Post Tagged with: "蛋黃哥"

慶祝5週年出賣屁屁 蛋黃哥池袋主題餐廳
by / on 15/06/2018 at 7:41 am

慶祝5週年出賣屁屁 蛋黃哥池袋主題餐廳

唔經唔覺「蛋黃哥」已經出道咗5年,最近佢喺池袋嘅「ぐでたまかふぇ 池袋店」推出期間限定主題套餐,由6月26日至9月4日開放。今次嘅食物好有誠意,墨魚麵真係有墨魚,黑咖喱又有蛋黃哥嘅屁屁助慶,仲有好多女仔鍾意嘅紫薯同埋好多款飲品、甜品,去開日本記住探吓佢同佢慶祝生日喇。

Read more ›

日本麥當勞推出「蛋黃哥麥旋風」 開心樂園餐玩具超正
by / on 07/06/2018 at 7:41 am

日本麥當勞推出「蛋黃哥麥旋風」 開心樂園餐玩具超正

有無人同我一樣好鍾意食麥旋風?日本嘅蛋黃哥最近好忙,繼同溫泉旅館合作之後,最新公佈同麥當勞合作推出一款神秘味道嘅麥旋風,聽日開始推出,仲設計咗6個不同款式嘅雪糕杯,不過最吸引都係買開心樂園餐跟嗰6款蛋黃哥玩具,勁精緻!另外Twitter都有活動搞,估中杯蛋黃哥麥旋風係咩味道,就有機會得到隻金色蛋黃哥公仔或者禮卷,6月13日揭曉。

Read more ›
【Hea浸】日本期間限定    同1萬隻蛋黃哥浸溫泉
by / on 29/05/2018 at 7:30 am

【Hea浸】日本期間限定 同1萬隻蛋黃哥浸溫泉

同蛋黃哥一齊hea住浸溫泉,諗起都爽!今次仲要係一次過同1萬隻蛋黃哥浸,太過份嘞。最近佢同「極樂湯」合作,喺静岡縣同大阪兩間店做期間限定主題,入面成個溫泉都係蛋黃哥,一望無際全部都係黃色!除咗浸浴之外,場內好多地方都佈置咗蛋黃哥嘅主題,例如餐廳有蛋黃哥特式食品,當然唔少得大量精品任買,全部都係蛋黃哥浸緊浴嘅囂張樣,fans記住留意。

Read more ›
日本「蛋黃哥」5周年慶祝活動    橫濱食買玩冬甩超可愛
by / on 04/02/2018 at 12:31 pm

日本「蛋黃哥」5周年慶祝活動 橫濱食買玩冬甩超可愛

唔講唔覺,蛋黃哥原來已經5周年嘞。除咗今年喺大阪有主題餐廳慶祝之外,嚟緊3月31日一連兩日會喺橫濱嘅紅磚倉庫舉行活動。今次蛋黃哥變咗水手,有大量精品推出,仲有好多主題食物,其中個冬甩同埋白飯都好搞笑,fans而家開始計劃都未遲,不過留意返記住網上預訂入場券。

Read more ›
蛋黃哥變貴氣 18K金造型聯乘日本首飾品牌
by / on 24/01/2018 at 7:50 am

蛋黃哥變貴氣 18K金造型聯乘日本首飾品牌

好耐無見嘅蛋黃哥又出現嘞,最近佢身價上升,因為同咗日本嘅首飾品牌The Kiss合作,推出咗戒指同頸鍊兩款新產品。主角蛋黃哥用咗18K金,配埋950純銀,即時貴氣咗。不過蛋黃哥依然係咁懶散。價錢方面,頸鍊同戒指都係賣91000円,即係港幣6千4百蚊右左,留意返個首飾盒係一個蛋殼,好細心,女仔實鐘意。

Read more ›
【有片】蛋黃屠龍記 《Monster Hunter XX》 X《ぐでたま》介紹影片
by / on 19/03/2017 at 3:06 pm

【有片】蛋黃屠龍記 《Monster Hunter XX》 X《ぐでたま》介紹影片

今集《Monster Hunter XX》嘅聯乘對象真係好多,嚟緊又有蛋黃哥,官方發佈咗介紹影片,唔好咁懶喇,起身喇!

Read more ›

【新片速報】Hello Kitty都跳《逃避雖可恥》片尾舞    蛋黃哥瞓住跳
by / on 15/12/2016 at 7:47 am

【新片速報】Hello Kitty都跳《逃避雖可恥》片尾舞 蛋黃哥瞓住跳

日劇《逃避雖可恥但有用》有幾紅?紅到連Sanrio角色都要跟佢跳片尾嘅舞!呢段片啱啱放上網已經好多人轉發,Hello Kitty同Dear Daniel一齊跳舞,不過焦點係後面嘅蛋黃哥,點解咁唔合拍打橫瞓咗喺地架?不過之後有佢嘅solo部份,效果係點?當然係佢一貫嘅hea作風啦,不過好好笑嘅。

