Tag: 蝙蝠俠

新片速報 超大製作婚禮 Iron Man Batman現身

新片速報 超大製作婚禮 Iron Man Batman現身

香港人結婚又要紅館式舞台又要流星雨又要馬車又要The one and the only one,做show大龍鳳真係一世人一次要上台多謝鄉親父老。外國人原來玩得仲大!呢個婚禮有大量動作場面,冇特技真功夫,仲有Iron Man同蝙蝠俠到場,睇嚟個新郎都係戲子嚟,新娘小心啲。

Read more ›

草根版蝙蝠俠 垃圾袋戰衣出巡

蝙蝠俠呢位超級英雄,細過親眼目睹父母喺街頭被殺,令佢決心操練自己打擊犯罪,如果佢無呢份決心,當日開始流落街頭,佢嘅生活又會係點呢?阿根廷一個攝影組織M.A.F.I.A.最近發表咗一套相集,主角係草根版嘅蝙蝠俠,套蝙蝠俠戰衣由黑色垃圾袋整成,下身得條黑色短褲好清涼,睇相見佢過住流浪漢嘅生活,同附近嘅居民打成一片,夜晚就天地為家瞓街。其實做超級英雄都幾攰,有時做過寫意流浪漢可能生活得仲開心。

Read more ›

網站遊戲 狂餵薯條 超級英雄變肥仔

超級英雄同女人一樣,唔時刻keep住好易走樣,最近有外國減肥公司,搵咗插畫師將超人、蝙蝠俠、蜘蛛、雷神同埋Iron Man全部變晒爆衫嘅肥仔肥佬,入到網站見倒英雄肥肥哋,旁邊撳掣有得餵佢狂食薯條,食完即刻肥足兩個碼,唔夠喉仲可以再餵,直到佢爆衫為止。睇完心都寒埋諗起自己個大肚腩?旁邊有得撳”Diet”掣,撳完英雄嘅腹肌即時出返嚟,有計喎。

Read more ›

超級英雄沉迷社交網絡 蝙蝠俠唔捉壞人玩自拍

今時今日人人手機不離身,食飯行路都要篤芒投入虛擬世界。有無諗過假如一班超級英雄出生於2013年,佢哋會點樣玩呢?設計師Ed Shems整咗一套超級英雄相集,睇見蝙蝠俠捉住個細路玩自拍、蜘蛛俠倒吊自己睇facebook,好彩超級英雄唔係生於呢個年代,否則掛住玩手機,壞人都捉少幾個。

Read more ›

超強iPhone殼 蝙蝠車識著燈識投影!

之前外國有個Ironman,已經覺得超靚,可惜得iPhone。今次Bandai出嘅「Crazy Case」系列,第1彈係蝙蝠車「CRAZY CASE BATMOBILE TUMBLER」,唉,又係iPhone。今次呢個將你部手機變成蝙蝠車嘅手機殼,唔只來電時車頭燈會閃,仲可以投射出蝙蝠俠標誌,射上天,蝙蝠俠會唔會嚟搵你?5,775円,11月22日公佈訂購詳情,3月出貨。

Read more ›
新片速報 真人Batman殺入Game舖 怒買《Batman: Arkham Origins》

新片速報 真人Batman殺入Game舖 怒買《Batman: Arkham Origins》

《Batman: Arkham Origins》今日(25日)歐美推出,官方拍咗條宣傳片,超好笑!呢位暴躁嘅Batman去到間Game舖,四周圍嗌四周圍叫,記得開聲,佢同店員啲對白好有笑點。最後,唔只一個,大量Batman到場撐場,啱喇!圍佢啦!

Read more ›

最弱雞生物變強 海牛變超級英雄

自然科學堂,海牛(Manatees)係乜?我上網搵咗少少資料,佢樣貌有啲醜,行動緩慢,不過無攻擊性,係最無助嘅大型生物之一,慘。美國設計師Joel Micah Harris決定改造佢,將佢變成一班超級英雄,效果好正,第一次見倒Iron Man、蝙蝠俠、Wonder Woman、變形俠醫變成咁嘅尊容,睇完個人好開心,仲有少少鐘意咗海牛呢種動物。

