Tag: 蜘蛛俠

網圖分享:大肚腩的動漫人物

本網站向以下動漫人物疾呼:「要Keep fit喇!」無計呀,肥就是罪,瘦就是美,家陣價值觀就係咁,唔Keep fit,你們就再不趣緻,無人鍾意架嘞。

Read more ›

新片速報《The Amazing Spider-Man 2》又有新預告 大細蜘蛛現身

新片速報《The Amazing Spider-Man 2》又有新預告 大細蜘蛛現身

早兩個星期,《The Amazing Spider-Man 2》預告片現身,裏頭勁多Ester Egg,當中有Doctor Octopus做幕後黑手之餘,仲有隱藏網址,係一個倒數網……好喇,今日又有新預告登場,一開頭一樣都係蜘蛛俠背部飛落街,但之後幾幕都同之前唔同,例如佢喺睡房扮瞓覺,又例如呢一幕小蜘蛛俠出場。電影喺下年5月2日上映嘅Electro、犀牛人Rhino同綠魔Green Goblin大混戰!

Read more ›
蜘蛛俠殺入時代廣場 2014新年倒數播預告

蜘蛛俠殺入時代廣場 2014新年倒數播預告

咪開心住,呢個時代廣場,係美國紐約嗰個。為宣傳下年5月上映嘅《The Amazing Spider-man 2》,今年蜘蛛俠就會成為Times Square 2014嘅「Official Super Hero」。除咗倒數,到時仲會有最新未曝光嘅預告喺大電視度播!

Read more ›

新片極速報 《The Amazing Spider-Man 2》完整版2:41預告!

早兩日睇完30秒先行版,今日終於有最新完整版兩分幾鐘睇!下年5月2日上映嘅《The Amazing Spider-Man 2》,之前睇海報都見到有三個敵人登場,今次預告就見到晒Jamie Foxx嘅Electro、犀牛人Rhino同綠魔Green Goblin真身!

Read more ›

網站遊戲 狂餵薯條 超級英雄變肥仔

超級英雄同女人一樣,唔時刻keep住好易走樣,最近有外國減肥公司,搵咗插畫師將超人、蝙蝠俠、蜘蛛、雷神同埋Iron Man全部變晒爆衫嘅肥仔肥佬,入到網站見倒英雄肥肥哋,旁邊撳掣有得餵佢狂食薯條,食完即刻肥足兩個碼,唔夠喉仲可以再餵,直到佢爆衫為止。睇完心都寒埋諗起自己個大肚腩?旁邊有得撳”Diet”掣,撳完英雄嘅腹肌即時出返嚟,有計喎。

Read more ›

超級英雄沉迷社交網絡 蝙蝠俠唔捉壞人玩自拍

今時今日人人手機不離身,食飯行路都要篤芒投入虛擬世界。有無諗過假如一班超級英雄出生於2013年,佢哋會點樣玩呢?設計師Ed Shems整咗一套超級英雄相集,睇見蝙蝠俠捉住個細路玩自拍、蜘蛛俠倒吊自己睇facebook,好彩超級英雄唔係生於呢個年代,否則掛住玩手機,壞人都捉少幾個。

Read more ›

X光筆得棚骨 Iron Man / 蜘蛛俠透視圖

有無諗過Iron Man、蜘蛛俠、美人魚、美少女戰士得番棚骨會變成點?法國插畫師Chris Panda喺Facebook開咗個X-ray Serie,將一班動漫主角變成X光下嘅透視圖,講真,都幾難畫,我唔肯定佢畫得準唔準確,因為我無見過蜘蛛俠嘅X光圖。不過我反而好奇佢出街時,會唔會忍唔住用對X光眼望人?佢最近仲同外國網iheartgirls.com合作畫咗幅機械女model相,個人認為幾吸引,好睇過得棚骨喎。

Read more ›

蜘蛛俠做消防員《The Amazing Spider-Man 2》官方新劇照

下年5月2日上映嘅《The Amazing Spider-Man 2》,啱啱官方有新劇照公開,唔好以為呢張蜘蛛俠戴消防帽嘅相係假,真係劇照嚟!除咗Andrew Garfield嘅蜘蛛俠,仲有Jamie Foxx嘅Electro同Emma Stone演嘅Gwen Stacy。BTW,蜘蛛俠出名窮,唔係去咗做消防啩?

