Post Tagged with: "蜘蛛俠"

蜘蛛俠惡搞憤怒貓    騎膊馬玩肚超無奈
by / on 03/12/2014 at 7:21 am

蜘蛛俠惡搞憤怒貓 騎膊馬玩肚超無奈

呢輯相由Twitter用戶@tks1783發佈,自從佢喺Hot Toys買咗呢隻蜘蛛俠figure,屋企3隻貓大哥嘅惡夢就正式開始。蜘蛛俠又騎膊馬又玩人哋個肚,搞到貓大哥們皺晒眉無覺好瞓,陰功豬。話時話,如果蜘蛛俠出動蜘蛛網,貓大哥應該會好興奮出爪,然後又會勾住咗隻手郁唔倒‥‥‥諗起都想睇。

Read more ›

新片速報 超感人!病童只剩1年命 蜘蛛俠阿爸天台跳落嚟
by / on 18/11/2014 at 5:16 pm

新片速報 超感人!病童只剩1年命 蜘蛛俠阿爸天台跳落嚟

睇呢段新聞,真係睇到眼濕濕。呢位喺英國英格蘭東南部Hampshire生活嘅5歲小朋友Jayden Wilson,佢因為患咗腦幹腫瘤,而且8月睇醫生時已經去到第4期,所以醫生診斷佢只可以活到1年……係,聽見都覺得傷心,但眼前嘅生活都要過,佢爸爸就用盡方法要佢開開心心體驗更多。佢阿爸Mike Wilson知阿仔鍾意Spider-Man,於是趁佢生日就俾個驚喜佢,等佢行出門口時喺屋頂跳落嚟!本身玩開parkour嘅佢安全落地,而佢仔仔都夠晒驚喜,佢話:「當我跳落嚟之後,佢嘅表情就係我幻想中嘅表情,好震驚,同時好開心。」相信喺佢囝囝心目中,比起蜘蛛俠,佢先係真英雄!入嚟有佢嘅facebook,仲有籌款網站,俾啲支持佢哋兩父子啦!有英雄嘅地方就有奇蹟,加油!

Read more ›
官方合作!《進擊之巨人》X《蜘蛛俠》艾倫殺入Marvel世界
by / on 04/11/2014 at 12:14 pm

官方合作!《進擊之巨人》X《蜘蛛俠》艾倫殺入Marvel世界

嘩唔同時代喎!但真係喎,仲出埋張圖添。今日喺Mavel嘅C.B. Cebulski個Twitter就出咗圖,證實呢個《進擊之巨人》同日本Marvel Universe嘅官方合作,講真又係喎,Spider-Man對巨人,阿蜘蛛俠啲蜘蛛絲都有立體機動裝置嘅功效吖。

Read more ›
河南都有蜘蛛俠 好人好事執垃圾
by / on 25/10/2014 at 6:54 pm

河南都有蜘蛛俠 好人好事執垃圾

香港有蜘蛛仔,掛起香港人訴求旗幟喺獅子山,好有心,o依家山上冇旗,但我哋心中都緊記大家嘅目標喇。之後集會地帶,亦都有蜘蛛俠出現,Cosplayer,但都為集會者帶嚟一陣興奮!大陸呢?你可能會繼續話佢山寨咁醜樣,但其實呢兩位都係好人嚟,佢哋喺河南景區工作,扮成蜘蛛俠喺懸崖絕壁上面報垃圾,就係為咗更多人注意到佢哋,希望大家注意環保,唔好亂拋垃圾。一樣好人好事,一樣英雄。

Read more ›
4年後見蜘蛛俠!《The Amazing Spider-man 3》首張海報曝光
by / on 22/10/2014 at 10:26 am

4年後見蜘蛛俠!《The Amazing Spider-man 3》首張海報曝光

《The Amazing Spider-man》頭兩集評價都唔錯,不過Gwen Stacy死嗰一幕,應該令唔少冇睇漫畫嘅蜘蛛迷心碎,唯有期待Mary Jane擔正啦。第3集,《The Amazing Spider-man 3》首張海報啱啱出咗喇,上面寫住:「The Greatest Battle Lies Within」正如我哋噚日報道嗰張「超級英雄電影時間表」一樣,等到2018年6月先有得睇,到時Sony會唔會大發慈悲俾蜘蛛仔加入復仇者聯盟?

Read more ›
韓國Spider-Man倒吊勃起 製作者誓不低頭
by / on 07/06/2014 at 10:53 pm

韓國Spider-Man倒吊勃起 製作者誓不低頭

呢個Spider-Man,喺上年已經倒吊放咗喺一個商場外牆度。咁遠睇係冇乜嘢吖,好似倒吊爬喺個窗度,但近排就有網民留意到,呢個Spider-Man雕像下體有啲唔妥,係,係好凸出。之後商場就收到好多投訴,咁佢哋唯有要求製作者Eunsuk Yoo一係作修改,一係就要拆番落嚟。製作者就喺facebook回應話佢只係想將呢個正常物理現象放落呢個蜘蛛俠度,如果一定要佢修改,佢情願拆番落嚟……

Read more ›

新片速報《The Amazing Spider-Man 2》片尾Easter Egg《X-Men》亂入
by / on 06/05/2014 at 12:53 pm

新片速報《The Amazing Spider-Man 2》片尾Easter Egg《X-Men》亂入

睇咗《The Amazing Spider-Man 2》未?如果你睇咗,但冇睇到Credits之後嘅Easter Egg,入嚟有得睇番;就算你未睇,呢條都唔算係有劇透,一樣可以當係《X-Men: Days of Future Past》嘅預告片(!?)睇吓,因為其實段片冇蜘蛛俠份……係喎!蜘蛛俠喺電影世界都有朋友喎!

