Tag: 蜘蛛俠

蜘蛛俠電子T恤 有人埋身自動震

蜘蛛俠嘅Spider sense可以令佢對危險作出超快速反應,平時反應緩慢嘅我哋,都可以考慮買呢件蜘蛛俠電子T恤,件T恤本身無乜特別,全靠後面一個感應器,將佢夾喺頸後位置,當有人埋身就會震震吓提醒你,敵人行得越近仲會震得越快,嘩,咁行一轉旺角應該會震到頸都斷。ThinkGeek有得賣,開價港幣$300左右,十月返貨。

Read more ›

新片速報 《The Amazing Spider-Man 2》奸角SDCC現身

新片速報 《The Amazing Spider-Man 2》奸角SDCC現身

美國聖地牙哥Comic-Con都幾大件事,套套猛片都有新料發佈。好似呢套《The Amazing Spider-Man 2》,繼之前Mary Jane話易角之後,由Andrew Garfield做男主角Peter嘅新蜘蛛俠系列作第2集預告今次輪到奸角做主角,條片名為「Electro Lives」,睇個名都知係邊個啦?

Read more ›

新片速報 蜘蛛俠插花王 一轉身射個三分波

我明,蜘蛛俠嘅運動神經係會比平常人強好多,但呢個Cosplayer嚟咋喎!係,呢位唔怕熱唔怕侷著住全套蜘蛛俠緊身衫嘅籃球員,佢插花出神入化,走籃左右開弓,一轉身雖然唔係三分波,卻勝在夠準。呢條片隻蜘蛛仔不斷挑人機1 on 1,玩到啲對手連個波都唔知去咗邊,實在係勁!不過我估佢幾大陣汗味……最後一提,呢個「Professorlive」頻道,好多好勁嘅籃球片,你喜歡籃球嗎?

Read more ›

Gwen Stacy著死亡之褸《The Amazing Spider-Man 2》片場相片再流出

呢個由Andrew Garfield做男主角嘅《The Amazing Spider-Man》,第2集下年5月2日上,o依家拍緊。啱啱網上又有新劇照流出,今次就見到演Gwen Stacy嘅Emma Stone,而且仲有傳媒發現佢身上著嗰件褸同1973年發行第121期漫畫中佢被綠魔所害時著嘅褸係一樣,莫非……

Read more ›

蜘蛛女誘人爬牆 cosplay去倫敦MCM

點解蜘蛛俠識一字馬爬牆咁誘惑架?呢個叫Kerraldine Holland嘅Spider girl,最近爬咗去倫敦嘅MCM Comic Con,身手好不特止,身形仲唔肥唔瘦啱啱好。好彩佢無學正宗蜘蛛俠咁包埋個頭咁浪費。Kerraldine Holland之前仲cos過街霸嘅Cammy,facebook仲搵倒佢影過嘅內衣硬照,不過後者唔關動漫事,我當然唔會舖啦,不過我舖咗佢嘅fb link,自己上去探險啦。

Read more ›

網圖分享 慘慘慘!超級英雄變民工!

中國周圍都係基建,民工起樓打樁搭橋,險象百出,有人為兩餐,甚至要吊喺半空食飯盒,呢啲係真人真事,聞者心酸,見者未必流淚,但總令人扼腕嘆息。

Read more ›

片場照流出《The Amazing Spider-Man 2》第2集玩蜘蛛仔

由Andrew Garfield當男主角Peter嘅蜘蛛俠系列作《The Amazing Spider-Man》第2集會喺2014年5月2日上映,咁o依家就已經開拍緊喇。最新片場照片流出,第一次見到第2集嘅蜘蛛俠造型,基本上都係Ultimate Spider-Man漫畫嘅大白眼樣,而相片之中仲見到未做電腦特效嘅角色,同埋一個小朋友蜘蛛仔,莫非今次講佢收o靚?

