Tag: 蝙蝠俠

猜猜有幾多個Superhero?

製作呢幅大作位仁兄厲害呀,居然諗到用Superhero砌個頭像出o黎,砌得出又Post埋上網,咁有o野玩o勒,不妨估估呢幅圖有幾多個Superhero?

Read more ›

韓國型爆插畫 英雄人物小童版

韓國插畫師Jang Suk-Woo嘅英雄人物圖集,堅靚。全部都係英雄大頭,風格統一,我最欣賞係所有英雄個口入面都有個小童版,型得嚟仲好得意。入面有齊美國隊長、蝙蝠俠、蜘蛛俠、再生俠、Hancock,最有型係佢所有作品都非牟利,純為興趣,亦因為咁,所以唔駛怕版權問題?佢嘅專頁1000Day入面仲有好多作品,值得一睇。

Read more ›

Batman掛牆架 唔實用但我想買呀!

成屋都係Blu-ray亂七八糟?我都係呀!所以呢個Batman掛牆架我真係有啲衝動想買。好老實,實用度就唔算高,比盡都係放倒50隻Blu-ray左右,但係掛喺牆真係幾型!至於第51-200隻Blu-ray放喺邊?咪繼續放返喺枱底、床下底同地下囉。Batman賣港幣$2200左右,未包運費o架!

Read more ›

新片速報 《蝙蝠俠》老管家訪問

《蝙蝠俠》三部曲,你可能冇乜留意呢個老管家Michael Caine。但係當蘇基攞獎你都覺得感動嘅時候,點解唔了解吓呢個三集都有出場,戲份少但重要嘅角色?呢個蝙蝠俠背後嘅男人,真人原來已經79歲,到底係為咗咩而做管家?為咗宣傳《蝙蝠俠 夜神起義》出碟,佢就做咗以下呢段3分鐘訪問。

Read more ›

新片速報 Lego足本重現《Dark Knight Rises》預告片

    蝙蝠俠套戲碟都出咗,o依家先嚟玩?你唔好理,玩得好睇有心機嘛!又係LEGO嘅stop motion影片,呢條由Paranick Filmz製作嘅預告跟足電影版,炸橋炸球場蝙蝠飛機貓女咩都有齊,留意連啲標誌都係用LEGO砌嘅,好搞鬼。

Read more ›

美版蝙蝠俠夜神起義 12/4 BD送爛罩

頂你個肺!今次中晒!美版《蝙蝠俠夜神起義》嚟緊12月4號見街,普通藍光版35.99美金($280),不過最正係佢個爛罩版,真係你老闆吖!39.99美金($310),估唔到蝙蝠俠個罩只係值三草嘢,唔怪之得佢都唔Q想撈囉!

Read more ›

[試玩報告] 蝙蝠俠手機遊戲 貓女Batpod陪玩

星期六有咩好得過喺屋企煲碟?重溫完第一、二集「蝙蝠俠」,滿心歡喜上網買飛聽日入戲院睇第三集「蝙蝠俠 – 夜神起義」,點知居然‥‥‥爆滿!得返晨早10點幾嘅場次,所以我都係叠埋心水,用手機DL隻新出嘅蝙蝠俠《The Dark Knight Rises》玩吓算。咪住先,隻game成1.79GB,嚇死人咩?

Read more ›

新片速報 蝙蝠俠 VS 美國隊長 結局有得揀

o依家真係唔可以睇少fans們自製嘅短片,之前我哋報導過條火影忍者啦,近排亦有拍街霸影片嘅單位俾Capcom睇上拍電影啦,而呢一條由Team2X同Gakattack兩個單位製作嘅,就係蝙蝠俠大戰美國隊長。撇開美國隊長件衫流流哋,蝙蝠俠就由造型到嘴部演技都極像真,加埋兩條友都食過夜粥身手幾好,就製造出呢條相當有水準嘅短片。講到最勁,就要睇到最尾,邊個打贏可以自己揀,click個掣,睇你撐有錢佬定國旗仔喇!

Read more ›

今日開訂$1,130 + $2,930 Hot Toys《夜神起義》BANE + 迷彩車

出得《The Dark Knight Rises》系列,預咗佢會出打斷蝙蝠俠腰骨嘅奸角Bane,又預咗佢會出埋架噴咗迷彩嘅暴徒車,再再預咗佢會跟埋蝙蝠俠個爛面罩。咁既然一切都係預計之內,咁即係冇問題啦?今日放工就可以出去喇,Bane開價$1,130,收訂$500;迷彩車$2,930,收訂$1,500,齊頭兩千蚊兩張單,易計吖。

Read more ›

13分鐘特輯 《The Dark Knight Rises》幕後大製作

7月19日就係Christopher Nolan導演蝙蝠俠三部曲最後一集《蝙蝠俠 夜神起義(The Dark Knight Rises)》上映之時,未知蝙蝠俠會唔會好似漫畫咁俾Bane拗斷條腰,不過炸球場、斷飛機呢啲大場面都夠晒震撼!呢條最新發佈嘅13分鐘製作特輯,就有呢啲場面嘅幕後製作花絮睇,仲有蝙蝠飛機Batwing嘅製作,仲有導演、演員訪談,仲有10日止住咳先!

Read more ›

$1,530今日開訂 HT夜神起義 1/6蝙蝠俠 DX12

Batman同Iron man可以話係香港近年最人氣美國英雄,佢哋除咗鋤強扶弱、儆惡鋤奸之外,仲不斷瞄準我哋個銀包,等我哋冇閒錢搞三搞四,安份守己踏實做人!之前講過會出嘅Hot Toys《The Dark Knight Rises》版1/6 Batman/ Bruce Wayne Collectible Figure,啱啱有相睇,個真人頭雕正到爆,仲有新、舊槍各一把同大量配件,今日$1,530開訂,據聞o依家已經排到幾層樓落到樓下,大家都爭住俾8嚿水落訂買張單呀!

Read more ›

Hot Toys 蝙蝠俠Cosbaby三集分三套

Hot Toys除咗12吋Figure外,Cute版嘅Cosbaby都有唔少捧場客。今次蝙蝠俠又嚟喇,仲一嚟九件,由05年《Batman Begins》嘅稻草人搭人樣、有面罩版蝙蝠俠之後,就有08年《The Dark Knight》兩隻小丑一隻蝙蝠俠……係,又係蝙蝠俠;再嚟,就係嚟緊上映套《The Dark Knight Rises》,有大奸角Bane、貓女同蝙蝠俠……

Read more ›

得利BD玩七折 必掃蝙蝠俠!

  你有冇個個星期掃BD或DVD習慣,有?你……唔好睇落去!得利由即日開始到下月7.19會做「夏日減價優惠」!雖然個名好流四,不過Items真係幾正吓,《蝙蝠俠》系列、《22 世紀殺人網絡》、《超人》系列、《人‧神‧魔戰》、《天姬戰》、《V煞》多套荷里活猛片做特價!,Blu-ray就七折、DVD就均一$49隻;

Read more ›