fbpx

Tag: 蛋黃哥

【又係你呀蛋黃哥】8款磁石系列下月開賣 西多士蛋黃哥好味道

【又係你呀蛋黃哥】8款磁石系列下月開賣 西多士蛋黃哥好味道

蛋黃哥又出動,最近佢似乎潛咗啲,唔知班fans有無變心?RE-MENT剛宣佈又出蛋黃哥新玩具,今次係磁石系列,總共有8蛋黃哥,全部都係同食物有關,啱晒貼喺雪櫃面。我最鐘意西多士嗰款,比較罕見,另外背面有撻紅色醬好似中槍嗰款都正,今年12月14日發售,每個380円,去開日本記住買買買嘞!

Read more ›

【囡囡尖叫】蛋黃哥亂入萬聖節 面具殺人魔 /吸血伯爵好罕見

【囡囡尖叫】蛋黃哥亂入萬聖節 面具殺人魔 /吸血伯爵好罕見

好過份!一向對萬聖節無乜感覺嘅我,見到呢幾隻蛋黃哥都忍唔住鍾意咗萬聖節。一共七個造型,除咗繼續賣萌嘅蝙蝠、南瓜同巫師造型之外,個人認為最驚喜係用透明蛋白罩住自己扮鬼嘅鬼蛋黃,仲有趴地戴面具嘅《黑色星期五》「面具殺人魔」Jason Voorhees造型、吸血伯爵蛋黃哥露出兩隻尖牙‥‥‥每個設計都好有心思,儲得過!今次都係台灣嘅「研達國際」出品,之前出過蛋黃哥磁石貼,由於係台灣出品,所以盒面應該係寫住「蛋黃哥」而唔係「梳乎蛋」,網站有得買,一套台幣899,唉我又想買一套。

Read more ›
蛋黃哥開運八寶 御守護身符超想要!

蛋黃哥開運八寶 御守護身符超想要!

好打耳!蛋黃哥瘋狂出產品,每次都好吸引,不過今次用「開運」做主題,夠晒日本風,而且每件都好精緻,超想要!照舊都係RE-MENT出品,總共有8個款式,最正都係蛋黃哥御守護身符,其次成咗佛嘅金色蛋黃哥都好正,10月12日有得賣,380円,有無得訂?

Read more ›
【超缺貨】正宗「蛋黃哥」雪櫃磁石貼 6個款式台灣開賣

【超缺貨】正宗「蛋黃哥」雪櫃磁石貼 6個款式台灣開賣

蛋黃哥又有新嘢推出,今次睇見個盒寫住「蛋黃哥」三隻字,就知道係台灣出品(因為香港叫梳呼蛋架嘛),主菜係森永朱古力球,不過入面就附送一隻蛋黃哥磁石,一共有六款,貼晒喺雪櫃面都幾靚,盒面嘅字條都幾正,例如:「自己的食物自己找!」就夾晒蛋黃哥風格。每盒賣台幣$49,便利店或者超級市場有得買,據台灣網友講,Family Mart而家有得賣但超缺貨,7-11就月底有貨,有朋友去開台灣記住托佢買返幾盒喇。

Read more ›
蛋黃哥食物吊飾 變身飯團哥/甜筒哥

蛋黃哥食物吊飾 變身飯團哥/甜筒哥

又嚟嘞!呢隻超hea嘅蛋黃哥,個個星期都有新產品公佈,今次就到呢個細細件嘅食物吊飾,一式五款,三角紫菜飯團勁得意,喺入面爬爬吓嗰款甜筒都好搞笑,仲有漢堡、腸仔、蘆筍等唔同食物,唯一不變嘅係佢都係口擘擘勁懶散!今個月推出,每扭一次200円,去開日本記住帶埋佢哋返香港嘞。

Read more ›
蛋黃哥又出動     主打日式料理8道菜

蛋黃哥又出動 主打日式料理8道菜

紅,梗係要出多啲產品搵錢啦,講緊嘅係蛋黃哥,日本嘅RE-MENT啱啱又公佈有新產品推出,今次開正蛋黃哥嗰瓣,繼續出食物,之前出過Cafe系列,今次就主打日式料理,名為「ぐでたま食堂」,有咖喱飯、出前一叮、蛋包飯、烏龍麵、親子丼‥‥‥每套都有齊最少三至四件工具,儲埋可以喺屋企自己同自己玩迷你版煮飯仔,可惜要等到11月16日先推出。每盒賣500円。

Read more ›

蛋黃哥出零食米餅 蛋飯醬油有層次

蛋黃哥出零食米餅 蛋飯醬油有層次

蛋黃哥個樣真係好懶好嘆,好難想像佢變成卜卜脆……不過嚟緊今個月喺日本,蛋黃哥就會同「栗山米菓」合作,推出呢款期間限定零食,味道係「たまごかけごはん味」,話蛋、飯同豉油嘅風味啱啱好,唔知阿信屋會唔會有呢?

