Tag: 蜘蛛俠

【點少得蜘蛛俠】動漫角色機械化 超強插畫師二次創作

外國插畫家Jake Parker之前都試過將Star Wars角色變晒做怪物(入嚟有回帶),今次佢就改畫機械人,將蜘蛛俠、比卡超、瑪利奧大叔、大眼仔、唐老鴨、小飛俠統統變成機械人,畫功都幾正,其中有個角色仲零違和感,佢就係高達嘞‥‥‥

Read more ›

「雷神」遇上「蜘蛛俠」 Chris Hemsworth「ig」齊噴蜘蛛絲

嘩,「雷神」同新版「蜘蛛俠」咁快有對手戲?係呀,不過唔係Marvel角色,而係喺今個月上映嘅《In The Heart Of The Sea》。「Thor」Chris Hemsworth啱啱就喺個人Instagram放咗呢張同新版「Spider-Man」Tom Holland嘅合照,兩個仲要擺出噴蜘蛛絲動作!唔知佢哋幾時先可以喺Marvel電影世界度合演呢?另一方面,喺之前公開嘅《Captain America: Civil War》預告片中,未見將會首次登場嘅蜘蛛俠踪影,而喺早前一個訪問中,「美國隊長」Chris Evans就嚇一嚇大家:「You never know with Marvel…Sometimes they shoot things and then don’t use them.」不過「Iron Man」Robert Downey Jr.亦都喺訪問中漏咗口風,話蜘蛛仔會登場……咁我都係信「Iron Man」嗰邊啦。

Read more ›

喵星人與唱片舖 日本做喵真幸福

唱片舖買少見少,人人都用音樂串流,撳個掣即時聽,反而令人好懷念行唱片舖買CD嘅日子。呢幾日好多日本網友RT呢幾張相,除咗因為唱片舖,更主要係因為主角係喵星人,總共有4張圖,分享咗唔同喵星人喺唱片舖懶洋洋嘅得戚樣。睇班喵星人不問世事攤喺唱片套上面瞓覺嘅相,好寫意,仲帶有幾分文青feel,重點係:「喺日本做貓真幸福!」

Read more ›

蜘蛛俠惡搞喵星人 又趴又擒好煩膠

如果屋企有養寵物,又咁啱有好多玩具嘅話,好似呢位日本網友咁影吓相都幾好玩,仲好多人RT添。佢叫@xxhama2,屋企有貓有狗,睇相見佢應該仲好鍾意蜘蛛俠,因為佢成日拎隻蜘蛛俠嚟惡搞兩隻小動物。例如放粒狗零食喺蜘蛛俠隻手度引隻狗狗,或者迫蜘蛛俠趴喺喵星人個身度搞佢,將蜘蛛俠嘅潛能無限發揮。睇見喵星人個無奈樣,我諗佢好憎蜘蛛俠,好想講:「走開啦喵。」

Read more ›

【能力越大】官方公佈新蜘蛛俠人選 Tom Holland「IG」影片顯身手

好喇,咁新「Spider-Man」會喺2016年5月6日上映嘅《Captain America: Civil War》首次亮相,開拍咗喇喎,都係時候要有人選啦,終於,Sony、Marvel合作嘅新蜘蛛俠人選公佈喇,係19歲英國演員Tom Holland,佢2012年同Naomi Watts、Ewan McGregor演過《The Impossible》,亦都啱啱同雷神Chris Hemsworth拍完《In the Heart of the Sea》……咁佢演Peter Parker同之前嘅Tobey Maguire、Andrew Garfield最大分別可能係佢嘅身手,佢喺Instagram放咗唔少動作影片,又空翻又盛,係幾勁,咁唔駛特技啦,嚟香港拍殺破狼啦。最後講多句,新Spider-Man嘅Solo電影,要等到2017年7月28日。

Read more ›

【有片】Spider-Man空翻失手 阿根廷死小孩狂笑

做英雄難,扮英雄都好難。好似呢位阿根廷蜘蛛俠咁,本來去一個小朋友生日派對表演,著晒全套衫加對波鞋又空翻又踩牆,但當打咗幾個空翻之後,有一吓佢就失咗手,趴咗喺地下嘅佢郁都唔郁,但班小朋友仲以為佢好搞笑……到最後,佢都叫有啲反應,希望佢冇事啦,但見佢落地嗰吓都幾傷……手都冇撐吓。

Read more ›

毛澤東變美國隊長 中美英銀紙二次創作

鍾意畫銀紙嘅藝術家都唔少,之前介紹過Aslan Malik同Mark Wagne,最近有呢位Alessandro Rabatti,佢嘅Facebank系列,將中、美、英嘅銀紙變臉,仲搵咗毛澤東嚟玩,毛主席變完美國隊長變蜘蛛俠,仲有英女皇變Joker小丑,手藝唔錯,雖然以美國隊長嚟講,主席確係肥咗少少。不過呢,方丈份人好小氣,毛主席唔可以亂同呢啲外國勢力掛勾,好彩Alessandro Rabatti你唔係住喺中國,否則網都無得你上呀。

Read more ›

新片速報 蚯蚓變蜘蛛俠 口吐白絲好核突

好核突!呢條紅色拍片者話呢條係「marine ribbon worm」嘅嘢,最近好多外國網報導,佢核突在會嘔出一啲好似樹根嘅白色物體出嚟,好似蜘蛛俠。據專家講,佢吐出嚟嘅物質主要係用嚟鎖住獵物然後一啖吞落口,如果真係marine ribbon worm嘅話,佢都算細條,因為最長嘅可以去到30米,有無興趣養返條?