Read more ›

超級英雄做Part Time 蜘蛛俠補網球拍 Iron Man燙衫

每個月份糧唔呼吸都跌咁一半,搵份part time是常識吧。咁無人工收嘅超級英雄,如果做part time可以揀乜嘢工作呢?馬來西亞設計師好認真思考咗呢個問題,仲幫佢哋盡展所長搵咗份工。雷神梗係用鐵槌揼鐵啦,蜘蛛俠就去修補網球拍、閃電俠就去派pizza,咁Iron Man呢?原來係幫人燙衫,好爛呀!

Read more ›

霸氣盡現!蜘蛛俠頭盔 美國交通部獲准使用

今次真係又要威又要戴頭盔,呢款蜘蛛俠頭盔由Dony Custome設計,勁在連美國交通部都獲准使用,即係你可以攞正牌戴住佢揸電單車扮蜘蛛俠,引嚟大家豔羨目光又不失霸氣,絕對唔怕比人截停查車牌身份證。頭盔仲有紅、藍、黑三隻色任揀,唔係唔買紅色呀?至於套衫點襯,睇你有幾大膽啦。

Read more ›

超人頹爆生活 流落街頭煲煙吹水

長居加洲嘅藝術家William Wray呢輯超級英雄風景畫好有情調,有蜘蛛俠、蝙蝠俠、美國隊長同埋Super girl,全部都係佢哋收咗工,同朋友坐喺街邊吹水、一個人喺街游盪嘅情況,同我哋普通人嘅生活差唔多,悶到抽筋灰到爆,都係去返做英雄拯救地球有門手藝好啲。

Read more ›

神級cosplay《蜘蛛俠》血蜘蛛Carnage奸到出血

cosplay之中呢個我真心佩服,初頭以為係figure,睇真啲先知原來係真coser,居然夠膽cosplay《蜘蛛俠》最大敵人血蜘蛛Carnage,有睇開漫畫都知,Carnage出名超變態,連環殺死11個人,造型亦極之核突嘔心,呢類大反派平時好少人扮,仲要扮到咁入型入格,勁專業。補充一句,之前有傳占基利將會喺《The Amazing Spider-Man 2》飾演血蜘蛛Carnage,睇完呢個造型千祈唔好有幻想,造型肯定無呢個咁勁,喂,如果睇唔倒樣,駛乜搵佢拍?

Read more ›

新劇照發佈《The Amazing Spider-Man 2》下年有排等

想蜘蛛俠出現喺復仇者,唉,除非Sony同Marvel合作,否則都好難。蜘蛛俠唯有繼續孤軍作戰啦,呢套由Andrew Garfield做男主角Peter嘅新蜘蛛俠系列作第2集《The Amazing Spider-Man》,下年5月2日上映,啱啱官方就有新劇照發佈。

Read more ›

童年崩壞 Hello Kitty切腹 Winnie the Pooh吊頸

星期日想睇啲得意嘢氹自己開心?我都係!外國設計師Patricia Waller好鍾意整針織公仔,經佢手嘅粒粒巨星,最吸引係「Broken Heroes」系列,有Hello Kitty、蜘蛛俠、海棉寶寶等,不過全部唔係自殺就係極之潦倒,例如Hello Kitty切腹自盡、Winnie the Pooh吊頸、超人撞牆而死、蜘蛛俠比自己啲蜘蛛網困住‥‥‥佢仲威到喺德國搞展覽,不過可能搵夠,亦可能係藝術家脾氣,最近網站好耐無更新,唯有睇返佢以前嘅作品開心吓。

Read more ›

蜘蛛俠遊樂場任爬 65呎高空腳仔軟

有無諗過可以好似蜘蛛咁喺高空摛高摛低?阿根延裝置藝術設計師Tomás Saraceno最近整咗個27000平方嘅超大型蜘蛛網「In Orbit」,擺放喺德國Düsseldorf嘅K21博物館,參觀者可以走入網內,甚至坐喺一個個好似星球球體嘅網狀物上面睇風景;要喺網上面行都要好大勇氣,因為足足離地面有65呎高,好易腳軟。安全方面唔駛擔心,Tomás Saraceno用咗三年時間設計,除咗諮詢建築師工程師之外,連專門研究蜘蛛嘅專家都問勻,可惜香港無得玩,睇咗當去咗啦。

Read more ›