Read more ›
【超想要】蛋黃哥8件日常工具 蛋黃布甸座/petpet咭片夾萌爆

【超想要】蛋黃哥8件日常工具 蛋黃布甸座/petpet咭片夾萌爆

出名懶嘅蛋黃哥又嚟嘞,今次日本re-ment出嘅呢8款小工具堅想要!最想要係蛋黃哥變咗布甸嘅手機座,其次係托住支筆懶辛苦嘅筆座,仲有用pet pet夾住咭片嘅咭片架、冚住塊煙肉覺覺豬嘅書籤、扮晒扣住啲蛋白嘅集線器‥‥‥係,我認,全部8款我都好想要呀!每盒380円,不過要等到今個月14號先有得買,有無朋友去開日本,不如幫我哋團購?

Read more ›
【洗心革面】蛋黃哥學積極 杯邊掙扎運勁爬起

【洗心革面】蛋黃哥學積極 杯邊掙扎運勁爬起

蛋黃哥,即係梳乎蛋,今個夏天勁紅,去到邊都見到佢,但係粉絲點會厭?好似呢款佢同專出杯緣子嘅KITAN合作嘅扭蛋,一式六款,全部嘅動作都係扒喺杯邊,好適合蛋黃哥hea爆嘅作風。睇見佢攤喺透明嘅蛋白上微微掙扎,第一次覺得蛋黃哥都有唔太hea嘅時候。今個月底推出,經過見到扭蛋機記住飛撲去扭呀,因為有親蛋黃哥嘅機通常都好快售罄。

Read more ›
【超正】蛋黃哥滑溜電話殼 摸住body傾電話

【超正】蛋黃哥滑溜電話殼 摸住body傾電話

最近全城談論蛋黃哥,朗豪坊日日迫爆人,影完相仲可以去買埋精品,而且貨量都幾齊,可惜唔見呢個iPhone 6殼(4.7吋)吖。呢個殼唔係最新,不過啱啱喺日本網見到,最重要係仲有貨!白色嘅米粒上面攤咗個hea到爆嘅蛋黃哥,而且蛋黃又光又亮,好有質感,同佢個pat pat一樣。另外,講電話時仲可以揸住蛋黃哥個body,嗚呀!淨係咁都值得買啦。價錢3400円,有無朋友住日本可以幫幫手?

Read more ›
黃金蛋黃哥出動!Bandai食玩7月推出

黃金蛋黃哥出動!Bandai食玩7月推出

又係蛋黃哥!無計啦,佢就嚟殺到旺角朗豪坊,加上‥‥‥佢真係超得意嘛。今次係Bandai嚟緊7月29日推出嘅食玩系列,首先吸引我嘅係中間嘅黃金蛋黃哥,唔再係蛋黃色,變咗金色高貴咗,連個表情都得戚晒。今次連埋黃金蛋黃哥一共有6個款式,細心嘅你一定留意到今次嘅蛋白好有質感,半透明仲有少少流動嘅感覺,最重要要係蛋黃哥嘅表情都交足戲 (即係無戲無表情),我第二想要係佢拎住塊煙肉當被冚嗰款,好有大無畏嘅hea爆精神。

Read more ›

【無力星期日】又扭「蛋黃哥」 蛋殼不倒翁

【無力星期日】又扭「蛋黃哥」 蛋殼不倒翁

蛋黃哥嘅扭蛋出極都有,我樓下都有得扭吊飾,不過好似唔太精美。唔知呢套新嘅扭蛋返咗未呢?200円扭一次,全5款,好玩在蛋黃哥終於都喺蛋殼入面,而且仲可以自己搖搖吓不倒翁咁玩!

Read more ›
蛋黃哥又有新嘢出      6款玩具無力感爆燈

蛋黃哥又有新嘢出 6款玩具無力感爆燈

蛋黃哥差唔多每星期都有新產品推出,做佢嘅fans真係少啲錢都唔掂呀。今次佢衝出日本,同台灣嘅玩具公司合作,出咗一式六款嘅可愛玩具,又變水煮蛋,又玩荷包蛋,仲做埋玉子壽司,不過我最鍾意都依然係佢趴地嘅超無力款式。總共分兩個套裝,每套有3款賣台幣$360(即係港幣$90左右),今日開始可以上網買,13號起就全市7-11都有,聽講呢次只係第一彈,嚟緊仲陸續有嚟。

Read more ›
蛋黃哥狂玩雙連發     扮不倒翁hea爆

蛋黃哥狂玩雙連發 扮不倒翁hea爆

蛋黃哥喺日本真係好紅,紅到瘋狂出扭蛋盒蛋。首先今個月會同T-ARTS合作出不倒翁蛋黃哥,瞓喺蛋殼入面嘅蛋黃哥hea爆搖搖吓,勁得意!另外又會同Re-Ment合作喺6月中推出食玩盒蛋「Gudetama Cafe」,食正蛋黃哥強項啦,依附喺食物上,一式8款,無論班戟、雪糕新地、意粉、蛋撻,全部都見到得意到暈嘅蛋黃哥,好想儲!

Read more ›
蛋黃哥8種好味食法     完美演繹hea爆藝術

蛋黃哥8種好味食法 完美演繹hea爆藝術

蛋黃哥又出動!今次開正佢嗰瓣,就係RE-MENT出嘅食物扭蛋!一共有8個款式,全部都係名物,例如玉子燒啦、蛋黃哥納豆啦、溫泉蛋烏冬啦、蛋包飯、玉子壽司、蛋多士‥‥‥全部都有蛋黃哥瞓身hea爆演出,完美演繹到佢hea懶呆嘅特色,好想儲齊一套!

Read more ›