Read more ›

Iron Man出圍裙 現腹肌再露底

Iron Man真係無處不在,賺錢能力超強。繼推出USB、電話殼、滑鼠後,啱啱喺網上又見倒Iron Man,不過今次係出圍裙!著住佢出入廚房,型之餘睇落仲成個人瘦晒,咦,點解有肌肉、著底褲嘅?原來係Marvel授權嘅漫畫版Iron Man,仲有美國隊長、蝙蝠俠同埋蜘蛛俠,全部都係A&F男模嘅身形,著起好有滿足感。

Read more ›

女英雄人體彩繪 藝術攝影塗上身

Cosplay唔一定要著晒成副武裝上身,人體彩繪喺我眼中都係cosplay嘅一種,而呢輯外國藝術家JKB Fletcher拍攝嘅女英雄人體彩繪,堅係正。將英雄人物嘅主要色系塗上女模等兒嘅面或者身體,有蝙蝠俠、蜘蛛俠、superman‥‥‥加埋特別燈效同攝影技巧,藝術感十足,睇時請唔好戴有色眼鏡。

Read more ›

超想要!英雄keyboard貼紙 i=Ironman

好靚好想買!日日對住個Keyboard打字,我真係好想要新鮮感呀!呢套keyboard貼紙,有一堆Q版英雄例如Batman、Superman、小丑、蜘蛛俠等等,你搵唔搵倒Ironman?係咪好細心先? 售價唔貴,$12美金,Etsy網站有得買,不過佢話只適用於13吋、15吋MacBook同埋大部份MacBook Air,我唔係Mac友,點算?

Read more ›

蜘蛛俠3D畫續作 3D飛毯現身意大利

我認我有特殊癖好,對於大型嘅3D圖畫我特別有興趣,好似之前整過蜘蛛俠3D畫嘅藝術家Kurt Wenner,最近整咗呢幅「The Flying Carpet」放喺意大利小鎮Bettona,睇到我擘大個口得個窿。點解個人可以坐喺張咁真實嘅毯上面呢?好神奇,我都好想親身試吓,可惜我有畏高。入嚟有Kurt Wenner作品回帶,我會稱佢為3D魔術師。

Read more ›

左忍者龜右蜘蛛俠,門神走樣!

新正頭,零舍多關於新年嘅搞笑相片,有人連貼喺門口嗰兩位門神都惡搞一番,將傳統高大威猛烱烱有神嘅中國武將,變成忍者龜同蜘蛛俠,吹脹!

Read more ›

猜猜有幾多個Superhero?

製作呢幅大作位仁兄厲害呀,居然諗到用Superhero砌個頭像出o黎,砌得出又Post埋上網,咁有o野玩o勒,不妨估估呢幅圖有幾多個Superhero?

Read more ›

韓國型爆插畫 英雄人物小童版

韓國插畫師Jang Suk-Woo嘅英雄人物圖集,堅靚。全部都係英雄大頭,風格統一,我最欣賞係所有英雄個口入面都有個小童版,型得嚟仲好得意。入面有齊美國隊長、蝙蝠俠、蜘蛛俠、再生俠、Hancock,最有型係佢所有作品都非牟利,純為興趣,亦因為咁,所以唔駛怕版權問題?佢嘅專頁1000Day入面仲有好多作品,值得一睇。

Read more ›

英雄秘密生活 挖鼻刷牙裝假狗

喺高官會僭建,名人會影裸照嘅年代,英雄刷牙挖鼻裝假狗有咩出奇?外國藝術家Greg Guillemin創作出名為「The Secret Life of Superheroes」嘅插畫系列,將Marvel同埋DC英雄鮮為人知嘅一面展露人前。入面見倒蝙蝙俠刷牙、超人挖鼻孔、Wonder Woman拯救地球前裝假狗,再大膽啲蝙蝙俠基情橫溢打車輪同埋露點相都有。藝術有價,所有8”X9”嘅Art Print賣$18美金起,講真,我都想買一輯返屋企珍藏。

Read more ›