Read more ›
日本蛋王哥入浴劑 浸蛋黃浴好放鬆
by / on 09/11/2016 at 4:21 pm

日本蛋王哥入浴劑 浸蛋黃浴好放鬆

蛋黃浴咁恐怖?話成份只係蜂蜜、透明質酸嗰啲啫……呢隻「ぐでたまとろとろ入浴剤」賣259円一包,開咗水之後係蛋黃咁嘅色,據講有放鬆身心嘅效用,不過可唔可以好似蛋黃哥咁hea就要試吓先知。

Read more ›
【有片】YouTube教整動漫食物      蛋黃哥/東京喰種/巨人出動
by / on 19/06/2016 at 11:43 am

【有片】YouTube教整動漫食物 蛋黃哥/東京喰種/巨人出動

呢位來自日本嘅泰國女仔好叻整嘢食,吐司、Latte咖啡、便當全部難佢唔到,而且佢仲好叻將動漫角色放入食品入面,影嘅相仲好靚!東京喰種便當、小新petpet班戟、蛋黃哥杯麵、龍貓吐司,總之你諗得出嘅佢大部份都整過,佢仲有自己嘅YouTube頻道,無私分享食譜,推介!

Read more ›
【崩壞】蛋黃哥變脹爆Hello Kitty   惡搞Sanrio六大角色
by / on 22/04/2016 at 7:14 am

【崩壞】蛋黃哥變脹爆Hello Kitty 惡搞Sanrio六大角色

最近蛋黃哥好似低調咗,為咗令大家再次注意返佢,佢決定玩Cosplay!最近日本奇譚Kitan同Sanrio合作推出呢款蛋黃哥扭蛋,6個蛋黃哥化身唔同嘅Sanrio角色造型,例如外形漲爆嘅Hello Kitty、倒吊嘅Melody,仲有好耐無見嘅XO公仔、布甸狗,惡搞味好濃,好配合蛋黃哥一向嘅作風。預計今個月底喺Sanrio專門店有得買,每個500円,去開日本記住要入貨。

Read more ›
【有片】蛋黃的事蛋黃做 日本網民影「蛋黃哥」勤力執被瘋傳
by / on 30/03/2016 at 4:17 pm

【有片】蛋黃的事蛋黃做 日本網民影「蛋黃哥」勤力執被瘋傳

蛋黃哥俾大家嘅感覺係咪好Hea好懶?但事實並唔係咁樣。有日本網民喺東京Sanrio Puroland就拍到呢一幕,蛋黃哥佢見工作人員推緊半個蛋殼出嚟嗰陣,佢就自己落手執番啲「蛋白」,雖然身型笨拙都依然落力……難得見到佢唔係hea緊,所以條片有成過5萬個RT。另外提提,Sanrio Puroland至到5月31日都有蛋黃哥嘅Live Show睇,準備起程嘅蛋黃fans要諗諗。

Read more ›

【有片】真人蛋黃哥執毛巾爬蛋殼 超治癒Twitter熱傳
by / on 19/03/2016 at 11:44 am

【有片】真人蛋黃哥執毛巾爬蛋殼 超治癒Twitter熱傳

識郁嘅蛋黃哥已經令人好想睇,仲要自己執返地下嘅蛋白(毛巾),再跳上蛋殼,成件事萌到極限。呢段影片喺Twitter好多人RT,估計片中嘅蛋黃哥應該啱啱表演完,之後女工作人員推架車仔嚟接走佢,點知佢一嘢跳入去蛋殼入面收埋自己,氹到女工作人員好開心。BTW,蛋黃哥真人個屁股都幾圓潤。

Read more ›
Hea住嚟敷 蛋黃哥出面膜
by / on 14/01/2016 at 10:15 pm

Hea住嚟敷 蛋黃哥出面膜

日本近年都好多動漫角色出面膜,咁大熱嘅蛋黃哥(ぐでたま)……終於都嚟喇。佢個樣真係簡單到極限,敷咗上去應該幾好笑。除咗佢之外,仲有「ポムポムプリン」、「ハンギョドン」都會出,1月中推出,各432円。

Read more ›
【無力貓】蛋黃哥 X《Monster Hunter》 出衛衣出景品Hea住屠龍
by / on 10/01/2016 at 2:53 pm

【無力貓】蛋黃哥 X《Monster Hunter》 出衛衣出景品Hea住屠龍

之前都有同《モンハン日記 ぽかぽかアイルー村DX》合作,出咗隻艾露貓 X 蛋黃哥公仔,不過要應募。今次呢兩件衛衣就有得買,前日喺「ファッションセンターしまむら」發售,1,900円。另外亦都會有SegaPrize!景品喺月中推出。

Read more ›
【療癒系】8款蛋黃哥醒神早餐 納豆屁股好健美
by / on 05/01/2016 at 7:10 am

【療癒系】8款蛋黃哥醒神早餐 納豆屁股好健美

RE-MENT出嘅「蛋黃哥」食玩系列又有新作,作為食得嘅蛋黃哥,出食物最順理成章,今次推出嘅係早餐系列,一共有8款出餐,中、西、日都有,款款睇落都好好味。精選食品包括有跌咗落水嘅生蛋熱飲、蛋三文治、西式煎蛋、日式蛋奄列‥‥‥不過最搶眼都係納豆上嘅一個蛋黃哥屁股,好健美,唔落足眼力都睇唔倒。預計今個月18日推出,未推出前可以去食返個豐富早餐醫肚先。

Read more ›