Read more ›
新片速報 《The Amazing Spider-Man 2》男女主角 電視節目即場表演濕吻
by / on 05/05/2014 at 10:05 pm

新片速報 《The Amazing Spider-Man 2》男女主角 電視節目即場表演濕吻

唔只濕,仲伸晒脷,好重口味。不過兩位主角本身係情侶,寓宣傳於娛樂,真係似乎冇乜所謂。喺啱啱周末嘅《Saturday Night Live》,就請咗Andrew Garfield、Emma Stone兩位上去,喺熒幕前面示範接吻,佢哋真係玩得好奔放……

Read more ›
新片速報   蜘蛛俠突入復仇者聯盟?   《Disney Infinity 2.0》秋天推出
by / on 03/05/2014 at 1:19 pm

新片速報 蜘蛛俠突入復仇者聯盟? 《Disney Infinity 2.0》秋天推出

迪士尼收購Marvel後,我覺得最傷心係推出遊戲《Disney Infinity》,超級英雄全部變晒cute版,不過小朋友似乎幾buy,因為迪士尼宣佈秋季會有新一集《Disney Infinity: Marvel Super Heroes (2.0 Edition)》登場,網上有新trailer睇。今集唔玩毛毛大眼仔胡迪,全部變晒超級英雄,由於齊晒腳,十足復仇者聯盟卡通版。最驚喜係片尾見倒蜘蛛俠突入!睇嚟要見倒蜘蛛俠同復仇者聯盟同場,可能都係要靠喺《Disney Infinity》入面先見倒。遊戲將會喺PS4/PS3/Xbox One同Xbox 360平台推出。

Read more ›
新片速報 《Spider-Man 3》找錯處 13分鐘睇晒
by / on 30/04/2014 at 8:18 pm

新片速報 《Spider-Man 3》找錯處 13分鐘睇晒

其實,我覺得《Spider-Man 3》幾好睇,可能我膚淺,見到綠魔幫拖打沙人一莫,有少少激動。CinemaSins又嚟喇,繼舊版第1集之後,嚟到舊版第3集,「Everything Wrong With Spider-Man 3」,13分鐘內挑戰原片過百個所謂破綻位,有幾多你同意?睇完聽日就去睇Amazing第2集啦!

Read more ›
歷代蜘蛛俠造型回顧    全黑蜘蛛夠特別
by / on 24/04/2014 at 7:20 am

歷代蜘蛛俠造型回顧 全黑蜘蛛夠特別

《蜘蛛俠2:決戰電魔》就嚟上,你會睇2D定3D版?決定之前,我比較想翻睇返第1集先,另一方面,外國網Halloween Costumes就同大家嚟個回顧,將歷代蜘蛛俠晒冷,原來1962年第一個造型,腋下喺有個蹼,好似對翼咁款,不過已經有蜘蛛面具戴。除咗紅藍色主色調之外,全黑色嘅蜘蛛俠你又見過未?入嚟有infographic慢慢睇。

Read more ›

新片速報 《Spider-Man》11分鐘睇細微位
by / on 23/04/2014 at 5:37 pm

新片速報 《Spider-Man》11分鐘睇細微位

又嚟「Everything Wrong With」,上次《22世紀殺人網絡》俾人鬧爆,話佢自己睇唔明就話人係Bugs,今次舊版《Spider-Man》就冇咁亂嚟喇,11分鐘睇晒第1集嘅細微位。今次又有幾多你係認同?BTW,其實多人鍾意舊版多啲定新版多啲?

Read more ›
政客扮蜘蛛俠爬樓拉票   市民反應一般
by / on 13/04/2014 at 11:29 am

政客扮蜘蛛俠爬樓拉票 市民反應一般

最近蜘蛛俠大熱,連帶好多抽水事件都陸續發生。好似呢位喺印度孟買參選嘅政客Gaurav Sharma,為咗拉票居然cosplay成蜘蛛俠,仲真係爬上樓同選民握手,現場反應似乎麻麻哋熱烈,雖然我幾欣賞佢嘅大膽作風,但係佢cosplay得似乎有啲hea,下身仲著牛仔褲,下次做戲做全套嘛。

Read more ›
香港開賣《The Amazing Spider-Man 2》3D眼鏡扮蜘蛛仔
by / on 08/04/2014 at 4:07 pm

香港開賣《The Amazing Spider-Man 2》3D眼鏡扮蜘蛛仔

講真,有時有得揀,放工鬼死咁攰我係情願睇2D嘅,如果唔係對眼就仲赤。不過呢副《蜘蛛俠2:決戰電魔》嘅限量珍藏版3D眼鏡就真係幾吸引,超大眼仔戴咗可以扮蜘蛛俠睇蜘蛛俠,好正!至於其他兩款……踏實啲囉。3款售價各$45,全線百老匯/ PALACE/ AMC戲院票房有售。

Read more ›
礦泉水廣告 《The Amazing Spider-Man》蜘蛛俠變BB版
by / on 06/04/2014 at 3:35 pm

礦泉水廣告 《The Amazing Spider-Man》蜘蛛俠變BB版

記唔記得太約1年前,evian有個廣告係一班大人喺塊鏡前面變番晒做BB仔?唔記得可以入嚟回帶。今年又有新版,今次係「evian Spider-Man – The Amazing Baby & me 2」,玩蜘蛛俠新電影,放咗上網5日已經有600萬個views,都話賣萌冇衰。

Read more ›