔》方可入場,估計係要大家幫幫手擺Pose,一人拎住一本公仔書影番張超級無敵大合照喇喂。有嘢食,有古惑啤飲,仲有獎抽,獎品係全新《古惑仔》Tee同倫裕國親筆畫板,到時一定全場High爆,家陣諗吓都興奮呀。

Read more ›

《古惑仔》搵俱樂部會長 牛佬擺街市勇上檯

《古惑仔》搵俱樂部會長 牛佬擺街市勇上檯

喺牛佬筆下,街市勇呢個角色已經死咗,但同樣喺牛佬筆下,街市勇不但翻生,仲上埋檯添。事緣牛佬喺第1987期《古惑仔》專欄,公開夾硬屈街市勇做「古惑仔俱樂部」會長,此文一出,嚇到街市勇即刻喺面書留言──Jack Suen(街市勇):「嘩~牛師傅一大清早乜搵啲咁嘅野嚟嚇鳩我呀早餐都爭小小噴出嚟。」笑到我碌地……

Read more ›
爆笑!《古惑仔》街市勇橫死!讀者整車頭相裝香供奉!

爆笑!《古惑仔》街市勇橫死!讀者整車頭相裝香供奉!

拿!呢啲就係睇港漫真正樂趣嘞!話說《古惑仔》第1928期繼續交代旺角暴亂,雷霆俾甘尚武打到氣咳之際,街市勇諗住出手幫拖,冷不防一把刀從後襲至,一刀穿頭,就係咁,身為尊貴會員嘅街市勇就如此這般地橫死當場嘞。街市勇之死,竟惹嚟讀者集體悼念,讀者花朗咁話:「我一睇到呢頁,個腦係標出一句:『那故事倉猝結束不到氣絕便已安葬。』」讀者Byg Zam Lee仲搞笑到幫佢整埋車頭相,裝香供奉另加「浩氣長存」四個大字添,哈哈,真係笑到我有腹肌。好事嚟嘅!咁證明到兩件事,一,牛佬玩會員制好成功,尊貴會員真係好Care自己喺《古惑仔》裡面嘅表現;二,讀者睇書異常投入,證明港漫始終有一批死忠Fans,始終有一定吸引力。

Read more ›