Read more ›
新片速報《Batman: Arkham Origins》倒數推出 新片有氣氛

新片速報《Batman: Arkham Origins》倒數推出 新片有氣氛

今集發行嘅Warner Bros. Games Montreal包辦埋開發,玩家都好關心質素會唔會下降咗,睇之前啲片都靠得住,睇埋呢條「Personal Mission」,感覺個氣氛都有番晒喺度。今次條片Black Mask好重戲,Batman啲黑暗面出晒嚟,過兩日可以放心買。歐美PS3/Xbox360/Wii U/PC版《Batman: Arkham Origins》10月25日出,日版就12月5日先出。其實仲有PS Vita版,不過玩法同畫面就唔係好同。

Read more ›
新片速報 17分鐘Gameplay《Batman: Arkham Origins》推出前睇辨

新片速報 17分鐘Gameplay《Batman: Arkham Origins》推出前睇辨

呢個系列前兩集都好有口碑,鍾意動作遊戲或者係Batman迷可以放心買。今次由Warner Bros. Games Montreal開發,之前由佢發行,應該都好了解遊戲優點喺邊,都有啲信心。如果都仲係擔心,可以睇睇呢條17分鐘實機遊戲影片先。歐美PS3/Xbox360/Wii U/PC版《Batman: Arkham Origins》10月25日出,日版就12月5日先出。另外,入嚟仲可以睇埋最新嘅廣告片,都拍得唔錯。

Read more ›

靚媽愛心便當 配菜一絲不苟

得意便當經常介紹,不過對我嚟講真係百睇不厭o架,頭先上網又識到另一個靚媽,佢叫Lee Samantha,作品題材好廣泛,而且睇落好好味,連旁邊嘅配菜都好有心思,我最鐘意海棉寶寶同埋蝙蝠俠,又靚又得意!之所以咁好心機,原來因為大女食嘢時成日唔專心,唯有花啲心思引吓佢,好sweet好warm,可惜我細細過已經好為食食親嘢都超專心,無機會測試吓我媽咪嘅愛心程度。

Read more ›
20吋長腿枱燈   Superman蝙蝠俠忽然變性?

20吋長腿枱燈 Superman蝙蝠俠忽然變性?

一間房最多只可以裝一盞枱燈,偏偏我上網見倒最多嘅得意產品就係枱燈,點算?今次呢款重點放喺隻20吋嘅長腿度,有Superman同埋Batman兩款,大約賣港幣$240左右,但係相信你同我有同一個疑問,橫睇掂睇,呢隻都係一對女人腳,我唔信Superman隻腳可以咁幼,不如下次出埋Catwoman、Wonder Woman或者黑寡婦啦。

Read more ›

新片速報《Batman The Dark Knight》變8 Bit遊戲 劇情全記錄

新片速報《Batman The Dark Knight》變8 Bit遊戲 劇情全記錄

繼《Iron Man》之後,今次變成8 bit遊戲版嘅係《Batman The Dark Knight》。玩就冇得玩喇,不過佢就將全套電影變成任天堂紅白機版遊戲咁,由小丑打劫銀行到最後墮樓都有,如果有得玩,3分幾鐘爆機……

Read more ›

超級英雄變慈父 拯救地球要押後

九月開學,阿爸阿媽又開始送仔囡返學。一班英雄人物都無得抖,法國插畫師Andry Rajoelina呢輯「超級家庭系列」,蝙蝠俠、Wonder Woman變晒湊仔公湊仔婆,唔知點解我覺得佢哋嘅背影幾分無奈。行快啲啦,我趕住去拯救地球o架!

Read more ›

超人頹爆生活 流落街頭煲煙吹水

長居加洲嘅藝術家William Wray呢輯超級英雄風景畫好有情調,有蜘蛛俠、蝙蝠俠、美國隊長同埋Super girl,全部都係佢哋收咗工,同朋友坐喺街邊吹水、一個人喺街游盪嘅情況,同我哋普通人嘅生活差唔多,悶到抽筋灰到爆,都係去返做英雄拯救地球有門手藝好啲。

Read more ›

新片速報 紙皮重製 Homemade「Tim Burton」版《蝙蝠俠》

Homemade Movies又嚟,今次重拍對象係Tim Burton版嘅《蝙蝠俠》,一貫低成本風格,就連蝙蝠俠個頭罩都係用紙皮造,睇嚟最貴應該係佢套衫。入嚟除咗有原片比較外,仲有幕後製作影片,想知個紙皮面罩點整就要睇喇。

Read more ›