Read more ›

新Spider-Man候選演員曝光 邊個加入復仇者?

其實我覺得Andrew Garfield有啲慘,佢都唔係演得太差吖?不過做完兩集之後,因為Sony同Marvel傾掂數,佢就冇份加入復仇者聯盟喇。咁新嘅《Spider-Man》邊個演?外國網站就實甩甩話已經有5位候選人,包括Nat Wolff (The Fault In Our Stars)、Asa Butterfield (Hugo, Ender’s Game)、Tom Holland (The Impossible)、Timothee Chalamet (Interstellar)同Liam James (The Way Way Back) ,大家覺得點?至於佢幾時出動,據知就係最快喺《Captain America: Civil War》會見到佢。

Read more ›

新片速報 無名真英雄 扮蜘蛛俠探訪流浪漢

最近好多Marvel英雄做善事,噚日飾演Iron Man嘅Robert Downey Jr.送義肢比殘疾fans好感人,其實無名英雄仲有好多,好似呢位喺英國Birmingham出現嘅蜘蛛俠,佢係一個20歲左右喺酒吧工作嘅年青人,唔駛返工嘅日子,就會著上蜘蛛俠制服,為街上嘅流浪者送上三文治,佢話唔需要大家捐款資助佢,只需要身體力行,多啲關心露宿者就夠。而之所以打扮成蜘蛛俠,除咗因為佢係漫畫迷之外,仲因為佢發現咁做會令收到嘅人更加開心更有力量。用自己嘅微薄力量,令更多人關注社會問題,其實人人都可以係英雄。

Read more ›

新片速報 蜘蛛俠版!?《Avengers: Age of Ultron》新預告

香港4月23日上映嘅《Avengers: Age of Ultron》,噚日有新預告睇,大家都睇咗啦?但有蜘蛛俠嘅版本呢?入嚟有得睇。雖然蜘蛛俠已經宣佈加入Marvel電影,但冇咁快喺呢集見到佢(希望有彩蛋驚喜啦!),所以呢條片都唔係官方嘅,但剪接得都幾好,幻想吓先啦。另外,IGN都出咗新預告嘅回帶版,逐部詳盡解構!入嚟睇埋。

Read more ›

新一套《Spider-Man》 傳聞做主角 Dylan O’Brien未聽過

其實我覺得Andrew Garfield有啲可憐,本來預定繼續拍落去嘅Amazing Spider-Man,o依家肯定冇喇。早前Marvel同Sony傾掂數,新系列蜘蛛俠會喺2017年7月28日上映,而且仲會投入Marvel嘅復仇者電影世界,令fans勁期待啦!不過主角就一定要換喇,有傳聞就係會由《移動迷宮The Maze Runner》嘅Dylan O’Brien演出,不過早前有人拍片訪問過佢,佢就話自己未聽過……其實,大家係咪覺得Tobey Maguire版嘅蜘蛛俠最正?可惜佢今年6月已經40歲,冇可能搵番佢再扮學生啦……

Read more ›

出現了!官方確定《蜘蛛俠》將投入Marvel電影世界

終於!終於都出現喇!官方網站都宣佈咗喇!但點解我唔講係投入復仇者聯盟呢?因為嚟緊嗰集一定冇佢份之餘,暫時Sony Pictures同Marvel只係達成協議,Sony會俾Spider-Man出現喺Marvel嘅電影世界,而最似會首次登場嘅電影,唔係復仇者聯盟,而係2016年嘅《Captain America: Civil War》!之後2017年,就會有新系列嘅《蜘蛛俠》電影,而男主角都唔會再係Andrew Garfield。協議中講到Sony仍然有創作嘅決定權同版權,而新電影嘅擁有權都係屬於佢,至於呢個消息仲有咩影響?據消息所講就係《Thor 3》、《Black Panther》、《Captain Marvel》同《Inhumans》都要讓路俾2017年7月上映嘅《Spider-Man》電影而壓後。

Read more ›
新片速報 超正剪接 蜘蛛俠參戰《The Avengers》紐約事件

新片速報 超正剪接 蜘蛛俠參戰《The Avengers》紐約事件

首先講講,Marvel同Sony仲未達成Spider-Man加盟電影版《The Avengers》嘅協議,不過我個人就覺得今次成事機會似乎幾大。講開又講,如果成事,咁第1集嘅紐約大戰其實好難解釋到點解冇蜘蛛仔參戰,於是就有fans幫佢補完!雖然只係短短20秒,但剪接得好好,的士被射飛,蜘蛛俠救人,真嘅一樣!好有feel!

Read more ›

埃及蜘蛛俠 帶快樂給國民

好多時候,我哋都會幻想有超級英雄出現,幫我哋對抗不公義。可能你會話呢啲人扮嘅啫,都冇用……咁就未必啱得晒喇,因為就算佢哋冇特殊技能,但都帶到正能量俾大家,至少令可以小朋友開心。好似呢位攝影師Hossam Atef咁,佢就喺埃及首都開羅Cairo影咗一輯Spider-Man相,又晾衫又食水煙,就係希望大家無論喺點艱難嘅時間,都唔好忘記點樣笑!

Read more ›